ਵਾਕ – ਵਟਾਂਦਰਾ
5. ਸੰਯੁਕਤ ਵਾਕ ਤੋਂ ਮਿਸ਼ਰਿਤ ਵਾਕ ਵਿੱਚ ਬਦਲਣਾ।
(ੳ)
ਸੰਯੁਕਤ ਵਾਕ : ਬਜ਼ੁਰਗਾਂ ਦੀ ਸੇਵਾ ਕਰੋ ਅਤੇ ਉਹਨਾਂ ਦੀਆਂ ਅਸੀਸਾਂ ਲਓ।
ਮਿਸ਼ਰਿਤ ਵਾਕ : ਜੇ ਤੁਸੀਂ ਬਜ਼ੁਰਗਾਂ ਦੀ ਸੇਵਾ ਕਰੋਗੇ ਤਾਂ ਉਹ ਤੁਹਾਨੂੰ ਅਸੀਸਾਂ ਦੇਣਗੇ।
(ਅ)
ਸੰਯੁਕਤ ਵਾਕ : ਉਸ ਦੀ ਮੰਗਣੀ ਹੈ, ਇਸ ਕਰ ਕੇ ਬੜਾ ਖੁਸ਼ ਹੈ।
ਮਿਸ਼ਰਿਤ ਵਾਕ : ਉਹ ਬੜਾ ਖੁਸ਼ ਹੈ, ਕਿਉਂਕਿ ਉਸ ਦੀ ਮੰਗਣੀ ਹੈ।
(ੲ)
ਸੰਯੁਕਤ ਵਾਕ : ਕਸਰਤ ਕਰੋ ਤੇ ਸਿਹਤਮੰਦ ਰਹੋ।
ਮਿਸ਼ਰਿਤ ਵਾਕ : ਜਿਹੜੇ ਕਸਰਤ ਕਰਦੇ ਹਨ, ਉਹ ਸਿਹਤਮੰਦ ਰਹਿੰਦੇ ਹਨ।
(ਸ)
ਸੰਯੁਕਤ ਵਾਕ : ਬੱਚਿਆਂ ਨਾਲ਼ ਪਿਆਰ ਕਰੋ ਤੇ ਉਹਨਾਂ ਕੋਲੋਂ ਇਜ਼ੱਤ ਪਾਓ।
ਮਿਸ਼ਰਿਤ ਵਾਕ : ਜੇ ਬੱਚਿਆਂ ਨਾਲ਼ ਪਿਆਰ ਕਰੋਗੇ ਤਾਂ ਹੀ ਉਹਨਾਂ ਕੋਲ਼ੋਂ ਇਜ਼ੱਤ ਪਾ ਸਕੋਗੇ।
6. ਮਿਸ਼ਰਿਤ ਵਾਕ ਤੋਂ ਸੰਯੁਕਤ ਵਾਕ ਵਿੱਚ ਬਦਲਣਾ।
(ੳ)
ਮਿਸ਼ਰਿਤ ਵਾਕ : ਭਾਵੇਂ ਤੁਸੀਂ ਦੌਲਤਮੰਦ ਹੋ, ਤਾਂ ਵੀ ਤੁਸੀਂ ਸੁਖੀ ਨਹੀਂ ਹੋ।
ਸੰਯੁਕਤ ਵਾਕ : ਤੁਸੀਂ ਦੌਲਤਮੰਦ ਹੋ, ਪਰ ਸੁਖੀ ਨਹੀਂ।
(ਅ)
ਮਿਸ਼ਰਿਤ ਵਾਕ : ਜਿਉਂ ਹੀ ਮੈਂ ਘਰ ਪੁੱਜਾ ਤਾਂ ਹਨ੍ਹੇਰਾ ਪੈ ਚੁੱਕਾ ਸੀ।
ਸੰਯੁਕਤ ਵਾਕ : ਮੈਂ ਘਰ ਪੁੱਜਾ ਤੇ ਹਨ੍ਹੇਰਾ ਪੈ ਗਿਆ।
(ੲ)
ਮਿਸ਼ਰਿਤ ਵਾਕ : ਜੇ ਚੰਗੀ ਖ਼ੁਰਾਕ ਲਵੋਗੇ ਤਾਂ ਤੰਦਰੁਸਤ ਰਹਿ ਸਕੋਗੇ।
ਸੰਯੁਕਤ ਵਾਕ : ਚੰਗੀ ਖ਼ੁਰਾਕ ਲਵੋਗੇ ਤੇ ਤੰਦਰੁਸਤ ਰਹੋਗੇ।
(ਸ)
ਮਿਸ਼ਰਿਤ ਵਾਕ : ਜਦੋਂ ਗ਼ਰੀਬਾਂ ਨੇ ਰੋਜ਼ੇ ਰੱਖੇ ਤਾਂ ਦਿਨ ਵੱਡੇ ਆ ਗਏ।
ਸੰਯੁਕਤ ਵਾਕ : ਗ਼ਰੀਬਾਂ ਰੋਜ਼ੇ ਰੱਖੇ, ਦਿਨ ਵੱਡੇ ਆਏ।
7. ਹਾਂ -ਵਾਚਕ ਵਾਕਾਂ ਤੋਂ ਨਾਂਹ – ਵਾਚਕ ਵਾਕਾਂ ਵਿੱਚ ਬਦਲਣਾ।
(ੳ)
ਹਾਂ -ਵਾਚਕ ਵਾਕ : ਮਿਹਨਤ ਸਫ਼ਲ ਹੋਈ।
ਨਾਂਹ – ਵਾਚਕ ਵਾਕ : ਮਿਹਨਤ ਵਿਅਰਥ ਨਹੀਂ ਗਈ।
(ਅ)
ਹਾਂ -ਵਾਚਕ ਵਾਕ : ਸਦਾ ਸੱਚ ਬੋਲੋ।
ਨਾਂਹ – ਵਾਚਕ ਵਾਕ : ਕਦੇ ਵੀ ਝੂਠ ਨਾ ਬੋਲੋ।
(ੲ)
ਹਾਂ -ਵਾਚਕ ਵਾਕ : ਹਮੇਸ਼ਾ ਵੱਡਿਆਂ ਦਾ ਆਦਰ ਕਰੋ।
ਨਾਂਹ – ਵਾਚਕ ਵਾਕ : ਕਦੇ ਵੀ ਵੱਡਿਆਂ ਦਾ ਨਿਰਾਦਰ ਨਾ ਕਰੋ।
(ਸ)
ਹਾਂ -ਵਾਚਕ ਵਾਕ : ਹਮੇਸ਼ਾ ਗੁਆਂਢੀਆਂ ਨਾਲ਼ ਬਣਾ ਕੇ ਰੱਖੋ।
ਨਾਂਹ – ਵਾਚਕ ਵਾਕ : ਕਦੇ ਵੀ ਗੁਆਂਢੀਆਂ ਨਾਲ਼ ਨਾ ਵਿਗਾੜੋ।
8. ਨਾਂਹ – ਵਾਚਕ ਵਾਕ ਤੋਂ ਹਾਂ – ਵਾਚਕ ਵਾਕ ਵਿੱਚ ਬਦਲਣਾ।
(ੳ)
ਨਾਂਹ – ਵਾਚਕ ਵਾਕ : ਉਹ ਕਦੇ ਝੂਠ ਨਹੀਂ ਬੋਲਦਾ।
ਹਾਂ -ਵਾਚਕ ਵਾਕ : ਉਹ ਹਮੇਸ਼ਾ ਸੱਚ ਬੋਲਦਾ ਹੈ।
(ਅ)
ਨਾਂਹ – ਵਾਚਕ ਵਾਕ : ਸ਼ੀਲਾ ਨਲਾਇਕ ਕੁੜੀ ਨਹੀਂ ਹੈ।
ਹਾਂ -ਵਾਚਕ ਵਾਕ : ਸ਼ੀਲਾ ਇੱਕ ਲਾਇਕ ਕੁੜੀ ਹੈ।
(ੲ)
ਨਾਂਹ – ਵਾਚਕ ਵਾਕ : ਸੋਹਨ ਕਦੇ ਵੀ ਸ਼ਰਾਬ ਨਹੀਂ ਪੀਂਦਾ।
ਹਾਂ -ਵਾਚਕ ਵਾਕ : ਸੋਹਨ ਹਮੇਸ਼ਾ ਸ਼ਰਾਬ ਤੋਂ ਪਰਹੇਜ਼ ਕਰਦਾ ਹੈ।
(ਸ)
ਨਾਂਹ – ਵਾਚਕ ਵਾਕ : ਉਹ ਸਭ ਨਾਲ਼ੋਂ ਲੰਮਾ ਨਹੀਂ ਹੈ।
ਹਾਂ -ਵਾਚਕ ਵਾਕ : ਉਹ ਸਭ ਨਾਲ਼ੋਂ ਮਧਰਾ ਹੈ।
