ਮੇਰੇ ਵੱਡੇ ਵਡੇਰੇ : ਇੱਕ ਦੋ ਸ਼ਬਦਾਂ ਵਿੱਚ ਉੱਤਰ
ਇੱਕ-ਦੋ ਸ਼ਬਦਾਂ ਜਾਂ ਇੱਕ ਵਾਕ/ਇੱਕ ਸਤਰ ਵਿੱਚ ਉੱਤਰ ਵਾਲੇ ਪ੍ਰਸ਼ਨ
ਪ੍ਰਸ਼ਨ 1. ਤੁਹਾਡੀ ਪਾਠ-ਪੁਸਤਕ ਵਿੱਚ ਗਿਆਨੀ ਗੁਰਦਿੱਤ ਸਿੰਘ ਦਾ ਕਿਹੜਾ ਲੇਖ ਦਰਜ ਹੈ?
ਉੱਤਰ : ਮੇਰੇ ਵੱਡੇ-ਵਡੇਰੇ।
ਪ੍ਰਸ਼ਨ 2. ਤੁਹਾਡੀ ਪਾਠ-ਪੁਸਤਕ ਵਿੱਚ ਸ਼ਾਮਲ ਲੇਖ ‘ਮੇਰੇ ਵੱਡੇ-ਵਡੇਰੇ’ ਦਾ ਲੇਖਕ ਕੌਣ ਹੈ?
ਉੱਤਰ : ਗਿਆਨੀ ਗੁਰਦਿੱਤ ਸਿੰਘ।
ਪ੍ਰਸ਼ਨ 3. ਗਿਆਨੀ ਗੁਰਦਿੱਤ ਸਿੰਘ ਅਨੁਸਾਰ ਕੌਣ ਆਪਣੇ ਜ਼ਮਾਨੇ ਦੇ ਮਨੁੱਖ ਸਨ?
ਉੱਤਰ : ਗਿਆਨੀ ਗੁਰਦਿੱਤ ਸਿੰਘ ਦੇ ਦਾਦੇ-ਪੜਦਾਦੇ/ਵੱਡੇ-ਵਡੇਰੇ।
ਪ੍ਰਸ਼ਨ 4. ਕੌਣ ਪੁਰਾਣੇ ਪੰਜਾਬ ਦੇ ਇੱਕ ਨਮੂਨੇ ਦੇ ਪੁਰਖੇ ਸਨ?
ਉੱਤਰ : ਲੇਖਕ ਦੇ ਵੱਡੇ-ਵਡੇਰੇ।
ਪ੍ਰਸ਼ਨ 5. ਕਿਸ ਨੇ ਆਪਣੇ ਦਾਦੇ-ਬਾਬੇ ਆਪਣੀਆਂ ਅੱਖਾਂ ਨਾਲ ਨਹੀਂ ਦੇਖੋ?
ਉੱਤਰ : ਲੇਖਕ ਨੇ/ਗਿਆਨੀ ਗੁਰਦਿੱਤ ਸਿੰਘ ਨੇ
ਪ੍ਰਸ਼ਨ 6. ‘ਬਲੂੰਗੜਾ ਪਹਿਲਵਾਨ’ ਕਿਸ ਨੂੰ ਕਿਹਾ ਗਿਆ ਹੈ?
ਉੱਤਰ : ਲੇਖਕ ਨੂੰ/ਗਿਆਨੀ ਗੁਰਦਿੱਤ ਸਿੰਘ ਨੂੰ।
ਪ੍ਰਸ਼ਨ 7. ਕਿਨ੍ਹਾਂ ਦੀਆਂ ਮਜ਼ੇਦਾਰ ਕਹਾਣੀਆਂ ਨੂੰ ਪਿੰਡ ਦੇ ਸਿਆਣੇ ਤੇ ਗਾਲੜੀ ਚਟਕਾਰੇ ਲਾ-ਲਾ ਸੁਣਾਉਂਦੇ ਸਨ?
ਉੱਤਰ : ਲੇਖਕ ਦੇ ਵੱਡੇ-ਵਡੇਰਿਆਂ ਦੀਆਂ।
ਪ੍ਰਸ਼ਨ 8. ਲੇਖਕ ਦੇ ਦਾਦਿਆਂ ਦੇ ਨਾਂ ਲਿਖੋ।
ਉੱਤਰ : ਦਾਸ, ਪੁਨੂੰ, ਰਾਮ ਦਿੱਤਾ, ਸਾਹਿਬ ਸਿੰਘ।
ਪ੍ਰਸ਼ਨ 9. ਲੇਖਕ ਦੇ ਦਾਦੇ ਨੇੜੇ-ਤੇੜੇ ਦੇ ਪਿੰਡਾਂ ਵਿੱਚ ਕੀ ਬਣੇ ਹੋਏ ਸਨ?
ਉੱਤਰ : ਹਊਆ।
ਪ੍ਰਸ਼ਨ 10. ਕਿਸ ਖੇਤ ਵਿੱਚ ਡੰਡੀ ਆਪੇ ਪੈ ਜਾਂਦੀ ਸੀ?
ਉੱਤਰ : ਜਿਸ ਖੇਤ ਵਿੱਚੋਂ ਲੇਖਕ ਦੇ ਚਾਰੇ ਬਾਬੇ ਲੰਘ ਜਾਣ।
ਪ੍ਰਸ਼ਨ 11. ਵਿਆਹ ਵਾਲਿਆਂ ਨੇ ਗੁੜ ਦੇ ਪ੍ਰਸਾਦ ਦਾ ਕੜਾਹਾ ਕਿਸ ਲਈ ਕੱਢਿਆ ਸੀ?
ਉੱਤਰ : ਮੇਲ-ਗੇਲ ਲਈ।
ਪ੍ਰਸ਼ਨ 12. ਪੁਰਾਣੇ ਜ਼ਮਾਨੇ ਵਿੱਚ ਪਹਿਲਵਾਨ ਢੋਲ ਵਾਲੇ ਨੂੰ ਨਾਲ ਲੈ ਕੇ ਕਿਹੜਾ ਝੰਡਾ ਫੜ ਕੇ ਚੜ੍ਹਦੇ ਸਨ?
ਉੱਤਰ : ‘ਦਿਗ-ਵਿਜੈ’ ਦਾ
ਪ੍ਰਸ਼ਨ 13. ਪਹਿਲਵਾਨ ਇੱਕ ਪਿੰਡ ਨੂੰ ਫ਼ਤਿਹ ਕਰ ਕੇ ਕਿਸ ‘ਤੇ ਚੜਾਈ ਕਰਦੇ ਸਨ?
ਉੱਤਰ : ਦੂਜੇ ਪਿੰਡ ‘ਤੇ।
ਪ੍ਰਸ਼ਨ 14. ਲੇਖਕ ਦਾ ਛੋਟਾ ਜਿਹਾ ਪਿੰਡ ਦੇਖ ਕੇ ਕੌਣ ਹੰਕਾਰ ਵਿੱਚ ਆ ਗਿਆ?
ਉੱਤਰ : ਪਹਿਲਵਾਨ।
ਪ੍ਰਸ਼ਨ 15. “ਇੱਥੇ ਦਾ ਤਾਂ ਕਦੇ ਕੋਈ ਪਹਿਲਵਾਨ ਸੁਣਿਆ ਈ ਨਹੀਂ।” ਇਹ ਸ਼ਬਦ ਕਿਸ ਨੇ ਕਹੇ?
ਉੱਤਰ : ਪਹਿਲਵਾਨ ਨੇ।
ਪ੍ਰਸ਼ਨ 16. ਪੁਰਾਣੇ ਜ਼ਮਾਨੇ ਵਿੱਚ ਪਿੰਡਾਂ ਦੇ ਲੋਕ ਪਹਿਲਵਾਨਾਂ ਨੂੰ ਕੀ ਦਿੰਦੇ ਸਨ?
ਉੱਤਰ : ਘਿਓ, ਗੁੜ ਤੇ ਕੱਪੜਿਆਂ ਦੇ ਥਾਨ ਆਦਿ।
ਪ੍ਰਸ਼ਨ 17. ਪੀਰਾਂ-ਫ਼ਕੀਰਾਂ ਵਾਂਗ ਕਿਸ ਨੂੰ ਨਕਦੀ ਚੜ੍ਹਾਈ ਜਾਂਦੀ ਸੀ?
ਉੱਤਰ : ਪਹਿਲਵਾਨਾਂ ਨੂੰ।
ਪ੍ਰਸ਼ਨ 18. ਕੌਣ ਗੱਡੇ ਦਾ ਲੱਦ ਇਕੱਠਾ ਕਰ ਕੇ ਨਾਲ-ਨਾਲ ਲਈ ਫਿਰਦਾ ਸੀ?
ਉੱਤਰ : ਪਹਿਲਵਾਨ।
ਪ੍ਰਸ਼ਨ 19. ਪੱਕੀ ਰਸਦ ਵਿੱਚ ਪਹਿਲਵਾਨ ਨੂੰ ਕੀ ਦਿੱਤਾ ਜਾਂਦਾ ਸੀ?
ਉੱਤਰ : ਘੱਟੋ-ਘੱਟ ਧੜੀ ਘਿਓ, ਏਨੀ ਹੀ ਖੰਡ, ਬਦਾਮ ਤੇ ਹੋਰ ਆਟਾ ਆਦਿ ਸਮਗਰੀ।
ਪ੍ਰਸ਼ਨ 20. “ਬਾਬਾ ! ਤੂੰ ਹੀ ਲਾਜ ਰੱਖ ਸਕਦਾ ਹੈਂ।” ਇਹ ਸ਼ਬਦ ਕਿਸ ਨੇ ਕਹੇ?
ਉੱਤਰ : ਚੌਧਰੀ ਚੜ੍ਹਤ ਸਿੰਘ ਨੇ।
ਪ੍ਰਸ਼ਨ 21. ਕਿਸ ਨੂੰ ਬਾਬੇ ਪੁਨੂੰ ਦੀ ਤਾਕਤ ਦਾ ਪਤਾ ਸੀ?
ਉੱਤਰ : ਚੌਧਰੀ ਚੜ੍ਹਤ ਸਿੰਘ ਨੂੰ।
ਪ੍ਰਸ਼ਨ 22. ਚੌਧਰੀ ਚੜ੍ਹਤ ਸਿੰਘ ਨੇ ਬਾਬੇ ਪੁਨੂੰ ਨੂੰ ਕਿਸ ਦੀ ਪੱਤ ਰੱਖਣ ਲਈ ਕਿਹਾ?
ਉੱਤਰ : ਪਿੰਡ ਦੀ।
ਪ੍ਰਸ਼ਨ 23. ‘ਤਿਓੜ’ ਕਿਸ ਨੂੰ ਕਹਿੰਦੇ ਹਨ?
ਉੱਤਰ : ਦਹੀਂ/ਦੁੱਧ ਜਾਂ ਅਧਰਿੜਕ ਵਿੱਚ ਦੁੱਧ ਦੀਆਂ ਧਾਰਾਂ ਮਾਰ ਕੇ ਬਣਾਇਆ ਪਦਾਰਥ।
ਪ੍ਰਸ਼ਨ 24. ਪਹਿਲਵਾਨ ਦਾ ਸਰੀਰ ਕਿਸ ਵਾਂਗ ਲਿਸ਼ਕਦਾ ਸੀ?
ਉੱਤਰ : ਨਾਗ ਵਾਂਗ।
ਪ੍ਰਸ਼ਨ 25. ਕਿਸ ਦੇ ਪਿੰਡੇ/ਸਰੀਰ ਨੂੰ ਤੇਲ ਦੀ ਤਿੱਪ ਵੀ ਨਹੀਂ ਛੂਹੀ ਹੋਈ ਸੀ?
ਉੱਤਰ : ਬਾਬੇ ਪੁਨੂੰ ਦੇ ਪਿੰਡੇ ਨੂੰ।
ਪ੍ਰਸ਼ਨ 26. ਬਾਬੇ ਪੁਨੂੰ ਨੂੰ ਦੇਖ ਕੇ ਕੌਣ ਖਿੜ-ਖਿੜਾ ਕੇ ਹੱਸਿਆ?
ਉੱਤਰ : ਪਹਿਲਵਾਨ।
ਪ੍ਰਸ਼ਨ 27. ਕਿਸ ਦੀਆਂ ਅੱਖਾਂ ਦੇ ਆਨੇ ਬਾਹਰ ਆਉਣ ਲੱਗੇ?
ਉੱਤਰ : ਪਹਿਲਵਾਨ ਦੀਆਂ।
ਪ੍ਰਸ਼ਨ 28. ਸ਼ਹਿਤੂਤ ਦਾ ਦਰਖ਼ਤ ਹਨੇਰੀ ਨਾਲ ਜੜ੍ਹਾਂ ਤੋਂ ਉਖੜ ਕੇ ਕਿੱਥੇ ਡਿਗ ਪਿਆ?
ਉੱਤਰ : ਰਾਹ ਵਿਚਾਲੇ।
ਪ੍ਰਸ਼ਨ 29. ਕਿੱਕਰ ਦੀ ਗੇਲੀ ਉੱਤੇ ਕਿਸ ਦੀ ਨਿਗ੍ਹਾ ਪਈ?
ਉੱਤਰ : ਦਾਦੇ ਦਾਸ ਦੀ।
ਪ੍ਰਸ਼ਨ 30. “ਇਹ ਟੰਬਾ ਜਿਹਾ ਕਿਸ ਦਾ ਹੈ?” ਇਹ ਸ਼ਬਦ ਕਿਸ ਨੇ ਕਿਸ ਨੂੰ ਕਹੇ?
ਉੱਤਰ : ਦਾਦੇ ਦਾਸ ਨੇ ਚੌਧਰੀ ਨੂੰ।
ਪ੍ਰਸ਼ਨ 31. “ਉਸ ਦਾ ਜੇਹੜਾ ਲੈ ਜਾਵੇ।” ਇਹ ਸ਼ਬਦ ਕਿਸ ਦੁਆਰਾ ਕਿਸ ਨੂੰ ਕਹੇ ਗਏ?
ਉੱਤਰ : ਚੌਧਰੀ ਦੁਆਰਾ ਦਾਦੇ ਦਾਸ ਨੂੰ।
ਪ੍ਰਸ਼ਨ 32. ਦਾਦੇ ਦਾਸ ਨੇ ਕਿਹੜੀ ਗੇਲੀ ਘਰ ਲਿਆ ਸੁੱਟੀ?
ਉੱਤਰ : ਕਿੱਕਰ ਦੀ।
ਪ੍ਰਸ਼ਨ 33. ਕਿਸ ਦੀ ਗੇਲੀ ਦੀ ਲਟੈਣ ਚੜ੍ਹਾਈ ਗਈ?
ਉੱਤਰ : ਕਿੱਕਰ ਦੀ।
ਪ੍ਰਸ਼ਨ 34. ਮੁਗਦਰ ਨੂੰ ਕਿੰਨੇ ਜਣੇ ਰੇੜ ਕੇ ਲਿਆਏ?
ਉੱਤਰ : ਚਾਰ-ਪੰਜ ਜਣੇ।
ਪ੍ਰਸ਼ਨ 35. ਬਾਬਿਆਂ ਦੀ ਭੈਣ ਵੱਲੋਂ ਮੁਗਦਰ ਵਗਾਹ ਮਾਰਨ ਕਾਰਨ ਅਗਲੇ ਖੋਲ਼ੇ ਦੀ ਕੰਧ ਢਹਿ ਗਈ ਤਾਂ ਪਹਿਲਵਾਨ ਨੇ ਕੀ ਛੱਡਿਆ?
ਉੱਤਰ : ਪਹਿਲਵਾਨੀ।
ਪ੍ਰਸ਼ਨ 36. ਪਹਿਲਵਾਨ ਨੇ ਥਾਲੀ ਵਿੱਚ ਕੀ ਰੱਖ ਕੇ ਬਾਬਿਆਂ ਦੀ ਭੈਣ ਨੂੰ ਨਜ਼ਰਾਨਾ ਪੇਸ਼ ਕੀਤਾ?
ਉੱਤਰ : ਇੱਕ ਸੋ ਇੱਕ ਰੁਪਈਏ ਅਤੇ ਸੁੱਚਾ ਤਿਓਰ
ਪ੍ਰਸ਼ਨ 37. ਪਹਿਲਵਾਨ ਹਰ ਤਿੱਥ-ਤਿਉਹਾਰ ‘ਤੇ ਕਿਸ ਨੂੰ ਤਿਓਰ ਤੇ ਕੱਪੜੇ-ਲੀੜੇ ਚੜ੍ਹਾਉਂਦਾ ਰਿਹਾ?
ਉੱਤਰ : ਚੜਿੱਕ ਪਿੰਡ ਵਿਆਹੀ ਬਾਬਿਆਂ ਦੀ ਭੈਣ ਨੂੰ।
ਪ੍ਰਸ਼ਨ 38. ਗਿਆਨੀ ਗੁਰਦਿੱਤ ਸਿੰਘ ਕਵੀ ਦੇ ਤੌਰ ‘ਤੇ ਪ੍ਰਸਿੱਧ ਹੈ ਜਾਂ ਵਾਰਤਕਕਾਰ ਦੇ ਤੌਰ ‘ਤੇ?
ਉੱਤਰ : ਵਾਰਤਕਕਾਰ ਤੇ ਤੌਰ ‘ਤੇ।
ਪ੍ਰਸ਼ਨ 39. ਗਿਆਨੀ ਗੁਰਦਿੱਤ ਸਿੰਘ ਨੇ ਆਪਣੀ ਕਿਸ ਪੁਸਤਕ ਵਿੱਚ ਮਾਲਵੇ ਦੇ ਇੱਕ ਪਿੰਡ ਨੂੰ ਕੇਂਦਰ-ਬਿੰਦੂ ਬਣਾ ਕੇ ਪੰਜਾਬ ਦੇ ਸੱਭਿਆਚਾਰ ਬਾਰੇ ਵਿਸ਼ਾਲ ਚਿੱਤਰ ਪੇਸ਼ ਕੀਤਾ ਹੈ?
ਉੱਤਰ : ‘ਮੇਰਾ ਪਿੰਡ’ ਵਿੱਚ।
ਪ੍ਰਸ਼ਨ 40. ਗਿਆਨੀ ਗੁਰਦਿੱਤ ਸਿੰਘ ਵਿਧਾਨ ਸਭਾ ਦੇ ਮੈਂਬਰ ਰਹੇ ਜਾਂ ਵਿਧਾਨ ਪਰਿਸ਼ਦ ਦੇ?
ਉੱਤਰ : ਵਿਧਾਨ ਪਰਿਸ਼ਦ ਦੇ।
ਪ੍ਰਸ਼ਨ 41. ਗਿਆਨੀ ਗੁਰਦਿੱਤ ਸਿੰਘ ਦਾ ਜਨਮ ਸਥਾਨ ਪਿੰਡ ਮਿੱਠੇਵਾਲ ਕਿਸ ਰਿਆਸਤ ਵਿੱਚ ਪੈਂਦਾ ਸੀ?
ਉੱਤਰ : ਰਿਆਸਤ ਮਲੇਰਕੋਟਲਾ ਵਿੱਚ।
ਪ੍ਰਸ਼ਨ 42. ਗਿਆਨੀ ਗੁਰਦਿੱਤ ਸਿੰਘ ਦੀ ਕਿਹੜੀ ਪੁਸਤਕ ਪੰਜਾਬੀ ਗੱਦ-ਸਾਹਿਤ (ਵਾਰਤਕ ਸਾਹਿਤ) ਵਿੱਚ ਕਲਾਸਿਕੀ ਮਹੱਤਵ ਗ੍ਰਹਿਣ ਕਰ ਚੁੱਕੀ ਹੈ?
ਉੱਤਰ : ਮੇਰਾ ਪਿੰਡ।
ਪ੍ਰਸ਼ਨ 43. ਹੇਠ ਦਿੱਤੇ ਸ਼ਬਦਾਂ ਦੇ ਅਰਥ ਲਿਖੋ :
ਨਕਵਾਇਆ, ਨਾਬਰ, ਰੋਹੀਆਂ, ਨਿਹਾਰੀ, ਤਿਓਰ, ਲਟੈਣ
ਉੱਤਰ : ਨਕਵਾਇਆ-ਕਮਜ਼ੋਰ।
ਨਾਬਰ-ਇਨਕਾਰੀ।
ਰੋਹੀਆਂ-ਜੰਗਲ, ਬੀਆਬਾਨ।
ਨਿਹਾਰੀ-ਸਵੇਰ ਵੇਲੇ ਦਾ ਭੋਜਨ, ਨਾਸ਼ਤਾ।
ਤਿਓਰ-ਔਰਤ ਦੇ ਸਿਰ, ਗਲ ਅਤੇ ਤੇੜ ਦੇ ਤਿੰਨ ਕੱਪੜੇ।
ਲਟੈਣ-ਵੱਡਾ ਸ਼ਤੀਰ।
