ਔਖੇ ਸ਼ਬਦਾਂ ਦੇ ਅਰਥ
ਸ ਨਾਲ ਸ਼ੁਰੂ ਹੋਣ ਵਾਲੇ ਸ਼ਬਦ
ਸਿਵਾ : ਚਿਖਾ, ਅੰਗੀਠਾ, ਚਿਤਾ, ਸਿਵਾਏ, ਬਗੈਰ ਇਸ ਤੋਂ, ਪਰ, ਬਿਨਾਂ, ਬਾਝੋਂ, ਛੁੱਟ
ਸਿੜ੍ਹੀ : ਸੀੜੀ, ਪੌੜੀ, ਚਿਤਾ, ਚਿਖਾ
ਸੀ : ਕ੍ਰਿਆ ‘ਹੈ’ ਦਾ ਭੂਤਕਾਲਕ ਰੂਪ, ਸੀ, ਸਿਗਾ, ਥਾ, ਦੁਖ ਚ ਨਿਕਲੀ ਹੋਈ ਆਵਾਜ਼ , ਸੀਮਾ, ਹੱਦ, ਸ਼ਿਵ, ਵਾਹਿਗੁਰੂ ਪਰਮਾਤਮਾ, ਸੀਤਾ, ਪਰੋਇਆ, ਗੰਢਿਆ ਹੈ ਦਾ ਭੂਤਕਾਲ ਰੂਪ
ਸੀਅਰਾ : ਸੀਤਲ, ਠੰਡਾ
ਸੀਸ : ਸਿਰ, ਸਰ, ਅਸੀਸ ਦਾ ਸੰਖੇਪ, ਸਿੱਕਾ, ਧਾਤ
ਸੀਸ ਭੇਟ ਕਰਨਾ : ਸਿਰ ਦੇਣਾ, ਆਪਣਾ ਆਪ ਨਿਛਾਵਰ ਕਰਨਾ, ਸ਼ਹੀਦ ਹੋਣਾ
ਸੀਸ ਗੰਜ (ਗੁਰਦੁਆਰਾ) : ਦਿੱਲੀ ਦੇ ਚਾਂਦਨੀ ਚੌਕ ਬਾਜ਼ਾਰ ਦੇ ਦਰਮਿਆਨ ਨੌਵੇਂ ਸਤਿਗੁਰੂ ਗੁਰੂ ਤੇਗ ਬਹਾਦਰ ਜੀ ਦਾ ਸ਼ਹੀਦੀ ਅਸਥਾਨ ਤੇ ਉਹਨਾਂ ਦੀ ਯਾਦ ‘ਚ ਬਣਿਆ ਇਤਿਹਾਸਕ ਗੁਰਦੁਆਰਾ
ਸੀਸਾ : ਇਕ ਧਾਤੂ, ਸ਼ੀਸ਼ਾ ਦਰਪਣ
ਸੀਹਰਫ਼ੀ : ਫ਼ਾਰਸੀ ਵਰਣਮਾਲਾ ਨੂੰ ਆਧਾਰ ਬਣਾ ਕੇ ਕੀਤੀ ਕਾਵਿ ਰਚਨਾ, ਇਕ ਕਾਵਿ-ਰੂਪਾਕਾਰ
ਸੀਹੜ : ਸੀਰ
ਸੀਖ : ਮੱਤ, ਨਿਰਦੇਸ਼, ਸਿੱਖਿਆ, ਉਪਦੇਸ਼, ਸੰਕੇਤ, ਮਨੌਤ, ਲੋਹੇ ਦੀ ਛੜੀ, ਸਰੀਆ
ਸੀਟ : ਬੈਠਣ ਦੀ ਜਗ੍ਹਾ, ਕੁਰਸੀ, ਅਹੁਦਾ ਪਦ
ਸੀਟੀ : ਆਵਾਜ਼, ਆਵਾਜ਼ ਦੇਣੀ, ਘੁੱਗੂ, ਸੀਂ ਸੀ
ਸੀਂਢ : ਨੱਕ ਦੀ ਮੈਲ, ਨੱਕ, ਜਿੱਜੀ
ਸੀਂਦੂ : ਸੀਢਲ, ਨਲੀ ਚੋਊ, ਸੁਣਕੂ, ਨਕੌੜ, ਖਿੱਤੂ
ਸੀਣਾ : ਸੀਣ ਦਾ ਕੰਮ ਕਰਨਾ, ਸਿਉਣਾ, ਪਰੋਣਾ, ਗੰਢਣਾ, ਜੋੜਨਾ
ਸੀਤ : ਠੰਡ, ਸਰਦ, ਠੰਡਾ ਸ਼ੀਤ ਰੁੱਖਾ
ਸੀਤਲਤਾ : ਠੰਡਾਈ, ਠੰਡਾਪਨ, ਠੰਡਕ, ਠੰਡ, ਠਰੰਮਾ
ਸੀਤਲਾ : ਸੀਤਲ ਰੂਪ, ਠੰਡਾ, ਚੇਚਕ, ਚੇਚਕ ਦੀ ਦੇਵੀ
ਸੀਤਾ : ਸ੍ਰੀ ਰਾਮਚੰਦਰ ਜੀ ਦੀ ਸੁਪਤਨੀ ਦਾ ਨਾਮ, ‘ਸੀਉਣ’ ਦਾ ਭੂਤਕਾਲਕ ਰੂਪ
ਸੀਤਾ ਸਿਤਾਇਆ : ਸਿਲਿਆ-ਸਿਲਾਇਆ, ਤਿਆਰ ਕਪੜਾ ਜਾਂ ਸੂਟ
ਸੀਧਾ : ਸਿੱਧਾ, ਸੁੱਕਿਆ ਰਾਸ਼ਨ ਵਿਸ਼ੇਸ਼ ਕਰਕੇ ਕਣਕ ਦਾ ਆਟਾ
ਸੀਨਾ : ਛਾਤੀ, ਹਿੱਕ, ਦਿਲ, ਹਿੰਮਤ
ਸੀਨਾ ਜ਼ੋਰੀ : ਜ਼ੁਲਮ, ਵਧੀਕੀ, ਆਕੜ, ਦਾਬਾ
ਸੀਨਾ ਬਸੀਨਾ : ਪੁਸ਼ਤ ਦਰ ਪੁਸ਼ਤ, ਪੀੜ੍ਹੀ ਦਰ ਪੀੜ੍ਹੀ, ਪਰੰਪਰਾਗਤ
ਸੀਮਾ : ਹੱਦ, ਹੱਦਬੰਨਾਂ, ਸਰਹੱਦ, ਮਰਯਾਦਾ
ਸੀਮਾ ਕਰ : ਚੁੰਗੀ, ਮਸੂਲ, ਜਗਾਤ
ਸੀਮਾ ਰੇਖਾ : ਹੱਦਬੰਦੀ ਦੀ ਲਾਈਨ, ਸਰਹੱਦ ਰੇਖਾ
ਸੀਮਾ ਵਰਤੀ : ਸੀਮਾਤ, ਸੀਮਾ ਦੇ ਲਾਗੇ ਦਾ
ਸੀਮਾਤ : ਸੀਮਾ ਦੇ ਅਖੀਰ ਤੇ, ਅਖੀਰਲਾ ਸਾਮ੍ਹਣਲਾ, ਸੀਮਾ ਦੇ ਲਾਗੇ ਦਾ, ਹੱਦ ਨਾਲ ਸੰਬੰਧਿਤ
ਸੀਮੰਟ : ਸੀਮਟ, ਸੀਮੰਟ, ਸੀਮੇਂਟ, ਚਿਣਾਈ ‘ਚ ਪ੍ਰਯੋਗ ਹੁੰਦਾ ਇਕ ਜਾਨਦਾਰ ਤੇ ਮੁੱਖ ਪਦਾਰਥ
ਸੀਮਤ : ਥੋੜ੍ਹਾ, ਸੀਮਾ ‘ਚ, ਬੰਨ੍ਹਵਾਂ, ਰਾਖਵਾਂ
ਸੀਰ : ਸਾਂਝੇਦਾਰੀ, ਹਿੱਸਾ, ਭਾਈਵਾਲੀ, ਸਾਂਝ, ਠੰਡ, ਸ਼ੀਤਲਤਾ
ਸੀਰ ਪਾਉਣਾ : ਭਾਈਵਾਲੀ ਕਰਨੀ
ਸੀਰਾ : ਸੀਤਲ, ਠੰਡਾ, ਇਕ ਮਿਠਾਈ, ਖਜੂਰ ਆਦਿ ਫਲਾਂ ਦਾ ਗਾੜ੍ਹਾ ਰਸ
ਸੀਰੀ : ਸਾਂਝੀਵਾਲ, ਹਲ ਚਲਾਉਣ ਵਾਲਾ, ਵਾਹੀ ਕਰਨ ਵਾਲਾ, ਹਲਵਾਹ, ਕਾਮਾ
