ਔਖੇ ਸ਼ਬਦਾਂ ਦੇ ਅਰਥ
ਸ ਨਾਲ ਸ਼ੁਰੂ ਹੋਣ ਵਾਲੇ ਸ਼ਬਦ
ਸਕਣਾ : ਸਮਰਥ ਹੋਣਾ, ਸ਼ਕਤੀ ਸਹਿਤ ਹੋਣਾ, ਕਿਸੇ ਕੰਮ ਦੇ ਕਰਨ ਦੀ ਸ਼ਕਤੀ ਰੱਖਣੀ
ਸਕੱਤਰ : ਸਕੱਤਰੀ ਦਾ ਪਦ, ਸਕੱਤ੍ਰ, ਵਜ਼ੀਰ
ਸਕਤਰੇਤ : ਸਚਿਵਾਲਾ, ਸਕੱਤਰ ਦਾ ਦਫ਼ਤਰ, ਮੁੱਖ ਦਫਤਰ
ਸਕਤਾ : ਸ਼ਕਤੀਸ਼ਾਲੀ, ਸਮਰਥ, ਸਕਣ ਦਾ ਭੂਤ ਕਾਲ, ਇਕ ਰੋਗ
ਸਕਰਮਕ : ਕਿਰਿਆ ਦਾ ਇਕ ਭੇਦ
ਸੰਕਲਨ : ਜੋੜ, ਢੇਰ, ਸੰਗ੍ਰਹਿ
ਸੰਕਲਿਤ : ਸੰਗ੍ਰਹਿਤ, ਇਕੱਠਾ
ਸੰਕਲਪ : ਫੁਰਨਾ, ਖ਼ਿਆਲ, ਇਰਾਦਾ, ਮਨ, ਵਿਚਾਰ, ਇੱਛਾ
ਸਕਾ : ਅਸਲੀ, ਸਗਾ, ਨੇੜਲਾ, ਨਜ਼ਦੀਕ ਦਾ, ਪਾਣੀ ਲਿਜਾਣ ਵਾਲਾ
ਸਕਾਰਥ : ਅਰਥ ਭਰਪੂਰ, ਸਫਲ, ਉਦੇਸ਼-ਪੂਰਣ
ਸਕਾਰਨਾ : ਸਵੀਕਾਰ ਕਰਨਾ, (ਬਿਧ ਆਦਿਕ) ਮੰਜ਼ੂਰ ਕਰਨਾ, ਤਸਦੀਕ ਕਰਨਾ
ਸਕਿੰਟ : ਆਧੁਨਿਕ ਸਮੇਂ ਦੀ ਇਕਾਈ ‘ਮਿੰਟ’ ਦਾ ਸੱਠਵਾਂ ਹਿੱਸਾ
ਸਕੀਮ : ਵਿਉਂਤ, ਯੋਜਨਾ, ਨਕਸ਼ਾ, ਤਜਵੀਜ਼
ਸੰਕੀਰਣ : ਤੰਗ, ਛੋਟਾ, ਤੁੱਛ, ਨੀਚ, ਢੱਕਿਆ ਹੋਇਆ
ਸੰਕੀਰਣਤਾ : ਤੰਗਦਿਲੀ, ਤੁੱਛਤਾ, ਨੀਚਤਾ, ਛੋਟਾਪਨ
ਸਕੀਲ : ਵਜ਼ਨਦਾਰ, ਵਜ਼ਨੀ, ਭਾਰੀ
ਸਕੀਵੀ : ਇਕ ਆਧੁਨਿਕ ਪਹਿਰਾਵਾ (ਕੁੜੀਆਂ ਦਾ)
ਸੰਕੁਚਿਤ : ਸੀਮਿਤ, ਥੋੜ੍ਹਾ, ਬੰਨ੍ਹਵਾਂ, ਸੰਖਿਪਤ, ਘਟਾਇਆ ਹੋਇਆ
ਸਕੂਟਰ : ਇਕ ਦੁਪਹੀਆ ਮਸ਼ੀਨੀ ਵਾਹਨ
ਸਕੂਨ : ਸ਼ਾਂਤੀ, ਟਿਕਾਉ, ਠੰਡਕ, ਆਰਾਮ, ਚੈਨ
ਸਕੂਲ : ਵਿਦਿਆਲਾ, ਪਾਠਸ਼ਾਲਾ ਮਦਰਸਾ, ਟਕਸਾਲ, ਸੰਪਰਦਾ
ਸਕੂਲੀ : ਸਕੂਲ ਸੰਬੰਧੀ, ਟਕਸਾਲੀ
ਸਕੇ ਸੰਬੰਧੀ : ਰਿਸ਼ਤੇਦਾਰ, ਸਾਕ, ਨੇੜਲੇ ਸੰਬੰਧੀ
ਸੰਕੇਤ : ਇਸ਼ਾਰਾ, ਸੈਨਤ, ਚਿੰਨ੍ਹ, ਨਿਸ਼ਾਨ, ਸੂਚਨਾ
ਸੰਕੇਤਕ : ਸੂਚਕ, ਛੂਛਕ, ਇਸ਼ਾਰੇ ਮਾਤਰ
ਸੰਕੇਤਾਵਲੀ : ਹਵਾਲਾ, ਨਿਸ਼ਾਨ, ਹਵਾਲਗੀ
ਸੰਕੋਚ : ਸ਼ਰਮ, ਝਿਜਕ, ਘਬਰਾਹਟ, ਸੰਗ, ਝੱਕ
ਸੰਕੋਚ ਕਰਨਾ : ਝਿਜਕਣਾ, ਸੰਗਣਾ, ਪਿੱਛੇ ਹੱਟ ਜਾਣਾ, ਹਿਸਾਬ ਨਾਲ ਵਰਤਣਾ
ਸੰਖ : ਕੌਡ, ਇਕ ਸਮੁੰਦਰੀ ਜੀਵ ਦਾ ਖੋਲ, ਕਮਾਲ, ਸਿਰ ਦੀ ਹੱਡੀ, ਇਕ ਗਿਣਤੀ -100,000,000,000,000,000
ਸੱਖਣਾ : ਖਾਲੀ, ਵਿਹੂਣਾ, ਨੰਗਾ, ਫਲਹੀਣ
ਸਖ਼ਤ : ਕਰੜਾ, ਕਠੋਰ, ਨਿੱਗਰ, ਪੱਕਾ, ਬੱਜਰ
ਸਖ਼ਤੀ : ਕਠੋਰਤਾ, ਕਰੜਾਈ, ਕੱਟੜਤਾ, ਦ੍ਰਿੜ੍ਹਤਾ, ਪਕਿਆਈ
ਸਖਾਵਤ : ਉਦਾਰਤਾ, ਖੁਲ੍ਹਦਿਲੀ, ਮਿਹਰਬਾਨੀ
ਸੰਖਿਅਕ : ਅੰਕ ਸੰਬੰਧੀ, ਅੰਕੀ, ਸੰਖਿਆਵਾਚੀ
ਸੰਖਿਆ : ਅੰਕ, ਗਿਣਤੀ, ਅੰਕੜਾ, ਨੰਬਰ, ਬਹੁਤਾਤ
ਸੰਖਿਪਤ : ਛੋਟਾ, ਸੰਖੇਪ ‘ਚ, ਥੋੜ੍ਹਾ, ਦੋ ਹਰਫ਼ੀ, ਸਾਰ ਦੇਣਾ
ਸਖੀ : ਸਹੇਲੀ, ਉਦਾਰ, ਖੁਲ੍ਹਦਿਲਾ
ਸੰਖੀ : ਮੀਟ ਦਾ ਇਕ ਟੁਕੜਾ, ਬੋਟੀ, ਹੱਡੀ, ਲੋਥੜਾ
ਸੰਖੀਆ : ਇਕ ਜ਼ਹਿਰ, ਬਿਖ
ਸੰਖੇਪ : ਸੰਖਿਪਤ
ਸੰਗ : ਸਾਥ, ਸੰਗਤ, ਮੇਲ, ਟੋਲੀ, ਨਾਲ, ਮਿਲਾਪ, ਸੰਬੰਧ, ਲੌਜਾ, ਸ਼ਰਮ, ਝਿਜਕ
ਸੰਗ ਤਰਾਸ਼ : ਪੱਥਰ-ਘਾੜਾ
ਸੰਗ ਦਿਲ : ਜ਼ਾਲਮ, ਸਖ਼ਤ
ਸੰਗਮਰਮਰ : ਇਕ ਸੁੰਦਰ ਚਿੱਟਾ ਤੇ ਕੀਮਤੀ ਪੱਥਰ
