ਔਖੇ ਸ਼ਬਦਾਂ ਦੇ ਅਰਥ
ਅ ਨਾਲ ਸ਼ੁਰੂ ਹੋਣ ਵਾਲੇ ਸ਼ਬਦ
ਅਚਾਰ : ਆਚਾਰ, (ਲੂਣ ਮਿਰਚ, ਰਾਈ, ਤੇਲ, ਸਿਰਕਾ, ਮਿੱਠੇ ਆਦਿ ਪਦਾਰਥਾਂ ਨਾਲ ਫਲ ਸਬਜ਼ੀ ਮਿਲਾ ਕੇ ਤਿਆਰ ਕੀਤਾ ਇਕ ਪਦਾਰਥ) ਆਚਾਰ, ਰਹਿਣੀ-ਬਹਿਣੀ
ਅਚਾਰੀਆ : ਬ੍ਰਾਹਮਣ, ਗੁਰੂ, ਸਿਖਿਅਕ, ਅਧਿਆਪਕ
ਅਚਿੰਤ : ਚਿੰਤਾ ਰਹਿਤ, ਬੇਫਿਕਰ, ਬੇਪਰਵਾਹ
ਅਚੁਕ : ਨਾ ਚੁਕਣ ਵਾਲਾ, ਨਿਸ਼ਚਿਤ, ਯਕੀਨਨ, ਨਿਸ਼ਾਨੇ ਤੇ
ਅਚੇਤ : ਚੇਤਨਾ ਤੋਂ ਰਹਿਤ, ਅਚਾਨਕ, ਆਪਣੇ-ਆਪ, ਮੂਰਛਤ, ਬੇਹੋਸ਼
ਅਚੇਤਨ : ਚੇਤਨਾ ਰਹਿਤ, ਮੂਰਛਤ,
ਅੱਛਰਾ : ਅਪਸਰਾ, ਦੇਵਲੋਕ ਦੀ ਇਸਤ੍ਰੀ, ਹੂਰ ਪਰੀ
ਅੱਛਾ : ਚੰਗਾ, ਖਰਾ, ਨੇਕ, ਦਰੁਸਤ, ਠੀਕ
ਅੱਛਾ ਹੋ ਜਾਣਾ : ਤੰਦਰੁਸਤ ਹੋ ਜਾਣਾ, ਠੀਕ ਹੋ ਜਾਣਾ
ਅੱਛਾ ਲੱਗਣਾ : ਚੰਗਾ ਲੱਗਣਾ, ਖਰਾ ਲੱਗਣਾ।
ਅੱਛਾਈ : ਚੰਗਿਆਈ, ਖਰਾਪਨ, ਨੇਕੀਅਤ, ਪਵਿੱਤਰਤਾ
ਅਛੂਤ : ਨਾ ਛੂਹਣ ਜੋਗ, ਨੀਚ, ਇਕ ਨੀਵੀਂ ਸਮਝੀ ਜਾਂਦੀ ਜਾਤ
ਅਛੂਤਾ : ਨਾ ਛੂਹਿਆ ਹੋਇਆ, ਪਵਿੱਤਰ,
ਅਛੇਦ : ਛੇਦ ਬਿਨਾਂ, ਜਿਸ ਵਿਚ ਛੇਕ ਨਾ ਕੀਤੀ ਹੋਵੇ ਜਾਂ ਨਾ ਕੀਤਾ ਜਾ ਸਕੇ, ਅਰੀਮ, ਅਪਹੁੰਚ
ਅਛੋਹ : ਛੁਹ ਰਹਿਤ, ਪਵਿੱਤਰ, ਕੁਆਰੀ, ਸਾਫ਼, ਨਿਰਮਲ
ਅਛੋਪਲੇ : ਹੌਲੇ ਦਾਣੀ, ਮਲਕ ਜੇਹੇ, ਬਗੈਰ ਖੜਾਕ ਤੋਂ, ਗੁਪਤ, ਚੁੱਪਚਾਪ
ਅੱਜ : ਆਜ, ਇਸ ਦਿਨ
ਅੱਜ-ਕਲ੍ਹ ਕਰਨਾ : ਦੇਰ ਕਰਨਾ, ਟਾਲਣਾ, ਕੰਮ ਤੋਂ ਜੀ ਚੁਰਾਉਣਾ, ਬਹਾਨੇ ਕਰਨਾ
ਅੱਜ-ਕਲ੍ਹ ਦਾ : ਆਧੁਨਿਕ, ਹੁਣ ਦਾ
ਅਜੰਸੀ : ਏਜੰਸੀ, ਪ੍ਰਤਿਨਿਧੀ ਦਾ ਕਾਰਜ ਸਥਾਨ ਜਾਂ ਕੰਮ
ਅਜਗਰ : ਇਕ ਸੱਪ ਦਾ ਨਾਉਂ, ਵੱਡਾ ਭਾਰੀ ਸੱਪ
ਅਜੰਟ : ਅਜੰਸੀ ਦਾ ਕੰਮ ਕਰਨ ਵਾਲਾ, ਦਲਾਲ, ਆੜ੍ਹਤੀਆ
ਅਜਨਬੀ : ਓਪਰਾ, ਅਪਰਿਚਿਤ, ਅਜੀਬ ਮਨੁੱਖ, ਵਿਦੇਸ਼ੀ
ਅਜਨਮਾ : ਜਨਮ ਤੋਂ ਰਹਿਤ, ਜਿਸਦਾ ਜਨਮ ਨਾ ਹੋਇਆ ਹੋਵੇ, ਅਜੂਨੀ
ਅਜਪਾ : ਜਾਪ ਤੋਂ ਰਹਿਤ, ਆਪਣੇ ਆਪ ਚਲਣ ਵਾਲ੍ਹਾ ਜਾਪ, ਨਿਰੰਤਰ ਜਾਪ
ਅਜਪਾ-ਜਾਪ : ਆਪਣੇ ਆਪ ਚਲਣ ਵਾਲਾ ਜਾਪੁ, ਜਾਪ ਦੀ ਇਕ ਅਗਲੇਰੀ ਅਵਸਥਾ, ਨਿਰੰਤਰ ਯਾਦ, ਸਿਮਰਨ
ਅਜਬ : ਦੇਖੋ ਅਜੀਬ
ਅਜ਼ਮਤ : ਮਹਾਨਤਾ, ਪ੍ਰਤਾਪ, ਵਡਿਆਈ, ਪ੍ਰਭਾਵ
ਅਜ਼ਮਾਉਣਾ : ਅਜ਼ਮਾਇਸ਼ ਕਰਨੀ, ਪ੍ਰੀਖਿਆ ਲੈਣੀ, ਪਰਤਿਆਉਣਾ
ਅਜ਼ਮਾਇਸ਼ : ਪ੍ਰੀਖਿਆ, ਤਜ਼ਰਬਾ, ਪਰਤਿਆਉਣਾ
ਅਜਰ : ਜਿਸ ਨੂੰ ਜਰਿਆ ਨਾ ਜਾ ਸਕੇ, ਅਸਹਿ
ਅਜਲ : ਜਲ ਰਹਿਤ, ਪਾਣੀ ਤੋਂ ਬਿਨਾਂ ਮੌਤ, ਮੌਤ ਦਾ ਵੇਲਾ
ਅਜਲਾਸ : ਇਜਲਾਸ
ਅਜਵਾਇਨ : ਇਕ ਸੋਏ ਦੇ ਕਿਸਮ ਦੀ ਔਸ਼ਧੀ ਜੋ ਹਾਜ਼ਮੇ ਲਈ ਗੁਣਕਾਰੀ ਹੈ, ਜਵੈਣ
ਅਜਾਇਬਘਰ : ਉਹ ਥਾਂ ਜਿੱਥੇ ਦੁਰਲੱਭ ਤੇ ਮਹਾਨ ਵਸਤੂਆਂ ਜਾਂ ਫੋਟੋਆਂ ਰੱਖੀਆਂ ਜਾਂਦੀਆਂ ਹਨ, ਯਾਦਗਾਰੀ ਨਿਵਾਸ
ਅਜਾਈਂ : ਬੇਕਾਰ ਹੀ, ਐਵੇਂ ਹੀ
ਅਜਾਈਂ-ਮੌਤ : ਉਦੇਸ਼ ਰਹਿਤ ਮੌਤ, ਅਪ੍ਰਕ੍ਰਿਤਕ ਮੌਤ, ਐਵੇਂ ਹੀ ਕਿਸੇ ਰਗੜੇ ‘ਚ ਆ ਕੇ ਮਾਰੇ ਜਾਣਾ
