ਪੰਜਾਬੀ ਸਭਿਆਚਾਰ : ਵਸਤੂਨਿਸ਼ਠ ਪ੍ਰਸ਼ਨ
ਵਸਤੂਨਿਸ਼ਠ ਪ੍ਰਸ਼ਨ
ਪ੍ਰਸ਼ਨ 1. ਡਾ: ਬਰਿੰਦਰ ਕੌਰ ਦਾ ਲਿਖਿਆ ਲੇਖ ਕਿਹੜਾ ਹੈ?
(A) ਨਕਲਾਂ
(B) ਪੰਜਾਬ ਦੇ ਮੇਲੇ ਤੇ ਤਿਉਹਾਰ
(C) ਪੰਜਾਬੀ ਸਭਿਆਚਾਰ
(D) ਪੰਜਾਬ ਦੀ ਲੋਕ-ਕਲਾ।
ਉੱਤਰ : (C) ਪੰਜਾਬੀ ਸਭਿਆਚਾਰ ।
ਪ੍ਰਸ਼ਨ 2. ‘ਪੰਜਾਬੀ ਸਭਿਆਚਾਰ’ ਲੇਖ ਕਿਸ ਦੀ ਰਚਨਾ ਹੈ?
(A) ਡਾ: ਜਸਵਿੰਦਰ ਸਿੰਘ
(B) ਡਾ: ਬਰਿੰਦਰ ਕੌਰ
(C) ਗੁਲਜ਼ਾਰ ਸਿੰਘ ਸੰਧੂ
(D) ਡਾ: ਜੁਗਿੰਦਰ ਸਿੰਘ ਕੈਰੋਂ ।
ਉੱਤਰ : (B) ਡਾ: ਬਰਿੰਦਰ ਕੌਰ ।
ਪ੍ਰਸ਼ਨ 3. ਕਿਸੇ ਖ਼ਾਸ ਖਿਤੇ ਜਾਂ ਕੌਮ ਦੀ ਸਮੁੱਚੀ ਜੀਵਨ-ਜਾਚ ਨੂੰ ਕੀ ਕਿਹਾ ਜਾਂਦਾ ਹੈ?
ਉੱਤਰ : ਸਭਿਆਚਾਰ ।
ਪ੍ਰਸ਼ਨ 4. ‘ਸਭਯ’ ਅਤੇ ‘ਆਚਾਰ’ ਸ਼ਬਦਾਂ ਦੇ ਮੇਲ ਤੋਂ ਕਿਹੜਾ ਸ਼ਬਦ ਬਣਿਆ ਹੈ?
ਉੱਤਰ : ਸਭਿਆਚਾਰ ।
ਪ੍ਰਸ਼ਨ 5. ‘ਸਭਿਆਚਾਰ’ ਕਿਹੜੇ ਦੇ ਸ਼ਬਦਾਂ ਦੇ ਸੁਮੇਲ ਤੋਂ ਬਣਿਆ ਹੈ?
ਉੱਤਰ : ‘ਸਭਿਯ’ ਤੇ ‘ਆਚਾਰ’ ।
ਪ੍ਰਸ਼ਨ 6. ਹਿੰਦੀ ਭਾਸ਼ਾ ਵਿਚ ਸਭਿਆਚਾਰ ਲਈ ਕਿਹੜੇ ਸ਼ਬਦ ਦੀ ਵਰਤੋਂ ਹੁੰਦੀ ਹੈ?
ਉੱਤਰ : ਸੰਸਕ੍ਰਿਤੀ ।
ਪ੍ਰਸ਼ਨ 7. ਅੰਗਰੇਜ਼ੀ ਵਿਚ ‘ਸਭਿਆਚਾਰ’ ਲਈ ਕਿਹੜੇ ਸ਼ਬਦ ਦੀ ਵਰਤੋਂ ਹੁੰਦੀ ਹੈ?
ਉੱਤਰ : ਕਲਚਰ (Culture) |
ਪ੍ਰਸ਼ਨ 8. ‘ਕਲਚਰ’ ਸ਼ਬਦ ਦੇ ਸ਼ਾਬਦਿਕ ਅਰਥ ਕੀ ਹਨ?
ਉੱਤਰ : ਭੂਮੀ ਦੀ ਬਿਜਾਈ ।
ਪ੍ਰਸ਼ਨ 9. ‘ਉਪ-ਸਭਿਆਚਾਰ’ ਕਿਸ ਦਾ ਹਿੱਸਾ ਹੁੰਦਾ ਹੈ?
ਉੱਤਰ : ਮੂਲ ਸਭਿਆਚਾਰ ਦਾ ।
ਪ੍ਰਸ਼ਨ 10. ਪੰਜਾਬੀ ਸਭਿਆਚਾਰ ਦੇ ਕਿਸੇ ਇਕ ਉਪ-ਸਭਿਆਚਾਰ ਦਾ ਨਾਂ ਲਿਖੋ।
ਉੱਤਰ : ਮਲਵਈ ਸਭਿਆਚਾਰ ।
ਪ੍ਰਸ਼ਨ 11. ਭਾਰਤੀ ਸਭਿਆਚਾਰ ਦੇ ਕਿਸੇ ਇਕ ਉਪ-ਸਭਿਆਚਾਰ ਦਾ ਨਾਂ ਲਿਖੋ।
ਉੱਤਰ : ਪੰਜਾਬੀ ਸਭਿਆਚਾਰ ।
ਪ੍ਰਸ਼ਨ 12. ਕਿਹੜੀਆਂ ਦੋ ਚੀਜ਼ਾਂ ਦੁਨੀਆ ਦੇ ਹਰ ਕੋਨੇ ਵਿਚ ਮਿਲ ਜਾਂਦੀਆਂ ਹਨ?
ਉੱਤਰ : ਆਲੂ ਤੇ ਪੰਜਾਬੀ ।
ਪ੍ਰਸ਼ਨ 13. ਪੰਜਾਬ ਦੇ ਦਰਿਆਵਾਂ ਦੇ ਕੰਢਿਆਂ ਉੱਤੇ ਕਿਹੜੇ ਵੇਦ ਦੀ ਰਚਨਾ ਕੀਤੀ ਗਈ?
(A) ਅਰਥਵ ਵੇਦ ਦੀ
(B) ਯਜੁਰ ਵੇਦ ਦੀ
(C) ਸਾਮ ਵੇਦ ਦੀ
(D) ਰਿਗਵੇਦ ਦੀ ।
ਉੱਤਰ : (D) ਰਿਗਵੇਦ ਦੀ ।
ਪ੍ਰਸ਼ਨ 14. ਰਿਗਵੇਦ ਦੇ ਸਮੇਂ ਪੰਜਾਬ ਨੂੰ ਕਿਸ ਨਾਂ ਨਾਲ ਜਾਣਿਆ ਜਾਂਦਾ ਸੀ?
(A) ਪੰਚ ਨਦ
(B) ਪੰਜ ਆਬ
(C) ਸਪਤ ਸਿੰਧੂ
(D) ਕੈਕਯ ਦੇਸ਼ ।
ਉੱਤਰ : (C) ਸਪਤ ਸਿੰਧੂ ॥
ਪ੍ਰਸ਼ਨ 15. ਵੈਦਿਕ ਸਭਿਅਤਾ ਦਾ ਮਹਾਨ ਗ੍ਰੰਥ ਕਿਹੜਾ ਹੈ?
ਉੱਤਰ : ਰਿਗਵੇਦ ।
ਪ੍ਰਸ਼ਨ 16. ਪੰਜਾਬੀ ਸਭਿਆਚਾਰ ਦੀ ਧਾਰਾ ਕਿਸ ਜਾਤੀ ਦੇ ਇਤਿਹਾਸ ਨਾਲ ਜੁੜੀ ਹੋਈ ਹੈ?
ਉੱਤਰ : ਆਰੀਆ ਜਾਤੀ ਦੇ ।
ਪ੍ਰਸ਼ਨ 17. ਮਹਾਭਾਰਤ ਯੁਗ ਵਿਚ ਪੰਜਾਬ ਦਾ ਨਾਂ ਕੀ ਸੀ?
ਜਾਂ
ਪ੍ਰਸ਼ਨ. ਪੰਜ ਦਰਿਆਵਾਂ ਕਰਕੇ ਮਹਾਂਭਾਰਤ ਯੁਗ ਵਿਚ ਪੰਜਾਬ ਦਾ ਕੀ ਨਾਂ ਪਿਆ ?
ਉੱਤਰ : ਪੰਚ-ਨਦ ।
ਪ੍ਰਸ਼ਨ 18. ਮੁਸਲਮਾਨਾਂ ਦੇ ਸਮੇਂ ਪੰਜਾਬ ਦਾ ਇਹ ਨਾਂ ਕਿਨ੍ਹਾਂ ਦੇ ਆਉਣ ਨਾਲ ਪ੍ਰਚਲਿਤ ਹੋਇਆ?
ਉੱਤਰ : ਮੁਸਲਮਾਨਾਂ ਦੇ ।
ਪ੍ਰਸ਼ਨ 19. ‘ਪੰਜਾਬ’ ਸ਼ਬਦ ਕਿਨ੍ਹਾਂ ਫ਼ਾਰਸੀ ਸ਼ਬਦਾਂ ਦੇ ਸੁਮੇਲ ਤੋਂ ਬਣਿਆ ਹੈ?
ਉੱਤਰ : ਪੰਜ + ਆਬ ।
ਪ੍ਰਸ਼ਨ 20. ‘ਪੰਜਾਬ’ ਸ਼ਬਦ ਕਿਹੜੀ ਭਾਸ਼ਾ ਦਾ ਹੈ?
ਉੱਤਰ : ਫ਼ਾਰਸੀ ।
ਪ੍ਰਸ਼ਨ 21. ਸੰਸਕ੍ਰਿਤ ਦਾ ਵਿਆਕਰਨ ਕਿਸ ਨੇ ਲਿਖਿਆ?
ਉੱਤਰ : ਪਾਣਿਨੀ ਨੇ ।
ਪ੍ਰਸ਼ਨ 22. ਰਿਗਵੇਦ ਦੀ ਰਚਨਾ ਨਾਲ ਕਿਹੜੇ ਨਿਯਮਬੱਧ ਵਿਆਕਰਨ ਗ੍ਰੰਥ ਦੀ ਰਚਨਾ ਇਸ ਧਰਤੀ ਉੱਤੇ ਹੋਈ?
ਉੱਤਰ : ਪਾਣਿਨੀ ਦੇ ।
ਪ੍ਰਸ਼ਨ 23. ਵੈਦਿਕ ਜ਼ਮਾਨੇ ਵਿਚ ਪੰਜਾਬ ਵਿਚ ਸਥਾਪਿਤ ਹੋਏ ਵਿਸ਼ਵ-ਵਿਦਿਆਲੇ ਦਾ ਨਾਂ ਕੀ ਸੀ?
ਉੱਤਰ : ਤਕਸ਼ਿਲਾ ਵਿਸ਼ਵ-ਵਿਦਿਆਲਾ ।
ਪ੍ਰਸ਼ਨ 24. ਪੰਜਾਬੀ ਸਭਿਆਚਾਰ ਵਿਚ ਭਾਰਤੀ ਤੇ ਇਸਲਾਮੀ ਰੰਗ ਦਾ ਸੁਮੇਲ ਕਿਨ੍ਹਾਂ ਨੇ ਸਥਾਪਿਤ ਕੀਤਾ?
ਉੱਤਰ : ਸੂਫ਼ੀ ਫ਼ਕੀਰਾਂ ਨੇ ।
ਪ੍ਰਸ਼ਨ 25. ਗੁਰੂ ਸਾਹਿਬਾਂ ਨੇ ਕਿਹੜੇ ਮਹਾਨ ਗ੍ਰੰਥ ਦੀ ਰਚਨਾ ਕੀਤੀ?
ਜਾਂ
ਪ੍ਰਸ਼ਨ. ਸਿੱਖਾਂ ਦੇ ਧਾਰਮਿਕ ਗ੍ਰੰਥ ਦਾ ਕੀ ਨਾਂ ਹੈ?
ਉੱਤਰ : ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ।
ਪ੍ਰਸ਼ਨ 26. ਗੁਰੂ ਸਾਹਿਬਾਂ ਦੀ ਸੋਚ ਕਿਹੋ ਜਿਹੀ ਸੀ?
ਉੱਤਰ : ਨਰੋਈ ਮਾਨਵਵਾਦੀ ।
ਪ੍ਰਸ਼ਨ 27. ਭਾਰਤ ਅਤੇ ਪਾਕਿਸਤਾਨ ਦੀ ਵੰਡ ਕਦੋਂ ਹੋਈ?
ਉੱਤਰ :1947 ਵਿਚ ।
ਪ੍ਰਸ਼ਨ 28. ਅਣਵੰਡੇ ਪੰਜਾਬ ਵਿਚਲੇ ਪੰਜ ਦਰਿਆਵਾਂ ਵਿਚੋਂ ਅਜੋਕੇ ਪੰਜਾਬ ਵਿਚ ਕਿੰਨੇ ਦਰਿਆ ਰਹਿ ਗਏ?
ਜਾਂ
ਪ੍ਰਸ਼ਨ. ਵੰਡ ਤੋਂ ਬਾਅਦ ਪੰਜਾਬ ਵਿਚ ਕਿੰਨੇ ਦਰਿਆ ਰਹਿ ਗਏ?
ਉੱਤਰ : ਢਾਈ ।
ਪ੍ਰਸ਼ਨ 29. ਹਿਮਾਚਲ ਤੇ ਹਰਿਆਣਾ ਕਦੋਂ ਹੋਂਦ ਵਿਚ ਆਏ?
ਉੱਤਰ : 1 ਨਵੰਬਰ, 1966 ਨੂੰ ।
ਪ੍ਰਸ਼ਨ 30. ਕੁਰਬਾਨੀ ਦਾ ਜਜ਼ਬਾ ਰੱਖਣ ਵਾਲੇ ਤੇ ਅਣਖੀਲੇ ਸੂਰਮਿਆਂ ਦੀ ਕੌਮ ਕਿਹੜੀ ਹੈ?
ਉੱਤਰ : ਪੰਜਾਬੀ ।
ਪ੍ਰਸ਼ਨ 31. ਅੰਨ ਦਾ ਭੰਡਾਰ ਕਿਹੜਾ ਇਲਾਕਾ ਹੈ?
ਉੱਤਰ : ਪੰਜਾਬ ।
ਪ੍ਰਸ਼ਨ 32. ਮਿੱਸਾਪਨ ਕਿਹੜੇ ਸਭਿਆਚਾਰ ਦਾ ਲੱਛਣ ਹੈ?
ਉੱਤਰ : ਪੰਜਾਬੀ ਸਭਿਆਚਾਰ ਦਾ ।
ਪ੍ਰਸ਼ਨ 33. ਕਿਹੜੇ ਪ੍ਰਦੇਸ਼ ਦੇ ਲੋਕ ਕੁਦਰਤੀ ਸਾਧਨਾਂ ਦੇ ਘਟਣ ਤੇ ਰਾਜਨੀਤਿਕ ਕਾਰਨਾਂ ਕਰ ਕੇ ਵਿਦੇਸ਼ਾਂ ਵਲ ਜਾ ਰਹੇ ਹਨ?
ਉੱਤਰ : ਪੰਜਾਬ ਦੇ ।
