ਔਖੇ ਸ਼ਬਦਾਂ ਦੇ ਅਰਥ
ਸ ਨਾਲ ਸ਼ੁਰੂ ਹੋਣ ਵਾਲੇ ਸ਼ਬਦ
ਸੰਦਲ : ਚੰਦਨ, ਸੁਗੰਧੀ ਭਰਪੂਰ, ਚੰਨ੍ਹਣ
ਸੰਦਲੀ : ਸੰਦਲ ਰੰਗੀ, ਸੰਦਲ ਦੀ ਬਣੀ ਹੋਈ
ਸਦ੍ਰਿਸ਼ : ਮਿਲਦੀ-ਜੁਲਦੀ, ਵਰਗੀ, ਨਿਆਈਂ, ਉਹੋ-ਜਿਹੀ, ਤੁਲ, ਸਾ-ਰੂਪ
ਸਦਾ : ਹਮੇਸ਼ਾ, ਨਿੱਤ, ਲਗਾਤਾਰ, ਫ਼ਕੀਰ ਦੀ ਦੁਆ, ਆਸ਼ੀਰਵਾਦ
ਸਦਾ ਸੁਹਾਗਣ : ਵਿਆਹੁਤਾ ਔਰਤਾਂ ਲਈ ਇਕ ਆਸ਼ੀਰਵਾਦ ਜਿਸ ਵਿਚ ਉਸਦੇ ਹਮੇਸ਼ਾ ਸੁਹਾਗਣ ਬਣੇ ਰਹਿਣ ਦਾ ਵਰਦਾਨ ਹੁੰਦਾ ਹੈ
ਸਦਾਬਹਾਰ : ਸਦਾ ਖਿੜਿਆ, ਹਮੇਸ਼ਾ ਪ੍ਰਫੁੱਲਤ
ਸੱਦਾ : ਆਵਾਜ਼, ਬੁਲਾਣਾ, ਨਿਮੰਤ੍ਰਣ
ਸੰਦਾ : ਦਾ, ਦੀ, ਨਾ, ਨੀ
ਸਦਾਉਣਾ : ਬੁਲਾਉਣਾ, ਪੁਕਾਰਨਾ
ਸਦਾਕਤ : ਸੱਚਾਈ, ਸੱਚ
ਸਦਾਚਾਰ : ਚੰਗਾ ਆਹਰ, ਨੇਕ ਚਾਲ ਚਲਣ, ਚੰਗਾ ਵਰਤੋਂ-ਵਿਹਾਰ
ਸੰਦਿਗਧ : ਸ਼ੱਕਪੂਰਣ, ਸੰਦੇਹ ਪੂਰਣ, ਸ਼ੱਕੀ, ਅਸਪਸ਼ਟ, ਧੁੰਦਲੀ
ਸਦੀ : ਸੌ ਵਰ੍ਹੇ ਦਾ ਸਮਾਂ, ਸ਼ਤਾਬਦੀ, ਸਮਾਂ
ਸਦੀਵ : ਹਮੇਸ਼ਾ, ਨਿੱਤ, ਸਦਾ ਲਈ
ਸੰਦੂਕ : ਬਕਸਾ, ਸੰਦੂਕੜੀ, ਗੋਲਕ, ਪੈਟੀ, ਡੱਬਾ
ਸੰਦੇਸ਼ : ਸੁਨੇਹਾ, ਖ਼ਬਰ, ਇਤਲਾਹ
ਸੰਦੇਹ : ਸ਼ੱਕ, ਸ਼ੰਕਾ, ਸ਼ੁਭਾ, ਬੇਵਿਸਾਹੀ
ਸੱਧਰ : ਰੁਚੀ, ਇੱਛਾ, ਲਾਲਸਾ, ਕਾਮਨਾ, ਜ਼ਬਰਦਸਤ ਚਾਹ
ਸਧਾਰਨ : ਆਮ, ਸਾਦਾ, ਮਾਮੂਲੀ, ਸੌਖਾ
ਸਧਾਰਨੀਕਰਨ : ਸਰਲਾਉਣ, ਸਾਦਾ ਬਣਾਉਣ
ਸੰਧਾਰਾ : ਵਿਆਹੁਤਾ ਨੂੰ ਉਸਦੇ ਸਹੁਰਿਆਂ ਜਾਂ ਪੇਕਿਆਂ ਵਲੋਂ ਖਾਸ ਮੌਕਿਆਂ ਤੇ ਦਿਤੇ ਗਏ ਤੋਹਫ਼ੇ ਆਦਿਕ
ਸੰਧਿਆ : ਸ਼ਾਮ, ਸੰਝ, ਤਿਰਕਾਲਾਂ, ਸ਼ਾਮ ਦੀ ਪ੍ਰਾਰਥਨਾ ਜਾਂ ਪਾਠ-ਪੂਜਾ
ਸੰਧੀ : ਜੋੜ, ਮੇਲ, ਸਮਝੌਤਾ, ਸੁਲਾਹ
ਸੰਧੀ ਪੱਤਰ : ਅਹਿਦਨਾਮਾ, ਸੁਲਾਹਨਾਮਾ
ਸਧੂਕੜੀ : ਮਧਕਾਲੀ ਭਾਰਤੀ ਸੰਤਾਂ ਦੀ ਭਾਸ਼ਾ, ਸਾਧ ਬੋਲੀ
ਸੰਧੂਰ : ਲਾਲ ਸਿੱਕਾ, ਸ਼ਿੰਗਰਫ
ਸੰਧੂਰੀ : ਸੰਧੂਰ ਦੇ ਰੰਗ ਦਾ, ਗਾੜ੍ਹਾ ਲਾਲ
ਸਨ : ਸੀ, ਸਉ, ਸਾਂ, ਥਾਂ
ਸੰਨ : ਸੰਮਤ, ਕੈਲੰਡਰੀ ਸਾਲ
ਸਨਅਤ : ਉਦਯੋਗ, ਉੱਦਮ, ਦਸਤਕਾਰੀ
ਸਨਅਤਕਾਰ : ਉਦਯੋਗਪਤੀ, ਉੱਦਮੀ
ਸਨਅਤੀਕਰਣ : ਉਦਯੋਗੀ, ਕਾਰਖਾਨੇਦਾਰ, ਵਪਾਰੀ
ਸਨਸਨੀ : ਝਰਨਾਹਟ, ਲਹਿਰ, ਘਾਬਰ, ਅਨੁਭਵ, ਥੱਰਾਹਟ
ਸਨਸਨੀਖੇਜ : ਝਰਨਾਹਟ-ਪੂਰਣ, ਹਿਲਾ ਦੇਣ ਵਾਲਾ, ਨਮੋਸ਼ੀ ਵਾਲਾ
ਸਨਕ : ਪੁਰਾਣਾ, ਬ੍ਰਹਮਾ ਦੇ ਚਾਰ ਮਾਨਸਿਕ ਪੁੱਤਰਾਂ ‘ਚੋਂ ਵੱਡਾ, ਵਹਿਮ, ਲਹਿਰ, ਤਰੰਗ, ਮਨ ਦੀ ਮੌਜ, ਠਰਕ
ਸਨਕੀ : ਵਹਿਮੀ, ਸ਼ੱਕੀ, ਸੜੂ, ਖਿਝੂ, ਠਰਕੀ, ਝੱਲਾ, ਕਮਲਾ
ਸਨਦ : ਪ੍ਰਮਾਣ-ਪੱਤਰ, ਡਿਗਰੀ, ਦਸਤਾਵੇਜ਼, ਲਿਖਤ, ਵਸੀਕਾ, ਪੱਟਾ
ਸਨਦਬੱਧ : ਦਸਤਾਵੇਜ਼ੀ, ਲਿਖਤ-ਰੂਪ, ਤਸਦੀਕ-ਸ਼ੁਦਾ, ਪ੍ਰਮਾਣਿਤ
ਸਨਬੰਧ : ਸੰਬੰਧ
ਸਨਮ : ਨਿਮਰਤਾ ਸਹਿਤ, ਝੁਕਿਆ ਹੋਇਆ, ਪਿਆਰਾ, ਸੁੰਦਰ
ਸਨਮਾਨ : ਇੱਜ਼ਤ, ਮਾਣ, ਕਦਰ, ਸਤਿਕਾਰ, ਅਦਬ
ਸਨਮਾਨਿਤ : ਸਤਿਕਾਰਿਤ, ਇੱਜ਼ਤ ਮਿਲਣ ਦਾ ਭਾਵ
ਸਨਮੁਖ : ਸਾਮ੍ਹਣੇ, ਅੱਗੇ, ਆਹਮੋ- ਸਾਮ੍ਹਣੇ, ਆਗਿਆਕਾਰ, ਕਹਿਣਕਾਰ
ਸੰਨ੍ਹ : ਪਾੜ੍ਹ, ਨਕਬ, ਸੰਧ, ਖੱਪਰ, ਵਿਰਲ, ਵਿੱਥ, ਭਗ, ਯੋਨੀ
ਸੰਨ੍ਹ ਲਾਉਣੀ : (ਘਰ ਦੀ) ਕੰਧ ਭੰਨਣੀ, ਚੋਰੀ ਕਰਨੀ
