ਵਹਿੰਦਾ ਜਾਏ : ਵਸਤੁਨਿਸ਼ਠ ਪ੍ਰਸ਼ਨ
ਪ੍ਰਸ਼ਨ 1. ‘ਵਹਿੰਦਾ ਜਾਏ’ /’ਵਿਸਾਖੀ ਦਾ ਮੇਲਾ’ /’ਜੀਵਨ-ਜੋਤ’ ਕਵਿਤਾ ਦਾ ਲੇਖਕ (ਕਵੀ) ਕੌਣ ਹੈ?
(A) ਭਾਈ ਵੀਰ ਸਿੰਘ
(B) ਧਨੀ ਰਾਮ ਚਾਤ੍ਰਿਕ
(C) ਪ੍ਰੀਤਮ ਸਿੰਘ ਸਫ਼ੀਰ
(D) ਸੁਰਜੀਤ ਪਾਤਰ ।
ਉੱਤਰ : ਧਨੀ ਰਾਮ ਚਾਤ੍ਰਿਕ ।
ਪ੍ਰਸ਼ਨ 2. ਧਨੀ ਰਾਮ ਚਾਤ੍ਰਿਕ ਦੀ ਕਵਿਤਾ ਵਿਚ ਕੌਣ ਵਹਿੰਦਾ ਜਾ ਰਿਹਾ ਹੈ?
ਉੱਤਰ : ਨਦੀ ਦਾ ਪਾਣੀ ।
ਪ੍ਰਸ਼ਨ 3. ਕਵੀ ਨੇ ‘ਵਹਿੰਦਾ ਜਾਏ’ ਕਵਿਤਾ ਵਿਚ ਮਨੁੱਖ ਦਾ ਕਿਸ ਤੋਂ ਵਿਛੜਨ ਤੇ ਫਿਰ ਮਿਲਣ ਦਾ ਰਹੱਸ ਪੇਸ਼ ਕੀਤਾ ਹੈ?
ਉੱਤਰ : ਪਰਮਾਤਮਾ ਤੋਂ ।
ਪ੍ਰਸ਼ਨ 4. ਨਦੀ ਦਾ ਪਾਣੀ ਕਿੱਥੋਂ ਉਤਰਿਆ ਹੈ ?
(A) ਪਹਾੜ ਤੋਂ
(B) ਅਸਮਾਨ ਤੋਂ
(C) ਬੱਦਲਾਂ ਤੋਂ
(D) ਚਿਤਿਓਂ ਵੀ ਨਹੀਂ ।
ਉੱਤਰ : ਪਹਾੜ ਤੋਂ ।
ਪ੍ਰਸ਼ਨ 5. ਖ਼ਾਲੀ ਥਾਂ ਵਿਚ ਭਰਨ ਲਈ ਢੁੱਕਵਾਂ ਸ਼ਬਦ ਲਿਖੋ-
(ੳ) ‘ਨਦੀ ਦੇ ਪਾਣੀ ਦੀ ਸਾਕਾਦਾਰੀ (ਸਾਂਝ) ……….ਨਾਲ ਹੈ।’
ਜਾਂ
‘ਨਦੀ ਦਾ ਪਾਣੀ ………..ਨਾਲ ਹਜ਼ਾਰਾਂ ਵਾਰੀ ਮਿਲਿਆ ਤੇ ਵਿਛੜਿਆ ਹੈ ।
(ਅ) ‘ਆਉਣ-ਜਾਣ ਦੇ ਗੇੜ ਵਿਚ …………ਬੱਝਾ ਹੋਇਆ ਹੈ।
ਉੱਤਰ : (ੳ) ਸਮੁੰਦਰ, (ਅ) ਮਨੁੱਖ ।
ਪ੍ਰਸ਼ਨ 6. ਕੌਣ ਹੁਕਮਾਂ ਵਿਚ ਬੱਝਾ ਹੋਇਆ ਹੈ?
ਉੱਤਰ : ਨਦੀ ਦਾ ਪਾਣੀ ।
ਪ੍ਰਸ਼ਨ 7. ਕੌਣ ਆਪਣੇ ਰਸਤੇ ਉੱਤੇ ਤੁਰਦਾ ਹੋਇਆ ਨਦੀ ਦੀਆਂ ਲਹਿਰਾਂ ਵਿਚ ਝਲਕਾਰੇ ਮਾਰਦਾ ਹੈ ?
ਉੱਤਰ : ਅਸਮਾਨੀ ਤਾਰਾ ।
ਪ੍ਰਸ਼ਨ 8. ਪਾਣੀ ਸੂਰਜ ਦੀ ਗਰਮੀ ਨਾਲ ਕੀ ਬਣ ਕੇ ਅਸਮਾਨ ਉੱਤੇ ਜਾ ਚੜ੍ਹਦਾ ਹੈ ?
ਉੱਤਰ : ਭਾਫ਼ ।
ਪ੍ਰਸ਼ਨ 9. ਧਨੀ ਰਾਮ ਚਾਤ੍ਰਿਕ ਦਾ ਜਨਮ ਕਦੋਂ ਹੋਇਆ?
ਉੱਤਰ : 4 ਅਕਤੂਬਰ, 1876.
ਪ੍ਰਸ਼ਨ 10. ਧਨੀ ਰਾਮ ਚਾਤ੍ਰਿਕ ਨੇ ਕਿਸ ਖੇਤਰ ਵਿਚ ਪ੍ਰਸਿੱਧੀ ਪ੍ਰਾਪਤ ਕੀਤੀ ?
ਉੱਤਰ : ਕਾਵਿ ਖੇਤਰ ਵਿਚ ।
ਪ੍ਰਸ਼ਨ 11. ਧਨੀ ਰਾਮ ਚਾਤ੍ਰਿਕ ਦੀਆਂ ਕਿਸੇ ਦੋ ਕਾਵਿ-ਪੁਸਤਕਾਂ ਦੇ ਨਾਂ ਲਿਖੋ ।
ਉੱਤਰ : ‘ਚੰਦਨਵਾੜੀ’ ਤੇ ‘ਕੇਸਰ ਕਿਆਰੀ ।
ਪ੍ਰਸ਼ਨ 12. ਧਨੀ ਰਾਮ ਚਾਤ੍ਰਿਕ ਦਾ ਸੰਬੰਧ ਕਿਸ ਕਾਲ ਨਾਲ ਹੈ?
ਉੱਤਰ : ਆਧੁਨਿਕ ਕਾਲ ਨਾਲ ।
ਪ੍ਰਸ਼ਨ 13. ਧਨੀ ਰਾਮ ਚਾਤ੍ਰਿਕ ਦਾ ਦੇਹਾਂਤ ਕਦੋਂ ਹੋਇਆ?
ਉੱਤਰ : 18 ਦਸੰਬਰ, 1954 ਨੂੰ
