ਔਖੇ ਸ਼ਬਦਾਂ ਦੇ ਅਰਥ
ਅ ਨਾਲ ਸ਼ੁਰੂ ਹੋਣ ਵਾਲੇ ਸ਼ਬਦ
ਅਕੜਨਾ : ਅਭਿਮਾਨ ਹੋਣਾ, ਹੰਕਾਰ ਵਿਚ ਆਉਣਾ, ਆਕੜਨਾ, ਸੁੰਗੜਨਾ
ਅਕਾਉਣਾ : ਦੁਖ ਦੇਣਾ, ਤੰਗ ਕਰਨਾ, ਖਿਝਾਉਣਾ
ਅਕਾਸ਼ : ਅਸਮਾਨ, ਅੰਬਰ, ਸੁਰਗ-ਲੋਕ
ਅਕਾਸ਼ ਬਾਣੀ : ਨਿਰੰਕਾਰ ਦੀ ਗੁਪਤ ਆਵਾਜ਼ ਜੋ ਸਿਰਫ਼ ਵਿਅਕਤੀ ਵਿਸ਼ੇਸ਼ (ਭਗਤ) ਨੂੰ ਹੀ ਸੁਣਾਈ ਦਿੰਦੀ ਹੈ, ਕੁਦਰਤੀ ਪ੍ਰੇਰਣਾ
ਅਕਾਂਖਿਆ : ਕਾਮਨਾ, ਚਾਹ, ਲਾਲਸਾ, ਨਿਸ਼ਾਨਾ
ਅਕਾਦਮੀ : ਸੰਸਥਾ, ਪ੍ਰਚਾਰਕ ਸੰਸਥਾ, ਵਿਦਿਆ ਨਾਲ ਸੰਬੰਧਿਤ ਸੰਸਥਾ
ਅਕਾਰਥ : ਬੇਕਾਰ, ਅਰਥ ਰਹਿਤ, ਫਲ ਰਹਿਤ
ਅਕਾਰਨ : ਬਿਨਾਂ ਕਾਰਣ ਤੋਂ, ਅਸਾਰ ਰਹਿਤ
ਅਕਾਲ : ਸਮੇਂ ਤੋਂ ਰਹਿਤ, ਕਾਲ ਤੋਂ ਪਰੇ, ਈਸ਼ਵਰ, ਵਾਹਿਗੁਰੂ
ਅਕਾਲ-ਚਲਾਣਾ : ਮਿਰਤੂ, ਮੌਤ, ਬੇਵਕਤ ਮੌਤ, ਈਸ਼ਵਰ ‘ਚ ਸਮਾ ਜਾਣਾ
ਅਕਾਲ-ਪੁਰਖ : ਵਾਹਿਗੁਰੂ, ਪਰਮਾਤਮਾ, ਅੰਤਰਜਾਮੀ
ਅਕਾਲ-ਮੂਰਤ : ਉਹ ਹੋਂਦ ਜੋ ਕਾਲ ਦੀ ਸੀਮਾ ਤੋਂ ਪਰੇ ਹੈ, ਵਾਹਿਗੁਰੂ, ਈਸ਼ਵਰ, ਪਰਮਾਤਮਾ
ਅਕਾਲ ਉਸਤਤਿ : ਗੁਰੂ ਗੋਬਿੰਦ ਸਿੰਘ ਜੀ ਰਚਿਤ ਇਕ ਬਾਣੀ ਦਾ ਨਾਉਂ, ਪਰਮਾਤਮਾ ਦੀ ਸਿਫ਼ਤ
ਅਕਾਲ ਤਖਤ : ਸਿੱਖ ਸੰਪ੍ਰਦਾਇ ਦਾ ਇਕ ਸ਼੍ਰੋਮਣੀ ਤਖਤ ਜਿਸ ਦੀ ਥਾਪਣਾ ਛੇਵੇਂ ਸਤਿਗੁਰੂ ਗੁਰੂ ਹਰਿਗੋਬਿੰਦ ਸਾਹਿਬ ਨੇ ਕੀਤੀ ਸੀ। ਇਹ ਪਵਿੱਤਰ ਸਥਾਨ ਹਰਿ- ਮੰਦਰ ਸਾਹਿਬ (ਅੰਮ੍ਰਿਤਸਰ) ਵਿਖੇ ਹੈ।
ਅਕਾਲੀ : ਅਕਾਲ ਦੇ ਪੁਜਾਰੀ, ਗੁਰਸਿੱਖ, ਭਗਤ, ਸਿੱਖਾਂ ਦੀ ਇਕ ਧਾਰਮਿਕ-ਰਾਜਨੀਤਕ ਜਮਾਤ ਜਿਹੜੇ ਸਿਰ ਤੇ ਕਾਲੀਆਂ-ਨੀਲੀਆਂ ਦਸਤਾਰਾਂ ਸਜਾਉਂਦੇ ਹਨ, ਨਿਹੰਗ ਸਿੰਘ
ਅੰਕਿਤ : ਥਾਪਿਆ, ਲਿਖਿਤ, ਖੁਦਿਆ ਹੋਇਆ
ਅੰਕਿਤ-ਮੁੱਲ : ਲਿਖੀ ਹੋਈ ਕੀਮਤ
ਅਕਿਰਤਘਣ : ਜੋ ਕੀਤੀ ਨਾ ਜਾਣੇ, ਗੁਨਾਹਗਾਰ, ਇਹਸਾਨ-ਫਰਾਮੋਸ਼
ਅਕੀਦਤ : ਸ਼ਰਧਾ, ਵਿਸ਼ਵਾਸ, ਨੇਮ, ਸਿਧਾਂਤ
ਅੰਕੁਸ਼ : ਪ੍ਰਤਿਬੰਧ, ਰੋਕ, ਰੁਕਾਵਟ, ਸੀਮਾ
ਅਕੇਵਾਂ : ਅੱਕ ਜਾਣ ਦਾ ਭਾਵ, ਥੱਕ ਜਾਣਾ, ਥਕਾਵਟ
ਅੱਖ : ਨੇਤਰ, ਦ੍ਰਿਸ਼ਟੀ
ਅੱਖ ਆਉਣੀ : ਅੱਖ ਦਾ ਇੱਕ ਰੋਗ
ਅੱਖ ਖੁੱਲਣੀ : ਜਾਗ ਪੈਣਾ, ਸਾਵਧਾਨ ਹੋ ਜਾਣਾ, ਗਿਆਨ ਹੋਣਾ
ਅੱਖ ਦਾ ਤਾਰਾ : ਪੁੱਤਰ, ਬਹੁਤ ਪਿਆਰਾ
ਅੱਖ ਨਾ ਚੁੱਕਣੀ : ਸਾਮ੍ਹਣੇ ਚਿਹਰੇ ਵਲ ਨਾ ਦੇਖ ਸਕਣਾ, ਸ਼ਰਮਸਾਰ ਹੋਣਾ, ਹੌਂਸਲਾ ਨਾ ਪੈਣਾ
ਅੱਖ ਨੀਵੀਂ ਹੋਣੀ : ਸ਼ਰਮਸਾਰ ਹੋਣਾ, ਬੇਇਜ਼ਤੀ ਹੋਣੀ
ਅੱਖ ਬਣਵਾਉਣੀ : ਅੱਖਾਂ ਦਾ ਉਪਰੇਸ਼ਨ ਕਰਾਉਣਾ
ਅੱਖ ਮਾਰਨੀ : ਇਸ਼ਾਰਾ ਕਰਨਾ, ਕੁੜੀ ਫਸਾਉਣੀ
ਅੱਖ ਰੱਖਣੀ : ਕਿਸੇ ਤੇ ਨਜ਼ਰ ਰੱਖਣੀ, ਆਪਣਾ ਅਧਿਕਾਰ ਜਮਾਉਣਾ
ਅੱਖ ਲੜਨੀ : ਕਿਸੇ ਨਾਲ ਮੁਹੱਬਤ ਹੋਣੀ
ਅੱਖ ਲਾਲ ਹੋਣੀ : ਗੁੱਸਾ ਅਉਣਾ
ਅਖੰਡ : ਖੰਡ ਰਹਿਤ, ਇਕਰਸ, ਲਗਾਤਾਰ, ਨਿਰੰਤਰ
ਅਖੰਡਪਾਠ : ਉਹ ਪਾਠ ਜੋ ਨਿਰੰਤਰ ਹੋਵੇ, ਸ੍ਰੀ ਗੁਰੂ ਗ੍ਰੰਥ ਸਾਹਿਬ ਜੀ ਦਾ ਪਾਠ ਜੋ 48 ਘੰਟਿਆਂ ਵਿਚ ਸੰਪੂਰਨ ਹੁੰਦਾ ਹੈ
ਅਖੰਡਪਾਠੀ : ਅਖੰਡਪਾਠ ਕਰਨ ਵਾਲੇ ਪਾਠੀ
ਅਖੰਡਿਤ : ਜੋ ਖੰਡਤ ਨਾ ਹੋਵੇ, ਪੂਰਾ, ਅਟੁਟ
