ਸਰੰਚਨਾ, ਸਰੰਗੀ, ਸਰਬੰਸ, ਸਰੋਹੀ ਆਦਿ
ਔਖੇ ਸ਼ਬਦਾਂ ਦੇ ਅਰਥ
ਸਰਗਰਮ : ਚਾਲੂ, ਚੁਸਤ, ਉੱਦਮੀ, ਤਿਆਰ-ਬਰ-ਤਿਆਰ, ਅਸਰ ਵਾਲਾ, ਤੇਜ਼-ਤਰਾਰ
ਸਰਗਰਮੀਆਂ : ਰੁਝੇਵੇਂ, ਕਾਰਵਾਈਆਂ, ਕੰਮ-ਕਾਜ
ਸਰੰਗੀ : ਇਕ ਪ੍ਰਸਿੱਧ ਤੰਤੀ ਸਾਜ਼
ਸਰਗੁਣ : ਗੁਣ ਸਹਿਤ, ਗੁਣਾਂ ਵਾਲਾ, ‘ਆਕਾਰ ਰੂਪ, ਪਰਮਾਤਮਾ ਦਾ ਸਾਕਾਰ ਰੂਪ
ਸਰਘੀ : ਤੜਕਾ, ਅੰਮ੍ਰਿਤ ਵੇਲਾ, ਸਵੇਰਦੇ 4-5 ਵਜੇ ਦਾ ਵਕਤ
ਸੰਰਚਨਾ : ਰਚਨਾ, ਬਨਾਵਟ, ਢੰਗ, ਬਣਤਰ, ਬਣਤ, ਢਾਂਚਾ
ਸਰੰਚਨਾ ਵਾਦ : ਸੰਰਚਨਾ ਤੇ ਰਚਨਾ-ਬੁਣਤੀ ਨੂੰ ਆਧਾਰ ਬਣਾ ਕੇ ਕੀਤਾ ਗਿਆ ਪਾਠ-ਵਿਸ਼ਲੇਸ਼ਣ
ਸਰਜ਼ਮੀਨ : ਜ਼ਮੀਨ, ਖੇਤਰ, ਇਲਾਕਾ
ਸਰੰਜਾਮ : ਪੂਰਣ, ਸੁਚੱਜਾ, ਸੁਘੜ, ਗੁਣਵਾਨ, ਸਾਧਣਾ
ਸਰਤਾਜ : ਮੁਖੀ, ਮਾਹਰ, ਆਗੂ, ਪਤੀ
ਸਰਦ : ਠੰਡਾ, ਕੋਰਾ, ਪਾਲਾ
ਸਰਦਲ : ਚੌਖਟ ਦੇ ਥੱਲੇ ਦੀ ਲੱਕੜ, ਬਰੂਹ, ਦਰਵਾਣੀ, ਮੁਹਾਠ
ਸਰਦਾ : ਸਰ ਜਾਣ ਦਾ ਭਾਵ, ਕਾਫ਼ੀ, ਬਥੇਰਾ, ਗੁਜ਼ਾਰੇ ਲਾਇਕ
ਸਰੰਦਾ : ਇਕ ਤੰਤੀ ਸਾਜ਼
ਸਰਦਾਈ : ਠੰਡਕ, ਸੀਤਲਤਾ, (ਬਦਾਮ, ਲਾਚੀ, ਕਾਲੀ ਮਿਰਚ ਤੇ ਮਿਸਰੀ ਘੋਟ ਕੇ ਪਾਣੀ ਵਿਚ ਰਲਾ ਕੇ ਬਣਾਇਆ ਇਕ ਪੇਅ ਪਦਾਰਥ) ਘੋਟੀ ਹੋਈ ਭੰਗ
ਸਰਦਾਰ : ਮੁਖੀ, ਆਗੂ, ਸਿੱਖ
ਸਰਦਾਰੀ : ਆਰੂਪੁਣਾ, ਨੇਤਾਗਿਰੀ, ਰੋਹਬ, ਅਹੁਦਾ, ਸਿੱਖੀ
ਸਰਦੀ : ਠੰਡ, ਪਾਲਾ, ਕੋਰਾ, ਕੱਕਰ, ਠੰਡਕ
ਸਰਨ : ਸ਼ਰਣ, ਓਟ, ਆਸਰਾ, ਪਨਾਹ, ਇਕ ਰੋਗ
ਸਰਨਾਵਾਂ : ਨਾਮ, ਪਤਾ, ਜਾਣਕਾਰੀ
ਸਰਪ : ਸੱਪ, ਸਾਂਪ
ਸਰਪੰਚ : ਮੁਖੀਆ, ਪਿੰਡ ਦੀ ਪੰਚਾਇਤ ਦਾ ਮੁਖੀਆ
ਸਰਪੰਚੀ : ਸਰਪੰਚ ਦਾ ਕਾਰਜ, ਸਰਪੰਚ ਦਾ ਅਹੁਦਾ
ਸਰਪਟ : ਪੂਰੀ ਸਪੀਡ ਤੇ, ਤੇਜ਼
ਸਰਪ੍ਰਸਤ : ਰਾਖਾ, ਰਖਵਾਲਾ, ਸਹਾਇਕ, ਖਸਮ, ਰਖਿਅਕ
ਸਰਪ੍ਰਸਤੀ : ਦੇਖ-ਰੇਖ, ਨਿਗਰਾਨੀ
ਸਰਫਾ : ਖਰਚਾ, ਖਰਚ, ਕਪੜੇ ਧੋਣ ਦਾ ਦਾਣੇਦਾਰ ਸਾਬਣ
ਸਰਫ਼ਾ : ਬਚਤ, ਕਿਰਸ, ਸੰਜਮ, ਕੰਜੂਸੀ
ਸਰਫ਼ਾ ਕਰਨਾ : ਬਚਤ ਕਰਨੀ, ਸੰਜਮ ਵਰਤਣਾ (ਖਰਚੇ ‘ਚ)
ਸਰਬ : ਸਭ ਸਾਰਾ, ਸੰਪੂਰਣ, ਸਮੁੱਚਾ
ਸਰਬ ਉੱਚ : ਸਭ ਤੋਂ ਉੱਚਾ
ਸਰਬ ਸਧਾਰਨ : ਆਮ ਆਦਮੀ, ਸਰਬਵਰਤੀ
ਸਰਬ ਸਮਰੱਥ : ਸਭ ਤੋਂ ਵੱਧ ਸ਼ਕਤੀਸ਼ਾਲੀ, ਸਰਬ ਸ਼ਕਤੀਸ਼ਾਲੀ
ਸਰਬ ਸਾਂਝਾ : ਸਭ ਲਈ, ਸਭ ਵਾਸਤੇ
ਸਰਬ ਕਲਾ ਸਮਰੱਥ : ਹਰ ਤਰ੍ਹਾਂ ਨਾਲ ਸਮਰੱਥ, ਸਭ ਕਲਾਵਾਂ ਅਤੇ ਵਿਦਿਆਵਾਂ ਦਾ ਮਾਹਿਰ
ਸਰਬ ਕਾਲੀ : ਸਭ ਕਾਲਾਂ ‘ਚ, ਹਮੇਸ਼ਾ, ਨਿੱਤ
ਸਰਬਨਾਸ਼ : ਪੂਰੀ ਤਰ੍ਹਾਂ ਤਬਾਹੀ, ਸਤਿਆਨਾਸ
ਸਰਬ ਪੱਖੀ : ਸਭ ਪੱਖਾਂ ਤੋਂ, ਹਰ ਤਰਫ਼ ਤੋਂ
ਸਰਬ ਲੋਹ : ਸ਼ੁੱਧ ਲੋਹੇ ਦਾ, ਪੱਕੇ ਲੋਹੇ ਦਾ
ਸਰਬ ਵਿਆਪਕ : ਹਰ ਜਗ੍ਹਾ ਮੌਜੂਦ
ਸਰਬੰਸ : ਸਾਰਾ ਪਰਿਵਾਰ, ਸਾਰਾ ਬੰਸ
ਸਰਬੰਸ ਦਾਨੀ : ਜਿਹੜਾ ਸਾਰੇ ਪਰਿਵਾਰ ਨੂੰ ਕਿਸੇ ਸਿਧਾਂਤ ਜਾਂ ਸੱਚ ਦੀ ਖਾਤਰ ਕੁਰਬਾਨ ਕਰ ਦਏ, ਗੁਰੂ ਗੋਬਿੰਦ ਸਿੰਘ ਮਹਾਰਾਜ ਲਈ ਵਰਤੀਦਾਂ ਇਕ ਵਿਸ਼ੇਸ਼ਣ
ਸਰਬੱਗ : ਸਰਬ ਗਿਆਤਾ, ਤ੍ਰਿਕਾਲ-ਦਰਸ਼ੀ
ਸਰਬੰਗ : ਸਰਬਭਾਵੀ, ਸਭ ਕਾਰਜਾਂ ਤੇ ਉਦੇਸ਼ਾਂ ਲਈ
ਸਰਬੱਤ : ਸਭ, ਸਭਸ ਦਾ ਸਮੁੱਚਾ, ਕੁਲ ਸੰਸਾਰ ਦਾ
ਸਰਬੱਤ ਦਾ ਭਲਾ : ਸਭ ਦਾ ਭਲਾ, ਸਭ ਜੀਵਾਂ ਦਾ ਭਲਾ
ਸਰਬੱਤ ਖਾਲਸਾ : ਸਾਰਾ ਖਾਲਸਾ ਸਮਾਜ, ਸਿੱਖ ਸਮਾਜ, ਸਿੰਘਾਂ ਦਾ ਇਕੱਠ
ਸਰਬਤ੍ਰ : ਹਰ ਜਗ੍ਹਾ, ਸਭ ਜਗ੍ਹਾ
ਸਰਬਰਾਹ : ਨੇਤਾ, ਮੁਖੀ, ਆਗੂ, ਰਹਿਬਰ, ਪ੍ਰਬੰਧਕ, ਪ੍ਰਤੀਨਿਧ
ਸਰਬਾਲ੍ਹਾ : ਦੁਲਹੇ ਦਾ ਸਹਾਇਕ ਤੇ ਸਾਥੀ (ਬੱਚਾ)
ਸਰਮਾਇਆ : ਪੂੰਜੀ, ਨਿਵੇਸ਼, ਮੂਲਧਨ, ਪੈਸਾ, ਜਾਇਦਾਦ
ਸਰਮਾਏਦਾਰ : ਪੂੰਜੀਪਤੀ, ਨਿਵੇਸ਼ਕਾਰ, ਅਮੀਰ, ਕਾਰਖ਼ਾਨੇਦਾਰ, ਸਨਅਤਕਾਰ
ਸਰਮਾਏਦਾਰੀ : ਸਰਮਾਇਆ ਜਾਂ ਪੂੰਜੀ ਹੋਣ ਦਾ ਭਾਵ, ਅਮੀਰੀ
ਸਰਮਾਏਦਾਰੀ-ਨਿਜ਼ਾਮ : ਪੂੰਜੀਵਾਦੀ ਅਰਥ-ਪ੍ਰਬੰਧ
ਸਰਲ : ਆਸਾਨ, ਸੌਖਾ, ਸਿੱਧਾ, ਸਾਫ਼
ਸਰਲੀਕਰਨ : ਸਰਲ ਬਣਾਉਣ ਦਾ ਭਾਵ, ਸਾਦਾ ਬਣਾਉਣ
ਸਰਵਾਹੀ : ਤਲਵਾਰ, ਖੜਗ, ਕਿਰਪਾਨ
ਸਰਵਾੜ੍ਹ : ਸਰਕੰਡਾ, ਕੰਡੀਲਾ ਘਾਹ, ਬੂਝਾ
ਸਰਵੇਖਣ : ਮੁਤਾਲਿਆ, ਨਜ਼ਰ ਮਾਰਨੀ, ਪਰੀਖਣ, ਜੋਖਣਾ, ਕੱਛਣਾ, ਗਰਦਾਵਰੀ, ਦੇਖ-ਭਾਲ
ਸਰ੍ਹੋਂ : ਇਕ ਤੇਲ ਬੀਜ ਫ਼ਸਲ
ਸਰਾਂ : ਠਹਿਰਨ ਦੀ ਜਗ੍ਹਾ, ਧਰਮਸ਼ਾਲਾ, ਰਿਹਾਇਸ਼, ਰੰਗ ਦਾ ਪੱਤਾ, ਤਾਸ਼ ਦੇ ਮਿਲਦੇ ਪੱਤੇ
ਸਰਾਸਰ : ਪੂਰੀ ਤਰ੍ਹਾਂ, ਮੁਕੰਮਲ, ਪੂਰਾ, ਬਿਲਕੁਲ
ਸਰਾਧ : ਮ੍ਰਿਤਕ ਪ੍ਰਾਣੀਆਂ ਨਮਿੱਤ ਬ੍ਰਾਹਮਣਾਂ ਜਾਂ ਲੋੜਵੰਦਾਂ ਨੂੰ ਖਵਾਇਆ ਗਿਆ ਭੋਜਨ, ਭਾਰਤੀ ਪਰੰਪਰਾ ਦਾ ਇਕ ਧਾਰਮਿਕ ਅੰਧਵਿਸ਼ਵਾਸ
ਸਰਾਪ : ਬਦ-ਅਸੀਸ, ਦੁਖੀ ਹੋ ਕੇ ਕਿਸੇ ਨੂੰ ਬੋਲਿਆ ਮਾੜਾ ਬਚਨ, ਬਦ-ਦੁਆ, ਫ਼ਿਟਕਾਰ, ਲਾਹਨਤ, ਕਿਸੇ ਸਿੱਧ ਪੁਰਸ਼ ਦੇ ਮੂੰਹੋਂ ਕਿਸੇ ਪ੍ਰਤੀ ਨਿਕਲਿਆ ਪੁੱਠਾ ਬਚਨ
ਸਰਾਪਿਆ : ਸਰਾਪ ਵਿਚ, ਸਰਾਪ ਭੋਗਦਾ, ਦੁਖੀ, ਬਦਨਸੀਬ
ਸਰਾਫ਼ : ਸੁਨਿਆਰ, ਸੁਨਾਰ
ਸਰਾਲ : ਅਜਗਰ, (ਸੱਪ), ਸ਼ੇਸ਼ਨਾਗ
ਸਰਾਲਾ : ਇਕ ਲੰਬੀ ਘਾਹ
ਸਰਾਲੀ : ਇਕ ਬੂਟਾ
ਸਰੀਆ : ਲੋਹੇ ਦਾ ਡੰਡਾ, ਲੋਹੇ ਦੀ ਛੜੀ
ਸਰੀਖਾ : ਸਾਰਖਾ
ਸਰੀਰ : ਦੇਹ, ਤਨ, ਦੇਹੀ, ਕਾਇਆ, ਬਦਨ, ਜੁੱਸਾ, ਪਿੰਡਾ, ਜਿਸਮ
ਸਰੀਰ ਛੱਡਣਾ : ਮੌਤ ਹੋ ਜਾਣੀ
ਸਰੀਰਕ : ਸਰੀਰ ਸੰਬੰਧੀ, ਸਰੀਰ ਦਾ, ਸਥੂਲ, ਦੇਹਧਾਰੀ
ਸਰੂ : ਕੋਲੋਂ, ਫਰਵਾਹ, ਸਰੂ ਦਾ ਦਰਖ਼ਤ
ਸਰੂਪ : ਆਕਾਰ, ਬਣਤ, ਰਚਨਾ, ਸ਼ਕਲ, ਸੂਰਤ, ਰੂਪ, ਡੀਲ-ਡੌਲ
ਸਰੂਰ : ਅਨੰਦ, ਖੁਸ਼ੀ, ਨਸ਼ਾ, ਖੁਮਾਰੀ, ਮਸਤੀ
ਸਰੇਸ਼ : ਚੀਪ, ਗੂੰਦ, ਲੱਕੜ ਜੋੜਨ ਵਾਲਾ ਲੇਸਦਾਰ ਪਦਾਰਥ
ਸਰੋਵੜਾ : ਜੈਨ ਸਾਧੂ, ਜੈਨੀ, ਇੱਕ ਪੰਖੀ
ਸਰੋਆ : ਹਵਨ ਸਮੇਂ ਘਿਉ ਪਾਉਣ ਵਾਲਾ ਚਮਚਾ
ਸਰੋਹੀ : ਇਕ ਕਿਸਮ ਦੀ ਤਲਵਾਰ
ਸਰੋਕਾਰ : ਸੰਬੰਧ, ਰਿਸ਼ਤਾ, ਵਪਾਰਕ ਸੰਬੰਧ
ਸਰੋਜ : ਕੰਵਲ ਫੁੱਲ, ਕਉਲ
ਸਰੋਦ : ਇਕ ਤੰਤੀ ਸਾਜ਼
ਸਰੋਦੀ : ਸੰਗੀਤਕ, ਸੁਰੀਲੀ, ਕਾਵਿਮਈ
ਸਰੋਪਾ : ਸਤਿਕਾਰ ਵਜੋਂ ਦਿੱਤਾ ਗਿਆ ਇਕ ਲੰਮਾ ਕਪੜਾ, ਸਿਰੋਪਾਉ
