ਔਖੇ ਸ਼ਬਦਾਂ ਦੇ ਅਰਥ
ਅ ਨਾਲ ਸ਼ੁਰੂ ਹੋਣ ਵਾਲੇ ਸ਼ਬਦ
ਅਪੁੱਤਾ : ਬੱਚੇ ਤੋਂ ਰਹਿਤ, ਸੰਤਾਨਹੀਣ, ਨਿਪੁੱਤਾ
ਅਪੂਰਨ : ਜੋ ਪੂਰਨ ਨਾ ਹੋਵੇ, ਅਧੂਰਾ, ਨਾ-ਮੁਕੰਮਲ
ਅਪੂਰਬ, ਅਪੂਰਣ : ਜੋ ਪੂਰਣ (ਪਹਿਲਾਂ) ਨਹੀਂ ਹੋਇਆ, ਅਨੋਖਾ, ਅਦਭੁਤ, ਵਿਲੱਖਣ, ਬੇਮਿਸਾਲ
ਅਪੂਰਣਤਾ : ਨਿਰਾਲਾਪਨ, ਅਨੋਖਾਪਨ, ਵਿਲੱਖਣਤਾ
ਅਫ਼ਸਰ : ਅਧਿਕਾਰੀ, ਮਾਲਕ, ਮੁਖੀ
ਅਫ਼ਸਾਨਾ : ਨਿੱਕੀ ਕਹਾਣੀ, ਕਹਾਣੀ, ਕਿੱਸਾ
ਅਫ਼ਸਾਨਾ-ਨਗਾਰ : ਨਿੱਕੀ ਕਹਾਣੀ ਦਾ ਲੇਖਕ, ਕਹਾਣੀਕਾਰ, ਕਿੱਸਾਕਾਰ
ਅਫ਼ਸੋਸ : ਦੁੱਖ, ਪਛਤਾਵਾ, ਸੋਗ
ਅਫ਼ਸੋਸ ਕਰਨਾ : ਦੁੱਖ ਪ੍ਰਗਟ ਕਰਨਾ, ਹਮਦਰਦੀ ਜਤਾਉਣਾ, ਸੋਗ ਮਨਾਉਣਾ
ਅਫ਼ਸੋਸਨਾਕ : ਦੁੱਖਦਾਇਕ, ਸੋਗ-ਪੂਰਣ, ਮਾੜੀ, ਸ਼ਰਮਨਾਕ
ਅਫਰੀਕਾ : ਇਕ ਦੇਸ਼, ਇਕ ਮਹਾਂਦੀਪ
ਅਫਰੇਵਾਂ : ਹੰਕਾਰ, ਘੁਮੰਡ, ਫੁੱਲਣਾ, ਆਫਰਨਾ
ਅਫਲਾਤੂਨ : ਪੱਛਮ ਦਾ ਇਕ ਪ੍ਰਸਿੱਧ ਦਾਰਸ਼ਨਿਕ ਤੇ ਮਹਾਤਮਾ, ਪਲੈਟੋ, ਬਹੁਤ ਵਿਦਵਾਨ, ਚਲਾਕ ਮਨੁੱਖ
ਅਫਵਾਹ : ਝੂਠੀ ਖ਼ਬਰ, ਦੰਦ ਕਥਾ, ਕਿੰਵਦੰਦੀ
ਅਫ਼ਾਤ : ਮੁਸੀਬਤ, ਮੁਸ਼ਕਲ
ਅਫਾਰਾ : ਅਫਰੇਵਾਂ, ਫੁੱਲਣ ਦਾ ਭਾਵ
ਅਫਿਰਕੂ : ਜੋ ਫਿਰਕੂ ਨਾ ਹੋਵੇ, ਅਸੰਪ੍ਰਦਾਇਕ, ਉਦਾਰ, ਨਰਮ-ਖਿਆਲੀਆ, ਧਾਰਮਿਕ, ਅਧਿਆਤਮਕ
ਅਫੀਮ : ਫੀਮ, ਪੋਸਤ ਦੇ ਡੋਡਿਆਂ ਦਾ ਦੁੱਧ ਕੱਢ ਕੇ ਜਮਾਇਆ ਹੋਇਆ ਇਕ ਪਦਾਰਥ ਜੋ ਨਸ਼ੀਲਾ ਅਤੇ ਜ਼ਹਿਰੀਲਾ ਹੁੰਦਾ ਹੈ
ਅਫੀਮਚੀ : ਅਫੀਮ ਛਕਣ ਵਾਲਾ, ਨਸ਼ਈ
ਅਫੁਰ : ਫੁਰਨੇ ਤੋਂ ਰਹਿਤ, ਸੰਕਲਪਹੀਣ, ਵਿਚਾਰ ਸ਼ੂਨਯ, ਸੁੰਨ
ਅੰਬ : ਇਕ ਪ੍ਰਚਲਿਤ ਮਿੱਠਾ ਫਲ
ਅਬਚਲ : ਜੋ ਵਿਚਲਿਤ ਨਾ ਹੋਵੇ, ਕਾਇਮ, ਥਿਰ, ਦ੍ਰਿੜ
ਅਬਚਲ-ਨਗਰ : ਦੱਖਣ ਵਿਚ (ਨਾਂਦੇੜ ਵਿਖੇ) ਇਕ ਪ੍ਰਸਿੱਧ ਸਿੱਖ ਤੀਰਥ, ਹਜ਼ੂਰ ਸਾਹਿਬ
ਅਬਦਲ : ਜੋ ਬਦਲਿਆ ਨਾ ਜਾ ਸਕੇ, ਬਦਲਾਅ, ਇਕਰੂਪ, ਥਿਰ
ਅੰਬਰ : ਆਕਾਸ਼, ਅਸਮਾਨ, ਬਸਤਰ, ਪੀਲੇ ਰੰਗ ਵਰਗਾ ਰੰਗ
ਅਬਰਕ : ਇਕ ਧਾਤ ਦਾ ਨਾਉਂ, ਅਭਰਕ, ਇਕ ਚਮਕੀਲਾ ਪਦਾਰਥ ਜੋ ਖਾਨ ‘ਚੋਂ ਮਿਲਦਾ ਹੈ।
ਅੰਬਰੀ : ਅੰਬਰ ਨਾਲ ਸੰਬੰਧਿਤ, ਸਜਾਵਟੀ, ਮਾਰੂ ਜ਼ਮੀਨ, ਹਲਕਾ ਨੀਲਾ ਰੰਗ
ਅਬਲਾ : ਕਮਜ਼ੋਰ, ਸ਼ਕਤੀਹੀਣ, ਔਰਤ, ਕਮਜ਼ੋਰ ਇਸਤ੍ਰੀ
ਅੱਬਾ : ਪਿਉ, ਬਾਪ, ਪਿਤਾ
ਅੰਬਾ : ਮਾਤਾ, ਮਾਂ, ਦੁਰਗਾ ਦੇਵੀ
ਅਬਾਦ : ਬਿਨਾਂ ਵਾਦ, ਨਿਰਵਿਵਾਦ, ਅਬਾਦੀ ਵਾਲਾ, ਸੰਘਣੀ ਵਸੋਂ ਦਾ ਇਲਾਕਾ
ਅਬਾਦਤ : ਇਬਾਦਤ
ਅਬਾਦੀ : ਜਨਸੰਖਿਆ, ਵਸੋਂ, ਬਸਤੀ
ਅਬਿਨਾਸੀ : ਜੋ ਕਦੇ ਬਿਨਸੇ ਨਾ, ਥਿਰ, ਨਿੱਤ ਕਾਇਮ, ਸਦ-ਜੀਵੰਤ, ਪਰਮਾਤਮਾ
ਅੰਬੀ : ਛੋਟਾ ਤੇ ਕੱਚਾ ਅੰਬ, ਮਾਤਾ, ਮਾਂ, ਉੱਤਮ ਇਸਤ੍ਰੀ
ਅਬੁੱਝ : ਜੋ ਬੁਝੇ ਨਾ, ਬੁਝਣ ਰਹਿਤ, ਹਮੇਸ਼ਾ ਕਾਇਮ, ਸਦਰੌਸ਼ਨ
