ਔਖੇ ਸ਼ਬਦਾਂ ਦੇ ਅਰਥ
ਅ ਨਾਲ ਸ਼ੁਰੂ ਹੋਣ ਵਾਲੇ ਸ਼ਬਦ
ਅੜਿਲ : ਇਕ ਮਾਤ੍ਰਿਕ ਛੰਦ ਜਿਸਦੇ ਚਾਰ ਚਰਣ ਤੇ ਪ੍ਰਤੀ ਚਰਣ ਸੋਲ੍ਹਾਂ ਮਾਤਰਾਂ ਹੁੰਦੀਆਂ ਹਨ, ਇਸਦੇ ਹੋਰ ਵੀ ਭੇਦ ਹਨ
ਅੜੀ : ਹੱਠ, ਜ਼ਿੱਦ
ਅੜੀਅਲ : ਹੱਠੀ, ਜ਼ਿੱਦੀ
ਅੜੀਏ : ਔਰਤਾਂ ਲਈ ਇਕ ਸੰਬੋਧਨੀ ਸ਼ਬਦ, ਸਹੇਲੀ
ਅੜੁੰਗ : ਅੜੀਅਲ, ਟੇਢਾ, ਡਿੰਗਾ, ਅੰਗਾਂ ਵਿਚ ਫਸਿਆ ਹੋਇਆ
ਅੜੋਸ-ਪੜੋਸ : ਗੁਆਂਢ, ਆਲਾ-ਦੁਆਲਾ, ਆਂਢ-ਗੁਆਂਢ
ਆ : ਚਹੁੰ ਪਾਸਿਓ, ਸਭ ਪਾਸੇ, ਤੱਕ, ਤੋੜੀਂ, ਇਕ ਅਗੇਤਰ, ਆਉਣ ਦਾ ਭਾਵ
ਆਉ : ਆਉਣ ਦਾ ਭਾਵ, ਅੰਦਰ ਦਾਖਲ ਹੋਣ ਦਾ ਭਾਵ, ਸੱਦਣਾ
ਆਉਣਾ : ਅੰਦਰ ਦਾਖਲ ਹੋਣਾ, ਪੁੱਜਣਾ, ਆਗਮਨ
ਆਉ-ਭਗਤ : ਸੁਆਗਤ, ਆਦਰ-ਮਾਣ, ਸੇਵਾ
ਆਇਆ : ਆਉਣਾ, ਪੁੱਜ ਜਾਣਾ, ਆਉਣ ਲਈ ਕਹਿਣਾ, ਪਹੁੰਚਣਾ, ਨੌਕਰ, ਦਾਸੀ
ਆਇਤ : ਐਤਵਾਰ, ਸੂਰਜ, ਕੁਰਾਨ ਅਤੇ ਅੰਜੀਲ ਦਾ ਪਦ, ਮੰਤ੍ਰ, ਤੁਕ, ਵਾਕ (ਆਯਤ)
ਆਈ : ਆਉਣਾ (ਇਸਤ੍ਰੀ ਲਿੰਗ), ਪੁੱਜਣਾ, ਜੋਗੀਆਂ ਦੇ ਇਕ ਪੰਥ ਦਾ ਨਾਂ
ਆਈ-ਚਲਾਈ : ਆਣਾ-ਜਾਣਾ, ਗੁਜ਼ਾਰਾ
ਆਈਨਾ : ਸ਼ੀਸ਼ਾ, ਦਰਪਣ
ਆਸ : ਉਮੀਦ, ਆਸ਼ਾ, ਕਾਮਨਾ, ਲਾਲਸਾ ਚਾਹ, ਇੱਛਾ
ਆਸ-ਹੀਣ : ਆਸ ਤੋਂ ਬਗੈਰ, ਨਿਰਾਸ਼, ਨਾਉਮੀਦ ਸੁਸਤ
ਆਸ-ਪਾਸ : ਆਲੇ-ਦੁਆਲੇ, ਲਾਗੇ, ਨੇੜੇ
ਆਸ਼ਕ : ਪ੍ਰੇਮੀ, ਪਿਆਰਾ, ਇਸ਼ਕ ਕਰਨ ਵਾਲਾ
ਆਸ਼ਕ ਹੋ ਜਾਣਾ : ਪ੍ਰੇਮੀ ਹੋ ਜਾਣਾ, ਪਿਆਰ ਹੋ ਜਾਣਾ
ਆਸ਼ਕ-ਮਜਾਜ਼ : ਪ੍ਰੇਮੀ ਸੁਭਾਅ, ਪਿਆਰਾ, ਕਾਮੁਕ, ਰੰਗੀਨ ਤਬੀਅਤ, ਖੁੱਲ੍ਹ-ਦਿਲਾ, ਖੁਸ਼-ਮਿਜਾਜ਼
ਆਸ਼ੰਕਾ : ਸ਼ੱਕ, ਡਰ, ਖਤਰਾ
ਆਸ਼ਕੀ : ਇਸ਼ਕ ਕਰਨਾ, ਇਸ਼ਕ, ਪ੍ਰੇਮ, ਮੁਹੱਬਤ
ਆਸਣ : ਬਹਿਣ ਦੀ (ਪੱਕੀ) ਜਗ੍ਹਾ, ਸੀਟ, ਬੈਠਣ ਦਾ ਬਸਤਰ ਜਿਸਨੂੰ ਵਿਛਾ ਕੇ ਬੈਠੀਏ, ਯੋਗ ਦਾ ਇਕ ਅੰਗ ਜਿਸ ਅਨੁਸਾਰ ਯੋਗੀ ਆਪਣੀ ਬੈਠਕ ਸਾਧਦਾ ਹੈ ।
ਆਸਣ ਜਮਾਉਣਾ : ਪੱਕੇ ਤੌਰ ਤੇ ਬੈਠ ਜਾਣਾ, ਗੱਦੀ ਲਾਉਣੀ, ਆਰਾਮ ਕਰਨਾ, ਰੁਕਣਾ
ਆਸਣ ਮੱਲਣਾ : ਕਿਸੇ ਜਗ੍ਹਾ ਜਾਂ ਸੀਟ ਨੂੰ ਕਬਜ਼ੇ ਚ ਕਰ ਲੈਣਾ
ਆਸਣ ਲਾਉਣਾ : ਆਸਣ ਜਮਾ ਲੈਣਾ, ਬੈਠ ਜਾਣਾ, ਯੋਗ ਦੀ ਅਵਸਥਾ ‘ਚ ਆਉਣਾ
ਆਸਤਿਕ : ਪਰਮਾਤਮਾ ਦੀ ਹੋਂਦ ‘ਚ ਵਿਸ਼ਵਾਸ ਰੱਖਣ ਵਾਲਾ, ਈਸ਼ਵਰਵਾਦੀ, ਹਾਂ-ਮੁਖੀ
ਆਸਤਿਕਤਾ : ਈਸ਼ਵਰਵਾਦ, ਬ੍ਰਹਮਵਾਦ, ਹਾਂ-ਮੁਖ, ਆਸਥਾਵਾਨ, ਵਿਸ਼ਵਾਸੀ
ਆਸਤੀਨ : ਕੁੜਤੇ, ਕੋਟ ਆਦਿ ਦੀ ਬਾਂਹ, ਬਾਹੁਲੀ
ਆਸਤੀਨ ਦਾ ਸੱਪ : ਧੋਖੇਬਾਜ਼ ਮਿੱਤਰ, ਵਿਸ਼ਵਾਸਘਾਤੀ
ਆਸਥਾ : ਭਰੋਸਾ, ਵਿਸ਼ਵਾਸ, ਯਕੀਨ
ਆਸ਼ਨਾਈ : ਮਿੱਤਰਤਾ, ਜਾਣ-ਪਛਾਣ, ਮੁਹੱਬਤ
ਆਸਮਾਨ : ਆਕਾਸ਼
ਆਸ਼ਰਮ : ਟਿਕਣ ਦੀ ਜਗ੍ਹਾ, ਰਹਿਣ ਦਾ ਟਿਕਾਣਾ, ਘਰ, ਕੁਟੀਆ, ਸ਼ਾਸਤਰਾਂ ਅਨੁਸਾਰ ਜੀਵਨ ਦੀ ਅਵਸਥਾ ਜਿਸਦੇ ਚਾਰ ਭੇਦ ਮੰਨੇ ਗਏ ਹਨ-ਬ੍ਰਹਮਚਰਜ, ਗ੍ਰਹਿਸਥ, ਬਾਨਪ੍ਰਸਥ, ਸੰਨਿਆਸ। ਇਹ ਭੇਦ ਜੀਵਨ ਦੇ ਚਾਰੇ ਵੱਖ-ਵੱਖ ਆਸ਼ਰਮ ਹਨ
ਆਸਰਾ : ਸਹਾਰਾ, ਟੇਕ, ਆਧਾਰ, ਓਟ, ਪਨਾਹ, ਸ਼ਰਣ
