ਬੱਸ ਕੰਡਕਟਰ – ਇੱਕ ਸ਼ਬਦ / ਇੱਕ ਲਾਈਨ ਵਾਲੇ ਉੱਤਰ
ਵੰਨਗੀ – ਪੰਜਾਬੀ ਕਹਾਣੀਆਂ ਤੇ ਇਕਾਂਗੀ
ਕਹਾਣੀ – ਭਾਗ (ਜਮਾਤ ਨੌਵੀਂ)
ਬੱਸ ਕੰਡਕਟਰ – ਡਾ. ਦਲੀਪ ਕੌਰ ਟਿਵਾਣਾ
ਪ੍ਰਸ਼ਨ 1 . ‘ਬੱਸ ਕੰਡਕਟਰ’ ਕਹਾਣੀ ਦਾ ਲੇਖਕ ਕੌਣ ਹੈ?
ਉੱਤਰ – ਡਾ. ਦਲੀਪ ਕੌਰ ਟਿਵਾਣਾ
ਪ੍ਰਸ਼ਨ 2 . ਲੇਡੀ ਡਾਕਟਰ ਦਾ ਨਾਂ ਕੀ ਸੀ ?
ਉੱਤਰ – ਲੇਡੀ ਡਾਕਟਰ ਦਾ ਨਾਂ ਪਾਲੀ ਸੀ।
ਪ੍ਰਸ਼ਨ 3 . ਲੇਡੀ ਡਾਕਟਰ ਪਾਲੀ ਦੀ ਬਦਲੀ ਕਿੱਥੋਂ, ਕਿੱਥੇ ਦੀ ਹੋ ਗਈ ਸੀ ?
ਉੱਤਰ – ਪਾਲੀ ਦੀ ਬਦਲੀ ਨਾਭੇ ਤੋਂ ਪਟਿਆਲੇ ਦੀ ਹੋ ਗਈ ਸੀ।
ਪ੍ਰਸ਼ਨ 4 . ਲੇਡੀ ਡਾਕਟਰ ਨੇ ਵੱਡੇ ਡਾਕਟਰ ਪਾਸੋਂ ਕਿਸ ਚੀਜ਼ ਦੀ ਇਜਾਜ਼ਤ ਲਈ ਹੋਈ ਸੀ ?
ਉਮਰ – ਹਰ ਰੋਜ਼ ਸਵੇਰੇ ਨਾਭੇ ਤੋਂ ਪਟਿਆਲੇ ਆਉਣ – ਜਾਣ ਦੀ।
ਪ੍ਰਸ਼ਨ 5 . ਲੇਡੀ ਡਾਕਟਰ ਪਾਲੀ ਨਾਭੇ ਤੋਂ ਪਟਿਆਲੇ ਕਿਸ ਤਰ੍ਹਾਂ ਜਾਂਦੀ ਸੀ ?
ਉੱਤਰ – ਬੱਸ ਰਾਹੀਂ
ਪ੍ਰਸ਼ਨ 6 . ਬੱਸ ਕੰਡਕਟਰ ਦਾ ਨਾਂ ਕੀ ਸੀ ?
ਉੱਤਰ – ਜੀਤ
ਪ੍ਰਸ਼ਨ 7 . ਪਾਲੀ ਨੂੰ ਬੱਸ ਕੰਡਕਟਰ ਕਿਸ ਤਰ੍ਹਾਂ ਦਾ ਲੱਗਦਾ ਸੀ ?
ਉੱਤਰ – ਬੜਾ ਸਾਊ
ਪ੍ਰਸ਼ਨ 8 . ਪਾਲੀ ਹਸਪਤਾਲ ਵਿੱਚੋਂ ਕਿੰਨੇ ਰੁਪਏ ਤਨਖ਼ਾਹ ਲੈਂਦੀ ਸੀ ?
ਉੱਤਰ – ਤਿੰਨ ਸੌ ਰੁਪਏ
ਪ੍ਰਸ਼ਨ 9 . ਪਾਲੀ ਨੇ ਟਿਕਟ ਲੈਣ ਲਈ ਬੱਸ ਕੰਡਕਟਰ ਨੂੰ ਕਿੰਨੇ ਰੁਪਏ ਦਿੱਤੇ ਸਨ?
ਉੱਤਰ – ਦਸ ਰੁਪਏ
ਪ੍ਰਸ਼ਨ 10 . ਨਾਭੇ ਤੋਂ ਪਟਿਆਲੇ ਦਾ ਬੱਸ ਕਿਰਾਇਆ ਕਿੰਨਾ ਸੀ ?
ਉੱਤਰ – ਸਾਢੇ ਦਸ ਆਨੇ
ਪ੍ਰਸ਼ਨ 11 . ਨਾਭੇ ਦੇ ਅੱਡੇ ਤੋਂ ਜੀਤ ਕਿਹੜੀਆਂ ਸਵਾਰੀਆਂ ਨੂੰ ਬਾਹੋਂ ਫੜ੍ਹ – ਫੜ੍ਹ ਕੇ ਉਤਾਰ ਰਿਹਾ ਸੀ ?
ਉੱਤਰ – ਬਿਨਾਂ ਟਿਕਟ
ਪ੍ਰਸ਼ਨ 12 . ਜਦੋਂ ਜੀਤੇ ਨੇ ਡਰਾਈਵਰ ਨੂੰ ਬੱਸ ਨੀਲਾ ਭਵਨ ਵੱਲ੍ਹ ਦੀ ਲੈ ਕੇ ਜਾਣ ਲਈ ਕਿਹਾ ਤਾਂ ਕਿੱਧਰ ਨੂੰ ਜਾਣ ਵਾਲੀਆਂ ਸਵਾਰੀਆਂ ਬੁੜਬੁੜਾਉਣ ਲੱਗੀਆਂ ?
ਉੱਤਰ – ਗੁਰਦੁਆਰੇ ਵੱਲ ਜਾਣ ਵਾਲੀਆਂ
ਪ੍ਰਸ਼ਨ 13 . ਬੱਸ ਵਿੱਚ ਮੋਟੀਆਂ ਸਵਾਰੀਆਂ ਨਾਲ਼ ਬੈਠ ਕੇ ਪਾਲੀ ਨੂੰ ਕੀ ਹੁੰਦਾ ਸੀ ?
ਉੱਤਰ – ਵਧੀਆ ਕੱਪੜਿਆਂ ਨੂੰ ਵੱਟ ਪੈ ਜਾਂਦੇ
ਪ੍ਰਸ਼ਨ 14 . ਬੱਸ ਵਿੱਚ ਕਿਸੇ ਕੋਲੋਂ ਆ ਰਹੀ ਪਸੀਨੇ ਦੀ ਬਦਬੂ ਨਾਲ਼ ਪਾਲੀ ਨੂੰ ਕੀ ਹੁੰਦਾ ਸੀ ?
ਉੱਤਰ – ਸਿਰ ਚਕਰਾਉਣ ਲੱਗ ਪੈਂਦਾ
ਪ੍ਰਸ਼ਨ 15 . ਅਗਲੇ ਦਿਨ ਪਾਲੀ ਜਾਣ ਬੁੱਝ ਕੇ ਕਿੰਨੇ ਮਿੰਟ ਦੇਰੀ ਨਾਲ਼ ਗਈ ?
ਉੱਤਰ – ਪੰਜ ਮਿੰਟ
ਪ੍ਰਸ਼ਨ 16 . ‘ਮੇਮ ਸਾਹਿਬਾਂ ਤੋਂ ਬਿਨਾਂ ਬੱਸ ਕਿਵੇਂ ਤੁਰ ਪੈਂਦੀ ।’ ਇਹ ਲਫ਼ਜ਼ ਕਿਸ ਨੇ, ਕਿਸ ਲਈ ਕਹੇ ?
ਉੱਤਰ – ਹਰ ਰੋਜ਼ ਨਾਭੇ ਤੋਂ ਪਟਿਆਲੇ ਜਾਣ ਵਾਲੇ ਕਲਰਕ ਨੇ, ਪਾਲੀ ਲਈ ਕਹੇ।
ਪ੍ਰਸ਼ਨ 17 . ਕਿਸ ਨੂੰ ਵੇਖ ਕੇ ਪਾਲੀ ਤੇਲੀਓ – ਤੇਲੀ ਹੋ ਗਈ ?
ਉੱਤਰ – ਟਿਕਟ – ਚੈਕਰ ਨੂੰ ਦੇਖ ਕੇ
ਪ੍ਰਸ਼ਨ 18 . ਕਿਸ ਕਰਕੇ ਪਾਲੀ ਨੂੰ ਸ਼ਰਮ ਮਹਿਸੂਸ ਹੋ ਰਹੀ ਸੀ ?
ਉੱਤਰ – ਟਿਕਟ ਨਾ ਹੋਣ ਕਰਕੇ
ਪ੍ਰਸ਼ਨ 19 . ਜੀਤ ਬਸ ਕੰਡਕਟਰ ਦੀ ਤਨਖ਼ਾਹ ਕਿੰਨੀ ਸੀ ?
ਉੱਤਰ – ਸੱਠ ਰੁਪਏ
ਪ੍ਰਸ਼ਨ 20 . ਜੀਤ ਦੀ ਵੱਡੀ ਭੈਣ ਕਿੱਥੇ ਪੜ੍ਹਦੀ ਸੀ ?
ਉੱਤਰ – ਜੀਤ ਦੀ ਵੱਡੀ ਭੈਣ ਲਾਹੌਰ ਪੜ੍ਹਦੀ ਸੀ।
ਪ੍ਰਸ਼ਨ 21 . ਅਮਰਜੀਤ ਕਿਹੜੀ ਪੜ੍ਹਾਈ ਕਰ ਰਹੀ ਸੀ ?
ਉੱਤਰ – ਡਾਕਟਰੀ ਦੀ
ਪ੍ਰਸ਼ਨ 22 . ਪਾਲੀ ਕੋਲ ਡਾਕਟਰੀ ਬੈਗ ਦੇਖ ਕੇ ਜੀਤ ਨੂੰ ਕਿਸ ਦੀ ਯਾਦ ਆਉਂਦੀ ਸੀ ?
ਉੱਤਰ – ਆਪਣੀ ਮਰ ਚੁੱਕੀ ਭੈਣ, ਅਮਰਜੀਤ ਦੀ।
