ਨਵੀਂ ਪੁਰਾਣੀ ਤਹਿਜ਼ੀਬ : ਪ੍ਰਸ਼ਨ ਉੱਤਰ
ਹੇਠ ਲਿਖੇ ਹਰੇਕ ਪ੍ਰਸ਼ਨ ਦਾ ਉੱਤਰ ਇੱਕ ਸ਼ਬਦ/ਇੱਕ ਲਾਈਨ ਵਿੱਚ ਦਿਓ—
ਪ੍ਰਸ਼ਨ 1. ‘ਨਵੀਂ ਪੁਰਾਣੀ ਤਹਿਜ਼ੀਬ’ ਕਵਿਤਾ ਕਿਸ ਦੀ ਰਚਨਾ ਹੈ?
ਉੱਤਰ : ਵਿਧਾਤਾ ਸਿੰਘ ਤੀਰ ਦੀ।
ਪ੍ਰਸ਼ਨ 2. ਅਸੀਂ ਆਪਣੀ ਤਹਿਜ਼ੀਬ ਨੂੰ ਗੁਆ ਕੇ ਹੋਰ ਕੀ ਗੁਆ ਲਿਆ ਹੈ?
ਉੱਤਰ : ਅਕਲ।
ਪ੍ਰਸ਼ਨ 3. ਨਵੀਂ ਤਹਿਜ਼ੀਬ ਨੂੰ ਅਪਣਾ ਕੇ ਅਸੀਂ ਆਪਣੇ ਗਲ ਕੀ ਪਾ ਲਈ ਹੈ?
ਉੱਤਰ : ਜ਼ਹਿਮਤ।
ਪ੍ਰਸ਼ਨ 4. ਦਰਿਆਵਾਂ ਦੇ ਪਾਣੀ ਵਗ ਕੇ ਮੁੜ ਕਿੱਥੇ ਨਹੀਂ ਪਰਤਦੇ?
ਉੱਤਰ : ਪੱਤਣਾਂ ਉੱਤੇ।
ਪ੍ਰਸ਼ਨ 5. ਕਵੀ ਅਨੁਸਾਰ ਪੁਰਾਣੀ ਤਹਿਜ਼ੀਬ ਕਿਸ ਦੇ ਸਮਾਨ ਸੀ ?
ਉੱਤਰ : ਕਪਲਾ ਗਊ ਸਮਾਨ।
ਪ੍ਰਸ਼ਨ 6. ਕਵੀ ਅਨੁਸਾਰ ਅਸੀਂ ਤਹਿਜ਼ੀਬ ਦੀ ਕਿਸ ਚੀਜ਼ ਨਾਲ ਵਟਾ ਕੇ ਖੋਤੀ ਲੈ ਲਈ ਹੈ?
ਉੱਤਰ : ਕਪਲਾ ਗਊ।
ਪ੍ਰਸ਼ਨ 7. ਪੱਛਮੀ ਤਹਿਜ਼ੀਬ ਵਿੱਚ ਸਰਮਾਏਦਾਰ ਕਿਸ ਦੀ ਖੂਬ ਖੱਲ ਲਾਹੁੰਦਾ ਹੈ?
ਉੱਤਰ : ਕਿਰਤੀ ਦੀ।
ਪ੍ਰਸ਼ਨ 8. ਸਰਮਾਏਦਾਰ ਆਪਣੀਆਂ ਔਰਤਾਂ ਲਈ ਪਾਊਡਰ ਕਿੱਥੋਂ ਤਿਆਰ ਕਰਦਾ ਹੈ?
ਉੱਤਰ : ਮਜ਼ਦੂਰਾਂ ਦੀਆਂ ਹੱਡੀਆਂ ਤੋਂ।
ਪ੍ਰਸ਼ਨ 9. ਕਵੀ ਨੇ ਕਿਹੜੀ ਤਹਿਜ਼ੀਬ ਨੂੰ ਗੁਲਾਮੀ ਦਾ ਪੱਟਾ ਕਰਾਰ ਦਿੱਤਾ ਹੈ?
ਉੱਤਰ : ਪੱਛਮੀ/ਨਵੀਂ ਤਹਿਜ਼ੀਬ ਨੂੰ।
ਪ੍ਰਸ਼ਨ 10. ਅਸੀਂ ਆਪਣੀ ਝੋਲੀ ਵਿੱਚ ਦੁੱਧ ਦੀ ਥਾਂ ‘ਤੇ ਕੀ ਪਾ ਲਿਆ ਹੈ?
ਉੱਤਰ : ਲਿੱਦ।
ਪ੍ਰਸ਼ਨ 11. ਅਸੀਂ ‘ਕਪਲਾ ਗਊ’ ਦੇ ਬਦਲੇ ਕੀ ਵਟਾ ਲਿਆ ਹੈ?
ਉੱਤਰ : ਖੇਤੀ।
ਪ੍ਰਸ਼ਨ 12. ਰਿਸ਼ੀਆਂ-ਮੁਨੀਆਂ ਦੇ ਚੌਂਕੇ ਵਿੱਚ ਅਸੀਂ ਕੀ ਲੈ ਕੇ ਆ ਗਏ ਹਾਂ?
ਉੱਤਰ : ਪੱਛਮੀ ਸੱਭਿਅਤਾ ਦੀ ਜੂਠ।
ਪ੍ਰਸ਼ਨ 13. ਅਮੀਰਾਂ ਦੇ ਘਰਾਂ ਦੇ ਬਿਜਲੀ ਦੇ ਲਾਟੂ ਕਵੀ ਨੂੰ ਕਿਹੋ ਜਿਹੇ ਲੱਗਦੇ ਹਨ?
ਉੱਤਰ : ਗ਼ਰੀਬਾਂ ਦੀਆਂ ਕੱਢੀਆਂ ਹੋਈਆਂ ਅੱਖਾਂ।
ਪ੍ਰਸ਼ਨ 14. ਜੇਕਰ ਭਾਰਤੀ ਸੱਭਿਅਤਾ ਬਰਕਤ ਵਾਲਾ ਦੁੱਧ ਹੈ ਤਾਂ ਪੱਛਮੀ ਸੱਭਿਅਤਾ ਨੂੰ ਕਵੀ ਨੇ ਕੀ ਮੰਨਿਆ ਹੈ
ਉੱਤਰ : ਫੁੱਟ ਦਾ ਪਾਣੀ।
ਪ੍ਰਸ਼ਨ 15. ਭਾਰਤੀ ਸੱਭਿਅਤਾ ਚੰਚਲ ਹੈ ਜਾਂ ਭੋਲੀ-ਭਾਲੀ?
ਉੱਤਰ : ਭੋਲੀ-ਭਾਲੀ।
ਪ੍ਰਸ਼ਨ 16. ਅਜ਼ਾਦੀ ਦੇ ਸਮੇਂ ਭਾਰਤ ਕਿਹੋ ਜਿਹੇ ਗੀਤ ਗਾਉਂਦਾ ਸੀ?
ਉੱਤਰ : ਸ਼ਗਨਾਂ ਅਤੇ ਖ਼ੁਸ਼ੀ ਦੇ ਗੀਤ।
ਪ੍ਰਸ਼ਨ 17. ਕਿਹੜਾ ਵੇਲਾ ਦੁਬਾਰਾ ਹੱਥ ਨਹੀਂ ਆਉਂਦਾ?
ਉੱਤਰ : ਜਿਹੜਾ ਵੇਲਾ ਹੱਥੋਂ ਨਿਕਲ ਜਾਵੇ।
ਪ੍ਰਸ਼ਨ 18. ਨਵੀਂ ਤਹਿਜ਼ੀਬ ਕਿਨ੍ਹਾਂ ਨੂੰ ਆਪਸ ਵਿੱਚ ਲੜਾਉਂਦੀ ਹੈ?
ਉੱਤਰ : ਭਰਾਵਾਂ ਨੂੰ।
ਪ੍ਰਸ਼ਨ 19. ਕਿਹੜੀ ਤਹਿਜ਼ੀਬ ਨੇ ਸਾਨੂੰ ਸੁੱਕਣੇ ਪਾ ਦਿੱਤਾ ਹੈ?
ਉੱਤਰ : ਪੱਛਮੀ ਤਹਿਜ਼ੀਬ ਨੇ।
ਪ੍ਰਸ਼ਨ 20. ਪੱਛਮੀ ਤਹਿਜ਼ੀਬ ਜਾਂ ਸੱਭਿਅਤਾ ਨੇ ਸਾਡੇ ਗਲ਼ੇ ਵਿੱਚ ਕੀ ਪਾ ਦਿੱਤਾ ਹੈ?
ਉੱਤਰ : ਗ਼ੁਲਾਮੀ ਦੀ ਜ਼ੰਜੀਰ।
