ਔਖੇ ਸ਼ਬਦਾਂ ਦੇ ਅਰਥ
ਸ ਨਾਲ ਸ਼ੁਰੂ ਹੋਣ ਵਾਲੇ ਸ਼ਬਦ
ਸੰਤੁਲਨ : ਪੂਰਾ ਤੋਲ, ਬਰਾਬਰ, ਸਾਵਾਂਪਨ, ਸਮਤੋਲ, ਟਿਕਾਉ, ਅਡੋਲਤਾ
ਸਤੂਤ : ਤੂਤ ਦੀ ਜਾਤ ਦਾ ਇਕ ਫਲ ਜਿਹੜਾ ਖੱਟਾ-ਮਿੱਠਾ ਹੁੰਦਾ ਹੈ
ਸਤੂਨ : ਥੰਮ੍ਹ, ਥੰਭਾ, ਥਮਲਾ
ਸਤੂਪ : ਕੇਸਾਂ ਦਾ ਜੂੜਾ, ਮੰਦਰ ਦਾ ਕਲਸ, ਮੁਨਾਰਾ, ਥੰਮ੍ਹ
ਸੰਤੂਰ : ਇਕ ਤੰਤੀ ਸਾਜ਼
ਸੰਤੋਖ : ਸਬਰ, ਧੀਰਜ, ਠਰੰਮਾ, ਟਿਕਾਅ, ਪ੍ਰਸੰਨਤਾ, ਤ੍ਰਿਪਤੀ, ਰਜੇਵਾਂ
ਸੰਤੋਖਜਨਕ : ਤਸੱਲੀ ਪੂਰਣ, ਪ੍ਰਸੰਨ, ਢੁਕਵਾਂ
ਸੰਤੋਖਣਾ : ਪ੍ਰਸੰਨ ਕਰਨਾ, ਕਿਸੇ ਆਦਰਯੋਗ ਪੁਸਤਕ ਨੂੰ ਬੰਦ ਕਰਕੇ ਲਪੇਟ ਦੇ ਰਖਣਾ, ਗੁਰੂ ਗ੍ਰੰਥ ਸਾਹਿਬ ਜੀ ਮਹਾਰਾਜ ਦਾ ਸੁਖ ਆਸਨ ਕਰਨਾ
ਸੰਤੋਖੀ : ਧੀਰਜਵਾਨ, ਸੰਤੁਸ਼ਟ, ਰੱਜਿਆ, ਖੁਸ਼, ਪ੍ਰਸੰਨ, ਸ਼ਾਂਤ
ਸਤੋਗੁਣ : ਮਾਇਆ ਦੇ ਤਿੰਨ ਗੁਣਾਂ ‘ਚੋਂ ਪਹਿਲਾ ਜਿਸ ਵਿਚ ਸ਼ਾਂਤੀ, ਧੀਰਜ, ਸੱਚ, ਅਹਿੰਸਾ ਦੀ ਪ੍ਰਧਾਨਤਾ ਹੁੰਦੀ ਹੈ, ਸੱਚਾਈ ਦਾ ਗੁਣ
ਸਤੋਗੁਣੀ : ਸੱਚਾ ਮਨੁੱਖ, ਸੱਤਵਾਦੀ, ਧੀਰਜਵਾਨ, ਸ਼ਾਂਤ
ਸਤੋਤਰ : ਪ੍ਰਸੰਸਾ, ਉਸਤਤ, ਉਸਤਤ- ਗੀਤ, ਪ੍ਰਾਰਥਨਾ, ਪ੍ਰਾਰਥਨਾ-ਗੀਤ
ਸੱਥ : ਸਾਥ, ਲੋਕਾਂ ਦੇ ਮਿਲ ਕੇ ਬੈਠਣ ਦੀ ਥਾਂ, ਪੰਚਾਇਤ ਦੀ ਜਗ੍ਹਾ, ਸਭਾ, ਮਜਲਿਸ
ਸਥਗਿਤ : ਰੋਕ ਦੇਣ ਦਾ ਭਾਵ, ਰੋਕਣਾ, ਮੁਕਾਉਣਾ, ਠਹਿਰਾਉਣਾ
ਸੱਥਰ : ਜ਼ਮੀਨ ਤੇ ਲੇਟਣਾ, ਭੂਮਾਸਨ, ਕੱਖ, ਤੀਲਾ, ਪਰਾਲੀ, ਕੋਈ ਨਗੂਣੀ ਵਸਤ
ਸੱਥਰਾ : ਛੈਣੀ, ਨੈਹਾਂ, ਨਹਾਂ
ਸਥਲ : ਥਲ, ਜਗ੍ਹਾ, ਥਾਂ, ਮਾਰੂਥਲ
ਸੰਥਾ : ਸੰਥਿਆ, ਪਾਠ, ਟਿਕਾਅ, ਠਹਿਰਨਾ, ਮਾਰਨਾ
ਸਥਾਈ : ਇਸਥਤ ਹੋਣ ਵਾਲਾ, ਠਹਿਰਨ ਵਾਲਾ, ਕਾਇਮ, ਅਚਲ ਪਦ
ਸਥਾਨ : ਥਾਂ, ਅਸਥਾਨ, ਜਗ੍ਹਾ, ਟਿਕਾਣਾ, ਘਰ, ਡੇਰਾ
ਸਥਾਨੰਤਰਨ : ਥਾਂ ਬਦਲਣਾ, ਅਦਲਾ-ਬਦਲੀ
ਸਥਾਨਕ : ਮੁਕਾਮੀ, ਆਮ
ਸਥਾਪਨਾ : ਥਾਪਣਾ, ਅਸਥਾਪਣਾ, ਸਥਾਪਤੀ, ਪ੍ਰਕਾਸ਼, ਗੱਦੀ-ਨਸ਼ੀਨੀ
ਸੰਥਿਆ : ਪਾਠ, ਸੰਥਾ
ਸਥਿਤ : ਠਹਿਰਿਆ, ਬਣਿਆ, ਉਸਰਿਆ, ਗੱਡਿਆ
ਸਥਿਤੀ : ਥਹੁ, ਪਤਾ, ਠਿਕਾਣਾ, ਹਾਲਤ, ਪਦਵੀ, ਮੌਕਾ
ਸਥਿਰ : ਥਿਰ, ਕਾਇਮ, ਟਿਕਿਆ, ਇਕਾਗਰ, ਅਡੋਲ
ਸਥੂਲ : ਪਦਾਰਥਕ, ਮਾਇਕ, ਮਾਦਾ, ਸਰੀਰਕ, ਮਸਾਲਾ, ਸਮੱਗਰੀ, ਵੱਡਾ, ਭਾਰੀ
ਸਦ : ਅੱਛਾਈ, ਚੰਗਿਆਈ, ਇਕ ਲੋਕ-ਕਾਵਿ ਰੂਪ, ਇਕ ਸੰਗੀਤ ਰੂਪ, ਸੱਦਣ ਤੋਂ ਭਾਵ, ਬੁਲਾਉਣਾ
ਸੰਦ : ਔਜ਼ਾਰ, ਹਥਿਆਰ
ਸਦਕਾ : ਕੁਰਬਾਨੀ, ਬਲੀਦਾਨ, ਕੁਰਬਾਨ, ਨਿਛਾਵਰ, ਕਾਰਣ, ਸਬੱਬ,
ਸਦਕੇ ਜਾਵਾਂ : ਕੁਰਬਾਨ ਜਾਵਾਂ, ਘੋਲੀ ਜਾਵਾਂ
ਸਦਗਤੀ : ਮੁਕਤੀ, ਛੁਟਕਾਰਾ, ਖਲਾਸੀ, ਆਜ਼ਾਦੀ, ਮੋਕਸ਼ ਪ੍ਰਾਪਤੀ
ਸਦਣਾ : ਬੁਲਾਉਣਾ ਪੁਕਾਰਨਾ, ਆਵਾਜ਼ ਮਾਰਨਾ, ਨਿਮੰਤ੍ਰਿਤ ਕਰਨਾ
ਸਦਭਾਵਨਾ : ਚੰਗੀ ਭਾਵਨਾ, ਨੇਕ ਭਾਵਨਾ, ਸ਼ੁਭ-ਇੱਛਾ, ਨੇਕ ਦਿਲੀ
ਸਦਮਾ : ਧੱਕਾ, ਦੁੱਖ, ਝਟਕਾ, ਚੋਟ
ਸਦਰ : ਪ੍ਰਧਾਨ, ਸਭਾਪਤੀ, ਅਧਿਅਕਸ਼
ਸੰਦਰਭ : ਪ੍ਰਕਰਣ, ਪ੍ਰਸੰਗ, ਹਵਾਲਾ
ਸੰਦਲ : ਚੰਦਨ, ਸੁਗੰਧੀ ਭਰਪੂਰ, ਚੰਨਣ
