ਟੱਪਾ – ਵਸਤੂਨਿਸ਼ਠ ਪ੍ਰਸ਼ਨ

ਪ੍ਰਸ਼ਨ 1 . ਟੱਪਾ ਕਿਹੜੇ ਸਾਜ਼ ਨਾਲ ਗਾਇਆ ਜਾਂਦਾ ਹੈ?

ਉੱਤਰ – ਢੋਲਕੀ ਨਾਲ

ਪ੍ਰਸ਼ਨ 2 . ਟੱਪਾ ਕਿਹੜੇ ਨਾਚ ਵਿਚ ਗਾਇਆ ਜਾਂਦਾ ਹੈ?

ਉੱਤਰ – ਗਿੱਧਾ/ਭੰਗੜਾ

ਪ੍ਰਸ਼ਨ 3 . ਟੱਪੇ ਦਾ ਹੋਰ ਨਾਂ ਕੀ ਹੈ?

ਉੱਤਰ – ਇਕਹਿਰੀ ਬੋਲੀ/ਇਕ – ਤੁਕੀ ਬੋਲੀ

ਪ੍ਰਸ਼ਨ 4 . ਟੱਪੇ ਨੂੰ ਲਮਕਾ ਕੇ ਗਾਉਣ ਲਈ ਕਈ ਵਾਰੀ ਕਿਹੜਾ ਸ਼ਬਦ ਨਾਲ ਜੋੜ ਲਿਆ ਜਾਂਦਾ ਹੈ?

ਉੱਤਰ – ਬੱਲੇ – ਬੱਲੇ

ਪ੍ਰਸ਼ਨ 5 . ਟੱਪੇ ਦੇ ਮੱਧ (ਅੱਧ) ਅਤੇ ਅੰਤ ਉੱਤੇ ਕਿਹੜਾ ਸ੍ਵਰ ਹੁੰਦਾ ਹੈ?

ਉੱਤਰ – ਦੀਰਘ

ਪ੍ਰਸ਼ਨ 6 .

ਤੂੰ ਕਿਹੜਿਆਂ ਰੰਗਾਂ ਵਿਚ ਖੇਡੇਂ
ਮੈਂ ਕੀ ਜਾਣਾ ਤੇਰੀ ਸਾਰ ਨੂੰ।

ਪ੍ਰਸ਼ਨ . ਇਹ ਟੱਪਾ ਕਿਸ ਨੂੰ ਸੰਬੋਧਿਤ ਹੈ?

ਉੱਤਰ – ਪਰਮਾਤਮਾ ਨੂੰ

ਪ੍ਰਸ਼ਨ 7 .

ਤੇਰੇ ਦਿਲ ਦੀ ਮੈਲ ਨਾ ਜਾਵੇ,
ਨ੍ਹਾਉਂਦਾ ਫਿਰੇ ਤੀਰਥਾਂ ‘ਤੇ।

ਪ੍ਰਸ਼ਨ . ਇਸ ਟੱਪੇ ਵਿਚ ਕਿਹੋ – ਜਿਹੇ ਭਾਵ ਅੰਕਿਤ ਹਨ?

ਉੱਤਰ – ਵਿਅੰਗਾਤਮਕ

ਪ੍ਰਸ਼ਨ . ਇਸ ਟੱਪੇ ਵਿਚ ਕਿਹੋ – ਜਿਹੇ ਜੀਵਨ ਉੱਤੇ ਚੋਟ ਹੈ?

ਉੱਤਰ – ਪਖੰਡ ਭਰੇ

ਪ੍ਰਸ਼ਨ 8 .

ਕਿੱਥੋਂ ਭਾਲਦੈਂ ਬਜੌਰ ਦੀਆਂ ਦਾਖਾਂ
ਕਿੱਕਰਾਂ ਦੇ ਬੀਜ – ਬੀਜ ਕੇ

ਪ੍ਰਸ਼ਨ . ਇਸ ਟੱਪੇ ਵਿਚ ਮਨੁੱਖ ਨੂੰ ਕੀ ਸਿੱਖਿਆ ਦਿੱਤੀ ਗਈ ਹੈ?

ਉੱਤਰ – ਨੇਕ ਅਮਲ ਕਰਨ ਦੀ

ਪ੍ਰਸ਼ਨ 9 . ਬਜੌਰ ਦੀਆਂ ਦਾਖਾਂ ਕਿਸ ਨੂੰ ਨਹੀਂ ਮਿਲ ਰਹੀਆਂ?

ਉੱਤਰ – ਕਿੱਕਰ ਬੀਜਣ ਵਾਲੇ ਨੂੰ

ਪ੍ਰਸ਼ਨ 10 .

ਉੱਥੇ ਅਮਲਾਂ ਦੇ ਹੋਣਗੇ ਨਬੇੜੇ,
ਜਾਤ ਕਿਸੇ ਪੁੱਛਣੀ ਨਹੀਂ।

ਪ੍ਰਸ਼ਨ . ਇਸ ਟੱਪੇ ਵਿੱਚ ਮਨੁੱਖ ਨੂੰ ਕਿਸ ਗੱਲ ਦਾ ਹੰਕਾਰ ਛੱਡਣ ਲਈ ਕਿਹਾ ਗਿਆ ਹੈ?

ਉੱਤਰ – ਉੱਚੀ ਜਾਤ ਦਾ ਹੰਕਾਰ

ਪ੍ਰਸ਼ਨ . ਇਸ ਟੱਪੇ ਵਿੱਚ ਮਨੁੱਖ ਨੂੰ ਕਿਹੋ – ਜਿਹੇ ਅਮਲ ਕਰਨ ਲਈ ਕਿਹਾ ਗਿਆ ਹੈ?

ਉੱਤਰ – ਨੇਕ ਅਮਲ

ਪ੍ਰਸ਼ਨ 11 . ਟੱਪਿਆਂ ਵਿਚ ਗੋਰੇ ਰੰਗ ਅਤੇ ਅਕਲ ਵਿੱਚੋਂ ਕਿਸ ਨੂੰ ਮੁੱਲਵਾਨ ਦੱਸਿਆ ਗਿਆ ਹੈ?

ਉੱਤਰ – ਅਕਲ ਨੂੰ

ਪ੍ਰਸ਼ਨ 12.

ਤੇਰੀ ਹਾੜ੍ਹੀ ਨੂੰ ਵਕੀਲਾਂ ਖਾਧਾ,
ਸਉਣੀ ਤੇਰੀ ਸ਼ਾਹਾਂ ਲੁੱਟ ਲਈ।

ਪ੍ਰਸ਼ਨ . ਇਸ ਟੱਪੇ ਵਿਚ ਕਿਸ ਦੀ ਲੁੱਟ – ਘਸੁੱਟ ਹੁੰਦੀ ਦੱਸੀ ਗਈ ਹੈ?

ਉੱਤਰ – ਕਿਸਾਨ ਦੀ

ਪ੍ਰਸ਼ਨ 13 . ਟੱਪਿਆਂ ਅਨੁਸਾਰ ਚਰਖ਼ੇ ਦੀ ਘੂਕ ਸੁਣ ਕੇ ਪਹਾੜੋਂ ਕੌਣ ਉਤਰ ਆਇਆ?

ਉੱਤਰ – ਜੋਗੀ

ਪ੍ਰਸ਼ਨ 14 . ਟੱਪਿਆਂ ਵਿਚ ਭੈਣ ਦਾ ਸਾਕ ਕਿਹੋ – ਜਿਹਾ ਦੱਸਿਆ ਗਿਆ ਹੈ?

ਉੱਤਰ – ਬੇਮਿਸਾਲ / ਲਾਸਾਨੀ / ਜਿਸ ਵਰਗਾ ਕੋਈ ਨਹੀਂ

ਪ੍ਰਸ਼ਨ 15 . ਟੱਪਿਆਂ ਵਿਚ ਭੈਣ ਕਿਸ ਦੀ ਬਹਾਦਰੀ ਤੇ ਗੁਣਾਂ ਦਾ ਜ਼ਿਕਰ ਕਰਦੀ ਹੈ?

ਉੱਤਰ – ਭਰਾ ਦੇ

ਪ੍ਰਸ਼ਨ 16 . ਟੱਪਿਆਂ ਵਿਚ ਕਿਹੜੇ ਅਜਿਹੇ ਤਿੰਨ ਰੰਗ ਦੱਸੇ ਗਏ ਹਨ, ਜੋ ਗੁਆਚਣ ‘ਤੇ ਮੁੜ ਨਹੀਂ ਲੱਭਦੇ?

ਉੱਤਰ – ਹੁਸਨ, ਜੁਆਨੀ ਤੇ ਮਾਪੇ

ਪ੍ਰਸ਼ਨ 17 . ਟੱਪਿਆਂ ਵਿਚ ਧੀ ਬਾਬਲ ਨੂੰ ਕਿਹੋ ਜਿਹਾ ਘਰ ਲੱਬਣ ਲਈ ਕਹਿੰਦੀ ਹੈ?

ਉੱਤਰ – ਪੱਕਾ

ਪ੍ਰਸ਼ਨ 18 .

ਕੱਟ ਦੇ ਫਰੰਗੀਆ ਨਾਮਾ,
ਇਕ ਪੁੱਤ ਮੇਰੀ ਸੱਸ ਦਾ।

ਪ੍ਰਸ਼ਨ . ਸੱਸ ਦਾ ਪੁੱਤ ਕਿੱਥੇ ਹੈ?

ਉੱਤਰ – ਫ਼ੌਜ ਵਿਚ

ਪ੍ਰਸ਼ਨ 19 . ਟੱਪਿਆਂ ਅਨੁਸਾਰ ਜਿਨ੍ਹਾਂ ਦੀਆਂ ਜੋੜੀਆਂ ਚੰਗੀਆਂ ਹੁੰਦੀਆਂ ਹਨ, ਉਨ੍ਹਾਂ ਨੇ ਕੀ ਪੁੰਨ ਕੀਤਾ ਹੁੰਦਾ ਹੈ?

ਉੱਤਰ – ਚਿੱਟੇ ਚੌਲ

ਪ੍ਰਸ਼ਨ 20 .

ਜੱਗ ਜੀਉਣ ਵੱਡੀਆਂ ਭਰਜਾਈਆਂ,
ਪਾਣੀ ਮੰਗਾਂ ਦੁੱਧ ਦਿੰਦੀਆਂ।

ਪ੍ਰਸ਼ਨ . ਇਸ ਟੱਪੇ ਵਿਚ ਕਿਹੜੇ ਰਿਸ਼ਤੇ ਦੀ ਮਹਿਮਾ ਹੈ?

ਉੱਤਰ – ਵੱਡੀਆਂ ਭਰਜਾਈਆਂ ਦੇ

ਪ੍ਰਸ਼ਨ 21 .

ਮੁੰਡੇ ਮਰ ਗੇ ਕਮਾਈਆਂ ਕਰਦੇ,
ਲੱਛੀ ਤੇਰੇ ਬੰਦ ਨਾ ਬਣੇ।

ਪ੍ਰਸ਼ਨ . ਇਸ ਟੱਪੇ ਵਿੱਚੋਂ ਪੰਜਾਬੀ ਜੀਵਨ ਦੇ ਆਰਥਿਕ ਪੱਖ ਦੀ ਕਿਹੋ ਜਿਹੀ ਝਲਕ ਮਿਲਦੀ ਹੈ?

ਉੱਤਰ – ਮੰਦੀ