ਕਾਵਿ ਟੁਕੜੀ – ਵੈਰੀਨਾਗ

ਹੇਠ ਦਿੱਤੀ ਕਾਵਿ-ਟੁਕੜੀ ਨੂੰ ਪੜ੍ਹ ਕੇ ਦਿੱਤੇ ਗਏ ਪ੍ਰਸ਼ਨਾਂ ਦੇ ਉੱਤਰ ਦਿਓ :

ਵੈਰੀਨਾਗ ! ਤੇਰਾ ਪਹਿਲਾ ਝਲਕਾ,

ਜਦ ਅੱਖੀਆਂ ਵਿੱਚ ਵੱਜਦਾ,

ਕੁਦਰਤ ਦੇ ‘ਕਾਦਰ’ ਦਾ ਜਲਵਾ,

ਲੈ ਲੈਂਦਾ ਇੱਕ ਸਜਦਾ।

ਰੰਗ ਫਿਰੋਜ਼ੀ ਝਲਕ ਬਲੌਰੀ,

ਡਲ੍ਹਕ ਮੋਤੀਆਂ ਵਾਲੀ।

ਰੂਹ ਵਿੱਚ ਆ ਆ ਜਜ਼ਬ ਹੋਇ,

ਜੀ ਵੇਖ-ਵੇਖ ਨਹੀਂ ਰੱਜਦਾ ।

ਨਾ ਕੋਈ ਨਾਦ ਸਰੋਦ ਸੁਣੀਵੇ,

ਫਿਰ ਸੰਗੀਤ ਰਸ ਛਾਇਆ।

ਚੁੱਪ ਚਾਨ ਪਰ ਰੂਪ ਤਿਰੇ ਵਿੱਚ,

ਕਵਿਤਾ ਰੰਗ ਜਮਾਇਆ ।

---

ਪ੍ਰਸ਼ਨ 1. ਉਪਰੋਕਤ ਸਤਰਾਂ ਕਿਹੜੇ ਕਵੀ ਦੀਆਂ ਹਨ?

(ੳ) ਭਾਈ ਵੀਰ ਸਿੰਘ
(ਅ) ਪ੍ਰੋ. ਮੋਹਨ ਸਿੰਘ
(ੲ) ਸੁਰਜੀਤ ਪਾਤਰ
(ਸ) ਕਸ਼ਮੀਰ ਨੀਰ

ਪ੍ਰਸ਼ਨ 2. ਕਾਵਿ-ਟੁਕੜੀ ਵਿੱਚ ਦਿੱਤੀਆਂ ਸਤਰਾਂ ਕਿਹੜੀ ਕਵਿਤਾ ਹੇਠ ਦਰਜ ਹਨ ?

(ੳ) ਵੈਰੀਨਾਗ ਦਾ ਪਹਿਲਾ ਝਲਕਾ
(ਅ) ਮਾਣ ਪੰਜਾਬੀ ਦਾ
(ੲ) ਜਲ੍ਹਿਆਂ ਵਾਲਾ ਬਾਗ
(ਸ) ਇਹਨਾਂ ਵਿੱਚੋਂ ਕੋਈ ਵੀ ਨਹੀਂ

ਪ੍ਰਸ਼ਨ 3. ਵੈਰੀਨਾਗ ਕੀ ਹੈ ?

(ੳ) ਝਰਨਾ
(ਅ) ਨਦੀ
(ੲ) ਦਰਿਆ
(ਸ) ਸਮੁੰਦਰ

ਪ੍ਰਸ਼ਨ 4. ਵੈਰੀਨਾਗ ਦਾ ਰੰਗ ਕਿਸ ਤਰ੍ਹਾਂ ਦਾ ਹੈ ?

(ੳ) ਫਿਰੋਜ਼ੀ
(ਅ) ਨੀਲਾ
(ੲ) ਬਲੌਰੀ
(ਸ) ਲਾਲ

ਪ੍ਰਸ਼ਨ 5. ਉਪਰੋਕਤ ਸਤਰਾਂ ਵਿੱਚ ਕਿਸ ਨੇ ਕਿਸ ਤਰ੍ਹਾਂ ਦਾ ਰੰਗ ਜਮਾਇਆ ਹੈ ?

(ੳ) ਨਦੀ ਨੇ ਕਹਾਣੀ ਵਰਗਾ
(ਅ) ਝਰਨੇ ਦੇ ਰੂਪ ਵਿੱਚ ਕਵਿਤਾ ਨੇ
(ੲ) ਦਰਿਆ ਦੇ ਰੂਪ ਵਿੱਚ ਦੋਹੇ ਨੇ
(ਸ) ੳ ਤੇ ਅ ਦੋਵਾਂ ਦੇ ਰੂਪ ਵਿੱਚ