ਭੂਤ ਦੀ ਧੀ ………. ਜਾਂਦੀ ਮਰ।
ਵਾਰਤਾਲਾਪ ਸੰਬੰਧੀ ਪ੍ਰਸ਼ਨ : ਗੁਬਾਰੇ
ਭੂਤ ਦੀ ਧੀ ਚੰਦਰਮੁਖੀ
ਭਾਵੇਂ ਸੋਹਣੀ ਪਰ ਬਹੁਤ ਦੁਖੀ ।
ਭੂਤ ਜਦੋਂ ਜਾਂਦਾ ਸੀ ਬਾਹਰ,
ਉਸਦੇ ਟੁਕੜੇ ਕਰੇ ਹਜ਼ਾਰ ।
ਜਦ ਉਹ ਆਵੇ ਵਾਪਸ ਘਰ,
ਟੁਕੜੇ ‘ਕੱਠੇ ਲੈਂਦਾ ਕਰ ।
ਰੋਜ਼ ਸ਼ਾਮ ਨੂੰ ਜਿਊਂਦੀ ਧੀ,
ਰੋਜ਼ ਸਵੇਰੇ ਜਾਂਦੀ ਮਰ ।
ਪ੍ਰਸ਼ਨ 1. ਇਹ ਸ਼ਬਦ ਕਿਸ ਇਕਾਂਗੀ ਵਿਚੋਂ ਹਨ? ਇਕਾਂਗੀ ਦੇ ਲੇਖਕ ਦਾ ਨਾਂ ਵੀ ਦੱਸੋ।
ਉੱਤਰ : ਇਕਾਂਗੀ ਦਾ ਨਾਂ : ‘ਗ਼ੁਬਾਰੇ’ ।
ਲੇਖਕ ਦਾ ਨਾਂ : ਆਤਮਜੀਤ ।
ਪ੍ਰਸ਼ਨ 2. ਇਹ ਕਹਾਣੀ ਬੱਚਿਆਂ ਨੂੰ ਕੌਣ ਸੁਣਾਉਂਦਾ ਹੈ?
ਉੱਤਰ : ਇਹ ਕਹਾਣੀ ਦਾਦੀ ਬੱਚਿਆਂ ਨੂੰ ਸੁਣਾਉਂਦੀ ਹੈ।
ਪ੍ਰਸ਼ਨ 3. ਭੂਤ ਦੀ ਧੀ ਦਾ ਨਾਂ ਕੀ ਸੀ ਅਤੇ ਉਹ ਕਿਹੋ ਜਿਹੀ ਸੀ?
ਉੱਤਰ : ਭੂਤ ਦੀ ਧੀ ਦਾ ਨਾਂ ਚੰਦਰਮੁਖੀ ਸੀ। ਉਹ ਸੋਹਣੀ ਤਾਂ ਬਹੁਤ ਸੀ, ਪਰ ਦੁਖੀ ਸੀ।
ਪ੍ਰਸ਼ਨ 4. ਭੂਤ ਘਰੋਂ ਬਾਹਰ ਜਾਣ ਵੇਲੇ ਕੀ ਕਰਦਾ ਸੀ?
ਉੱਤਰ : ਭੂਤ ਘਰੋਂ ਬਾਹਰ ਜਾਣ ਵੇਲੇ ਆਪਣੀ ਧੀ ਦੇ ਹਜ਼ਾਰ ਟੁਕੜੇ ਕਰ ਦਿੰਦਾ ਸੀ ।
