ਮੁਹਾਵਰੇ
ਧ ਨਾਲ ਸ਼ੁਰੂ ਹੋਣ ਵਾਲੇ ਮੁਹਾਵਰੇ
1. ਧੱਜੀਆਂ ਉਡਾਉਣੀਆਂ : (ਬਰਬਾਦ ਕਰਨਾ) ਧੀਰਜ ਨੇ ਚੰਡੀਗੜ੍ਹ ਰਹਿ ਕੇ ਆਪਣੇ ਮਾਂ-ਬਾਪ ਦੀ ਮਿਹਨਤ ਦੀ
ਕਮਾਈ ਦੀਆਂ ਚੰਗੀਆਂ ਧੱਜੀਆਂ ਉਡਾਈਆਂ ਹਨ।
2. ਧੌਲਿਆਂ ਵਿਚ ਸੁਆਹ ਪਾਉਣੀ : (ਬੁੱਢੇ ਵਾਰੇ ਬਦਨਾਮੀ ਕਰਨੀ) ਲੰਬੜਦਾਰਾਂ ਦੇ ਮੁੰਡੇ ਨੇ ਨੀਵੀਂ ਜਾਤ ਦੀ ਕੁੜੀ ਨਾਲ ਵਿਆਹ ਕਰਾ ਕੇ ਮਾਪਿਆਂ ਦੇ ਧੌਲਿਆਂ ਵਿੱਚ ਸੁਆਹ ਪਾ ਦਿੱਤੀ ਹੈ।
3. ਧੁੰਮਾਂ ਪੈ ਜਾਣੀਆਂ : (ਬਹੁਤ ਪ੍ਰਸਿੱਧੀ ਹੋਣੀ) ਅੰਤਰ ਰਾਸ਼ਟਰੀ ਖੇਡਾਂ ਵਿਚ ਤਗਮੇਂ ਲੈਣ ਵਾਲੇ ਖਿਡਾਰੀਆਂ ਦੀਆਂ ਧੁੰਮਾਂ ਪੈ ਗਈਆਂ ਹਨ।
4. ਧਾਗਾ ਕਰਾਉਣਾ : (ਟੂਣਾ ਆਦਿ ਕਰਵਾਉਣਾ) ਸਾਡੇ ਪਿੰਡ ਪਾਖੰਡੀ ਸਾਧਾਂ ਕੋਲੋਂ ਧਾਗਾ ਕਰਵਾਉਣ ਵਾਲੇ ਲੋਕਾਂ ਨੂੰ ਤਰਕਸ਼ੀਲ ਕਮੇਟੀ ਨੇ ਬਾਜ ਆਉਣ ਲਈ ਕਿਹਾ।
5. ਧੱਕਾ ਕਰਨਾ : (ਅਨਿਆਂ ਕਰਨਾ) ਕਾਰਖ਼ਾਨੇਦਾਰ ਗ਼ਰੀਬ ਕਾਮਿਆਂ ਨਾਲ ਧੱਕਾ ਕਰਦੇ ਹਨ, ਵਿਚਾਰਿਆਂ ਨੂੰ ਪੂਰੀ ਤਨਖ਼ਾਹ ਵੀ ਨਹੀਂ ਦੇਂਦੇ।
6. ਧੱਕੇ ਪੈਣਾ : (ਖ਼ੁਆਰ ਹੋਣਾ) ਰਮਨਦੀਪ ਦੇ ਬੁਰੇ ਕੰਮਾਂ ਕਰ ਕੇ ਹੀ ਉਸ ਨੂੰ ਥਾਂ-ਥਾਂ ਧੱਕੇ ਪੈਂਦੇ ਹਨ।
7. ਧਰਮ ਨਿਭਾਉਣਾ : (ਕਰਤੱਵ ਪਾਲਣਾ) ਸਭ ਦੇਸ਼-ਵਾਸੀਆਂ ਨੂੰ ਆਪਣੇ ਦੇਸ਼ ਦੀ ਖ਼ਾਤਰ ਆਪਣਾ ਤਨ, ਮਨ ਅਤੇ ਧਨ ਕੁਰਬਾਨ ਕਰ ਕੇ ਆਪਣਾ ਧਰਮ ਨਿਭਾਉਣਾ ਚਾਹੀਦਾ ਹੈ।
8. ਧੱਕਾ ਲੱਗਣਾ : (ਨੁਕਸਾਨ ਹੋਣਾ) ਬੁਢੇਪੇ ਵਿੱਚ ਇਕਲੌਤੇ ਪੁੱਤਰ ਦੀ ਮੌਤ ਨਾਲ ਬਲਕਾਰ ਸਿੰਘ ਨੂੰ ਡਾਢਾ ਧੱਕਾ ਲੱਗਾ ਹੈ।
9. ਧਰਨਾ ਮਾਰਨਾ : ਜ਼ਿੱਦ ਕਰਨੀ।
10. ਧਾਰ ਮਾਰਨੀ : ਪੇਸ਼ਾਬ ਕਰਨਾ / ਠੁਕਰਾ ਦੇਣਾ।
11. ਧਾੜ ਪੈਣਾ : ਡਾਕਾ ਪੈਣਾ।
12. ਧੁੱਪ ਵਿੱਚ ਵਾਲ ਚਿੱਟੇ ਹੋਣੇ : ਉਮਰ ਵਡੇਰੀ ਹੋਣੀ ਪਰ ਅਕਲੋਂ ਕੋਰਾ ਹੋਣਾ।
13. ਧੁੰਮ ਪੈਣੀ : ਢੰਡੋਰਾ ਫਿਰਨਾ / ਪ੍ਰਸਿੱਧੀ ਹੋਣੀ।
14. ਧੂੰ ਨਾ ਕੱਢਣਾ : ਖ਼ਬਰ ਨਾ ਲੱਗਣ ਦੇਣੀ।
15. ਧੌਲਿਆਂ ਦੀ ਲਾਜ ਰੱਖਣੀ : ਬਜ਼ੁਰਗੀ ਦੀ ਇੱਜ਼ਤ ਰੱਖਣੀ।
16. ਧੌ ਜਾਣਾ : ਨਿਵ ਜਾਣਾ।
