ਔਖੇ ਸ਼ਬਦਾਂ ਦੇ ਅਰਥ
ਸ ਨਾਲ ਸ਼ੁਰੂ ਹੋਣ ਵਾਲੇ ਸ਼ਬਦ
ਸਿਆਣਨਾ : ਪਛਾਨਣਾ, ਸਿੰਞਾਨਤਾ, ਜਾਣਨਾ
ਸਿਆਣਪ : ਸਮਝ, ਸੋਚ, ਬੁੱਧੀ, ਅਕਲਮੰਦੀ, ਦਾਨਾਈ, ਵਿਵੇਕ
ਸਿਆਣਾ : ਸਮਝਦਾਰ, ਸੁਜਾਨ, ਬੁੱਧੀਮਾਨ, ਅਕਲਮੰਦ, ਦਾਨਾ, ਵਿਵੇਕਸ਼ੀਲ
ਸਿਆਪਾ : ਔਰਤਾਂ ਦਾ ਆਪਣੀਆਂ ਛਾਤੀਆਂ ਨੂੰ ਪਿੱਟ ਕੇ ਰੋਣ ਦਾ ਇਕ ਤਰੀਕਾ, ਮੁਸ਼ਕਲ, ਬਿਪਤਾ, ਅਣਹੋਣੀ
ਸਿਆਪਾ ਖੜਾ ਕਰਨਾ : ਕੋਈ ਵੱਡੀ ਮੁਸ਼ਕਲ ਖੜੀ ਕਰ ਦੇਣੀ, ਬਿਪਦਾ ‘ਚ ਫਸਾ ਦੇਣਾ
ਸਿਆਲ : ਸਰਦੀ, ਸਰਦ-ਰੁੱਤ, ਸ਼ੀਤਕਾਲ, ਠੰਡ, ਖੱਤਰੀਆਂ ਦਾ ਇਕ ਗੋਤ੍ਰ, ਮੁਸਲਮਾਨਾਂ ਦੀ ਇਕ ਜ਼ਾਤ ਜੋ ਜ਼ਿਲ੍ਹੇ ਝੰਗ ਵਿਚ ਬਹੁਤ ਹੈ
ਸਿਆਲੀ : ਸਿਆਲ ਨੂੰ, ਸਰਦੀਆਂ ‘ਚ, ਠੰਡ ‘ਚ
ਸਿਆੜ : ਹਲ ਨਾਲ ਜ਼ਮੀਨ ਵਿਚ ਕਢਿਆ ਉਰਾ, ਉਰਾ, ਆਡ, ਲੀਹ, ਵੱਟ
ਸਿਸਕਣਾ : ਹੌਲੀ-ਹੌਲੀ ਮੂੰਹ ‘ਚ ਰੋਣਾ, ਵਿਲਕਣਾ, ਡੁਸਕਣਾ, ਬੁਸਕਣਾ, ਭੁੱਬ ਮਾਰਨਾ
ਸਿਸਕੀ : ਵਿਲਕਣੀ, ਡੁਸਕੀ, ਹੌਂਕਣਾ, ਹੱਫਣਾ
ਸਿਹਤ : ਤੰਦਰੁਸਤੀ, ਅਰੋਗਤਾ, ਦਰੁਸਤੀ, ਸਰੀਰਕ ਅਵਸਥਾ
ਸਿਹਤ ਅਫ਼ਜ਼ਾ : ਸਿਹਤ ਵਧਾਉਣ ਵਾਲਾ, ਸਿਹਤ ਲਈ ਗੁਣਕਾਰੀ
ਸਿਹਤ ਮੰਦ : ਚੰਗੀ ਸਿਹਤ ਵਾਲਾ, ਸਿਹਤਯਾਬ, ਨਰੋਆ, ਤਕੜਾ
ਸਿਹਰ : ਸਵੇਰ
ਸਿਹਰਾ : ਮਾਣ, ਇਜ਼ਤ, ਦੇਣ, ਹਾਰ, ਫੁੱਲਾਂ ਦਾ ਗਜਰਾ, ਮਾਲਾ
ਸਿਹਰਾ ਬੰਨ੍ਹਣਾ : ਲਾੜੇ ਦੇ ਸਿਰ ਤੇ ਫੁੱਲਾਂ ਦਾ ਹਾਰ ਬੰਨ੍ਹਣਾ
ਸਿਹਰਾ ਵਧਾਉਣਾ : ਸਿਹਰਾ ਲਾਹੁਣਾ, (ਸਿਰ ਤੇ ਬੰਨ੍ਹਿਆ) ਫੁੱਲਾਂ ਦਾ ਹਾਰ ਉਤਾਰਨਾ
ਸਿਹਰਾਬੰਦੀ : (ਸ਼ਾਦੀ ਵੇਲੇ ਲਾੜੇ ਦੇ ਸਿਰ ਤੋਂ) ਸਿਹਰਾ ਬੰਨ੍ਹਣ ਦੀ ਰਸਮ
ਸਿਹਾਰੀ : ਗੁਰਮੁਖੀ ਲਿਪੀ ‘ਚ ਛੋਟੀ ‘ਇ’ ਦੀ ਮਾਤ੍ਰਾ ਦਾ ਉਚਾਰਣ ਬੋਲ
ਸਿੱਕ : ਤੜਫ, ਖਿੱਚ, ਕਸ਼ਿਸ਼, ਚਾਅ
ਸਿਕਦਾਰ : ਸਿੱਕਾ ਚਲਾਉਣ ਵਾਲਾ, ਰਾਜਾ, ਪਿੰਡ ਦਾ ਮੁਖੀਆ, ਚੌਧਰੀ, ਹਾਕਮ, ਸਰਦਾਰ, ਅਧਿਕਾਰੀ
ਸਿੱਕਰੀ : ਪਪੜੀ
ਸਿਕਲ : ਪਾਲਸ਼, ਵਾਰਨਸ਼, ਧਾਤ ਤੇ ਕੀਤਾ ਜਾਂਦਾ ਲੇਪ, ਰੋਗਨ
ਸਿਕਲੀਗਰ : ਸਿਕਲ ਕਰਨ ਵਾਲਾ, ਜੰਗ ਉਤਾਰਨ ਵਾਲਾ, ਇਕ ਜਾਤੀ ਜੋ ਚਾਕੂ-ਹਥੌੜੇ ਬਣਾਉਣ ਦਾ ਕੰਮ ਕਰਦੀ ਹੈ
ਸਿੱਕੜ : ਸੱਕ, ਛਿੱਲ, ਲਪਰਾ, ਛੱਡਾ
ਸਿੱਕਾ : ਰੁਪਿਆ-ਪੈਸਾ, ਮੋਹਰ, ਚਾਲੂ ਸਿੱਕਾ, ਇਕ ਧਾਤ
ਸਿੱਕਾ ਚਲਾਉਣਾ : ਆਪਣਾ ਹੁਕਮ ਚਲਾਉਣਾ, ਵਰਤਾਰਾ, ਰਵਾਜ਼
ਸਿੱਕਾ ਜਮਾਉਣਾ : ਆਪਣੇ ਆਪ ਨੂੰ ਸਥਾਪਿਤ ਕਰਨਾ, ਕਬਜ਼ਾ ਕਰਨਾ, ਆਪਣਾ ਦਾਬਾ ਕਾਇਮ ਕਰਨਾ
ਸਿੱਕੇਬੰਦ : ਮਿਆਰ, ਮਿਆਰੀ, ਟਕਸਾਲੀ, ਟਿਕਾਉ
ਸਿੱਖ : ਸ਼ਿਸ਼, ਚੇਲਾ, ਵਿਦਿਆਰਥੀ, ਮੁਰੀਦ, ਸਿੱਖਣ ਲਾਇਕ, ਸਿੱਖ ਧਰਮ ਨੂੰ ਮੰਨਣ ਵਾਲਾ, ਸਿੱਖ ਧਰਮ ਦਾ ਪੈਰੋਕਾਰ, ਦਾੜ੍ਹੀ-ਮੁੱਛਾਂ-ਪੱਗ ਦਾ ਧਾਰਨੀ, ਸਿੱਖਾਂ ਦੇ ਘਰ ਪੈਦਾ ਹੋਇਆ
ਸਿੱਖ ਧਰਮ : ਸਿੱਖ ਮੱਤ, ਸਿੱਖ ਸੰਪ੍ਰਦਾਇ, ਗੁਰੂ ਨਾਨਕ ਤੇ ਉਹਨਾਂ ਦੇ ਉਤਰਾਧਿਕਾਰੀਆਂ ਵਲੋਂ ਚਲਾਇਆ ਧਰਮ
ਸਿੱਖਣਾ : ਸਿੱਖਣ ਲਈ ਤਿਆਰ ਹੋਣਾ, ਗ੍ਰਹਿਣ ਕਰਨਾ, ਤਜਰਬਾ ਲੈਣਾ, ਮੱਤ ਗ੍ਰਹਿਣ ਕਰਨਾ, ਅਪਨਾਉਣਾ
