ਔਖੇ ਸ਼ਬਦਾਂ ਦੇ ਅਰਥ
ਅ ਨਾਲ ਸ਼ੁਰੂ ਹੋਣ ਵਾਲੇ ਸ਼ਬਦ
ਅਲਾਣਾ : ਘੋੜੇ ਆਦਿਕ ਤੋਂ ਜੀਨ ਉਤਾਰਨਾ, ਨੰਗਾ
ਅਲਾਪ : ਸੰਗੀਤ ‘ਚ ਰਾਗ ਦੇ ਸਰੂਪ ਨੂੰ ਪ੍ਰਗਟ ਕਰਨ ਦੀ ਕ੍ਰਿਆ, ਕਥਨ, ਬਾਤਚੀਤ
ਅਲਾਮਤ : ਲੱਖਣ, ਚਿੰਨ੍ਹ, ਨਿਸ਼ਾਨ, ਸ਼ਗਨ, ਅਪਸ਼ਗਨ
ਅਲਿਖਤ : ਲਿਖਣ ਤੋਂ ਬਿਨਾਂ, ਲੇਖ-ਰਹਿਤ, ਜ਼ਬਾਨੀ
ਅਲਿੰਗਨ : ਛਾਤੀ ਨਾਲ ਲਾਉਣਾ, ਚੁੰਮਣਾ, ਪਿਆਰ ਕਰਨਾ, ਗਲਵਕੜੀ ਪਾਉਣ ਦਾ ਭਾਵ
ਅਲਿਪਤ : ਲੇਪ-ਰਹਿਤ, ਨਿਰਲੇਪ, ਮੋਹ ਰਹਿਤ
ਅਲੀਲ : ਰੋਗੀ, ਬਿਮਾਰ, ਮਰੀਜ਼
ਅਲੂੰਆਂ : ਜਵਾਨ, ਨਵਾਂ, ਆਂਚ ਰਹਿਤ, ਅਲੂਰਾ, ਲੈਰਾ
ਅਲੂਣਾ : ਲੂਣ ਤੋਂ ਬਿਨਾਂ, ਫਿੱਕਾ, ਬੇਸੁਆਦਾ
ਅਲੇਲ : ਰੇਖਾ, ਲੀਕ, ਧਾਰ, ਧਾਰਾ, ਜਵਾਨ, ਅਨਾੜੀ
ਅਲੋਹ : ਬਿਨਾਂ ਲੋਹੇ ਤੋਂ, ਬਿਨਾਂ ਸ਼ਸਤ੍ਰ
ਅਲੋਕ : ਪ੍ਰਕਾਸ਼, ਚਮਕ, ਦਰਸ਼ਨ, ਦੀਦਾਰ, ਅਲੌਕਿਕ, ਅਦੁੱਤੀ
ਅਲੋਕਾਰ : ਅਦਭੁਤ, ਅਦੁੱਤੀ, ਵਚਿਤ੍ਰ, ਨਿਰਾਲਾ
ਅਲੋਚਕ : ਆਲੋਚਨਾ ਕਰਨ ਵਾਲਾ, ਪੜਚੋਲੀਆ, ਸਮਾਲੋਚਕ, ਸਮੀਖਿਆਕਾਰ
ਅਲੋਚਨਾ : ਗੁਣ-ਦੋਸ਼ ਦੀ ਪੜਤਾਲ, ਪੜਚੋਲ, ਮੁਲੰਕਣ, ਸਮੀਖਿਆ
ਅਲੋਪ : ਲੋਪ ਹੋ ਜਾਣ ਦਾ ਭਾਵ, ਗੁਪਤ, ਅਦ੍ਰਿਸ਼ ਛੁਪ ਜਾਣ ਦਾ ਭਾਵ
ਅਲੋਲ : ਚੰਚਲਤਾ ਰਹਿਤ, ਥਿਰ, ਇਕਾਗਰ, ਪ੍ਰਭਾਵ, ਪ੍ਰਵਿਰਤੀ
ਅਲੌਕਿਕ : ਅਦਭੁਤ, ਸੁਅਰਗੀ, ਅਧਿਆਤਮਕ, ਪਰਾ-ਲੌਕਿਕ, ਕਰਾਮਾਤੀ
ਅਲੌਕਿਕਤਾ : ਅਧਿਆਤਮਿਕਤਾ, ਕਰਾਮਾਤਕ, ਪਰਾ-ਲੋਕਿਕਤਾ
ਅਵੱਸ : ਵੱਸ ਤੋਂ ਬਾਹਰ, ਲਾਚਾਰ, ਮਦਦ, ਮਿਹਰਬਾਨੀ
ਅਵੱਸ਼ : ਜ਼ਰੂਰ, ਪੱਕੇ ਤੌਰ ਤੇ, ਨਿਸ਼ਚਿਤ, ਬਿਨਾਂ ਸ਼ੱਕ
ਅਵਸਥਾ : ਹਾਲਤ, ਦਸ਼ਾ, ਉਮਰ
ਅਵਸਰ : ਮੌਕਾ, ਸਮਾਂ ਮੇਲ, ਵਿਹਲ
ਅਵਸਰਵਾਦ : ਮੌਕਾਪ੍ਰਸਤੀ, ਮਤਲਬ ਪ੍ਰਸਤੀ
ਅਵਸਰਵਾਦੀ : ਮੌਕਾਪ੍ਰਸਤ
ਅਵਸ਼ੇਸ਼ : ਬਚਤ, ਬਚੇ-ਖੁਚੇ ਹਿੱਸੇ, ਮ੍ਰਿਤਕ ਸਰੀਰ
ਅਵਹੇਲਨਾ : ਉਪੇਖਿਆ, ਅਨਾਦਰ, ਬੇਪਰਵਾਹੀ, ਨਜ਼ਰਅੰਦਾਜ਼
ਅਵਕਾਸ਼ : ਛੁੱਟੀ, ਖਾਲੀ ਥਾਂ, ਜਗ੍ਹਾ, ਵਿੱਥ, ਫ਼ਾਸਲਾ
ਅਵਗਤ : ਜਾਣਿਆ ਹੋਇਆ, ਗਿਆਤ, ਡਿਗਿਆ ਹੋਇਆ, ਪਤਿਤ, ਨਿੱਤ
ਅਵੱਗਿਆ : ਹੁਕਮ ਨਾ ਮੰਨਣ ਦਾ ਭਾਵ, ਹੁਕਮ-ਅਦੂਲੀ, ਅਨਾਦਰ, ਅਪਮਾਨ
ਅਵਗੁਣ : ਔਗੁਣ
ਅਵਚੇਤਨ : ਅਰਧਚੇਤਨ, ਬੋਹੋਸ਼, ਬੇਸੁਰਤ
ਅਵਤਲ : ਖੋਖਲਾ
ਅਵੱਤਾ : ਅਉਘੜ, ਟੇਢਾ, ਬਦਸੂਰਤ
ਅਵਤਾਰ : ਕਿਸੇ ਦੇਵ-ਪੁਰਸ਼ ਜਾਂ ਆਤਮਾ ਦਾ ਲੌਕਿਕ ਸਰੀਰ ਧਾਰਣ ਕਰਨਾ, ਉੱਤਰਨਾ, ਤੀਰਥ, ਪਉੜੀ
ਅਵਤਾਰਵਾਦ : ਦੇਵ ਆਤਮਾ ਦੇ ਲੋਕਿਕ ਸਰੀਰਕ ਰੂਪ ‘ਚ ਪ੍ਰਗਟ ਹੋਣ ਦਾ ਸਿਧਾਂਤ
ਅਵਧ : ਕੌਸ਼ਲ ਦੇਸ਼ ਜੋ ਹੁਣ ਉੱਤਰ-ਪ੍ਰਦੇਸ਼ ਦਾ ਇੱਕ ਹਿੱਸਾ ਹੈ
ਅਵਧੀ : ਅਵਧ ਨਾਲ ਸੰਬੰਧਿਤ, ਅਵਧ ਦੀ ਭਾਸ਼ਾ ਸਮਾਂ, ਅੰਤਰਾਲ
ਅਵਧੂਤ : ਫ਼ਕੀਰ, ਸਾਧੂ, ਸੰਨਿਆਸੀ
ਅਵਰ : ਔਰ, ਅਤੇ, ਫਿਰ
ਅਵਰਨ : ਵਰਨ ਤੋਂ ਰਹਿਤ, ਅਬਰਨ, ਅਮਰ
