9. ਪ੍ਰਸ਼ਨ ਵਾਚਕ ਵਾਕਾਂ ਨੂੰ ਸਧਾਰਨ ਵਾਕਾਂ ਵਿੱਚ ਬਦਲਣਾ।
(ੳ)
ਪ੍ਰਸ਼ਨ ਵਾਚਕ ਵਾਕ : ਤੁਹਾਡਾ ਨਾਂ ਕੀ ਹੈ ?
ਸਧਾਰਨ ਵਾਕ : ਤੁਸੀਂ ਆਪਣਾ ਨਾਂ ਦੱਸੋ।
(ਅ)
ਪ੍ਰਸ਼ਨ ਵਾਚਕ ਵਾਕ : ਤੁਹਾਡੇ ਪਿਤਾ ਜੀ ਕੀ ਕੰਮ ਕਰਦੇ ਹਨ ?
ਸਧਾਰਨ ਵਾਕ : ਆਪਣੇ ਪਿਤਾ ਜੀ ਦਾ ਕਾਰੋਬਾਰ ਦੱਸੋ।
(ੲ)
ਪ੍ਰਸ਼ਨ ਵਾਚਕ ਵਾਕ : ਕਿਹੜੀ ਮਾਂ ਹੈ, ਜਿਸ ਨੂੰ ਆਪਣੇ ਬੱਚੇ ਨਾਲ ਪਿਆਰ ਨਹੀਂ ਹੁੰਦਾ ?
ਸਧਾਰਨ ਵਾਕ : ਹਰ ਮਾਂ ਨੂੰ ਆਪਣੇ ਬੱਚੇ ਨਾਲ ਪਿਆਰ ਹੁੰਦਾ ਹੈ।
(ਸ)
ਪ੍ਰਸ਼ਨ ਵਾਚਕ ਵਾਕ : ਵਾਕ ਦੀਆਂ ਕਿੰਨੀਆਂ ਕਿਸਮਾਂ ਹਨ ?
ਸਧਾਰਨ ਵਾਕ : ਵਾਕ ਦੀਆਂ ਕਿਸਮਾਂ ਬਾਰੇ ਲਿਖੋ।
10. ਸਧਾਰਨ ਵਾਕ ਨੂੰ ਪ੍ਰਸ਼ਨ ਵਾਚਕ ਵਾਕ ਵਿੱਚ ਬਦਲਣਾ।
(ੳ)
ਸਧਾਰਨ ਵਾਕ : ਤੁਹਾਡੀ ਸਿਆਣਪ ਨੂੰ ਸਭ ਜਾਣਦੇ ਹਨ।
ਪਸ਼ਨ ਵਾਚਕ ਵਾਕ : ਤੁਹਾਡੀ ਸਿਆਣਪ ਨੂੰ ਕੌਣ ਨਹੀਂ ਜਾਣਦਾ ?
(ਅ)
ਸਧਾਰਨ ਵਾਕ : ਕਸਰਤ ਦੇ ਲਾਭ ਦੱਸੋ।
ਪ੍ਰਸ਼ਨ ਵਾਚਕ ਵਾਕ : ਕਸਰਤ ਦੇ ਕੀ-ਕੀ ਲਾਭ ਹਨ ?
(ੲ)
ਸਧਾਰਨ ਵਾਕ : ਆਪਣੇ ਸ਼ਹਿਰ ਦਾ ਨਾਂ ਦੱਸੋ।
ਪ੍ਰਸ਼ਨ ਵਾਚਕ ਵਾਕ : ਤੁਹਾਡੇ ਸ਼ਹਿਰ ਦਾ ਕੀ ਨਾਂ ਹੈ ?
(ਸ)
ਸਧਾਰਨ ਵਾਕ : ਅੱਜ-ਕੱਲ੍ਹ ਗ਼ਰੀਬ ਨੂੰ ਕੋਈ ਨਹੀਂ ਪੁੱਛਦਾ।
ਪ੍ਰਸ਼ਨ ਵਾਚਕ ਵਾਕ : ਅੱਜ-ਕੱਲ੍ਹ ਗ਼ਰੀਬ ਨੂੰ ਕੌਣ ਪੁੱਛਦਾ ਹੈ ?
11. ਸਧਾਰਨ ਵਾਕਾਂ ਤੋਂ ਵਿਸਮੈ ਵਾਚਕ ਵਾਕ ਬਣਾਉਣਾ।
(ੳ)
ਸਧਾਰਨ ਵਾਕ : ਫੁੱਲ ਬਹੁਤ ਸੁੰਦਰ ਹੈ।
ਵਿਸਮੈ ਵਾਚਕ ਵਾਕ : ਕਿੰਨਾ ਸੁੰਦਰ ਫੁੱਲ ਹੈ!
(ਅ)
ਸਧਾਰਨ ਵਾਕ : ਇਹ ਕਹਾਣੀ ਬਹੁਤ ਦੁੱਖ ਭਰੀ ਹੈ।
ਵਿਸਮੈ ਵਾਚਕ ਵਾਕ : ਹਾਏ ! ਕਿੰਨੀ ਦੁੱਖ ਭਰੀ ਕਹਾਣੀ ਹੈ।
(ੲ)
ਸਧਾਰਨ ਵਾਕ : ਮੇਰੀ ਇੱਛਾ ਚੰਗੇ ਨੰਬਰ ਲੈਣ ਦੀ ਹੈ।
ਵਿਸਮੈ ਵਾਚਕ ਵਾਕ : ਕਾਸ਼! ਮੇਰੇ ਚੰਗੇ ਨੰਬਰ ਆ ਜਾਣ।
(ਸ)
ਸਧਾਰਨ ਵਾਕ : ਬੜੀ ਹੈਰਾਨੀ ਹੈ ਕਿ ਰਾਮ ਫ਼ੇਲ੍ਹ ਹੋ ਗਿਆ।
ਵਿਸਮੈ ਵਾਚਕ ਵਾਕ : ਹੈਂ! ਰਾਮ ਫ਼ੇਲ੍ਹ ਹੋ ਗਿਆ।
11. ਵਿਸਮੈ ਵਾਚਕ ਵਾਕ ਤੋਂ ਸਧਾਰਨ ਵਾਕ ਬਣਾਉਣਾ।
(ੳ)
ਵਿਸਮੈਂ ਵਾਚਕ ਵਾਕ : ਕਾਸ਼ ਮੈਂ ਡਾਕਟਰ ਹੁੰਦਾ।
ਸਧਾਰਨ ਵਾਕ : ਮੇਰੀ ਇੱਛਾ ਹੈ ਕਿ ਮੈਂ ਡਾਕਟਰ ਹੁੰਦਾ।
(ਅ)
ਵਿਸਮੈ ਵਾਚਕ ਵਾਕ : ਆਹਾ! ਅਸੀਂ ਮੈਚ ਜਿੱਤ ਗਏ।
ਸਧਾਰਨ ਵਾਕ : ਸਾਨੂੰ ਖ਼ੁਸ਼ੀ ਹੈ ਕਿ ਅਸੀਂ ਮੈਚ ਜਿੱਤ ਗਏ।
(ੲ)
ਵਿਸਮੈ ਵਾਚਕ ਵਾਕ : ਜਿਉਂਦਾ ਰਹਿ! ਵੱਡੀਆਂ ਉਮਰਾਂ ਵਾਲਾ ਹੋਵੇ।
ਸਧਾਰਨ ਵਾਕ : ਮੇਰੀ ਦੁਆ ਹੈ ਕਿ ਤੇਰੀ ਉਮਰ ਵੱਡੀ ਹੋਵੇ।
(ਸ)
ਵਿਸਮੈ ਵਾਚਕ ਵਾਕ : ਅਫ਼ਸੋਸ! ਉਸ ਦੇ ਪਿਤਾ ਮਰ ਗਏ।
ਸਧਾਰਨ ਵਾਕ : ਮੈਨੂੰ ਦੁੱਖ ਹੈ ਕਿ ਉਸ ਦੇ ਪਿਤਾ ਨਹੀਂ ਰਹੇ।