ਖੁੱਲ੍ਹੀ ਚਿੱਠੀ
ਤੁਸੀਂ ਹੁਣੇ-ਹੁਣੇ ਬਿਊਟੀ-ਪਾਰਲਰ ਦਾ ਕੰਮ ਸਿੱਖਿਆ ਹੈ। ਆਪਣਾ ਕਾਰੋਬਾਰ ਚਲਾਉਣ ਲਈ ਇਲਾਕਾ-ਨਿਵਾਸੀਆਂ ਨੂੰ ਸੇਵਾਵਾਂ ਦਾ ਲਾਭ ਉਠਾਉਣ ਲਈ ਖੁੱਲ੍ਹੀ ਚਿੱਠੀ ਰਾਹੀਂ ਅਪੀਲ ਕਰੋ।
ਸੰਗਮ ਬਿਊਟੀ-ਪਾਰਲਰ,
ਦਸੂਹਾ (ਹੁਸ਼ਿਆਰਪੁਰ)
ਪਿਆਰੇ ਇਲਾਕਾ ਨਿਵਾਸੀਓ,
ਤੁਹਾਨੂੰ ਇਹ ਜਾਣ ਕੇ ਖ਼ੁਸ਼ੀ ਹੋਵੇਗੀ ਕਿ ਅਸੀਂ ਤੁਹਾਡੀ ਸੇਵਾ ਲਈ ਪੰਜਾਬੀ ਬਾਗ਼ ਵਿਖੇ ਸੰਗਮ ਬਿਊਟੀ-ਪਾਰਲਰ ਖੋਲ੍ਹਿਆ ਹੈ। ਅਸੀਂ ਆਈਬਰੋ ਬਣਾਉਣ, ਫੇਸ਼ੀਅਲ, ਮਸਾਜ ਅਤੇ ਵੱਖ-ਵੱਖ ਤਰ੍ਹਾਂ ਦੀ ਕਟਿੰਗ ਆਦਿ ਦਾ ਕੰਮ ਬਹੁਤ ਵਧੀਆ ਅਤੇ ਤਸੱਲੀਬਖ਼ਸ਼ ਢੰਗ ਨਾਲ ਕਰਦੇ ਹਾਂ।
ਸਾਡੀਆਂ ਵਿਸ਼ੇਸ਼ਤਾਵਾਂ :
• ਪਾਰਟੀ ਆਦਿ ਵਿੱਚ ਸ਼ਾਮਲ ਹੋਣ ਲਈ ਅਤੇ ਵਿਆਹ ਲਈ ਲੜਕੀ ਦੇ ਮੇਕਅਪ ਲਈ ਸਾਡੇ ਕੋਲ ਖ਼ਾਸ ਪ੍ਰਬੰਧ ਹੈ।
• ਸਾਡੇ ਰੇਟ ਕਿਸੇ ਵੀ ਹੋਰ ਬਿਊਟੀ-ਪਾਰਲਰ ਤੋਂ ਘੱਟ ਹੋਣਗੇ ਪਰ ਇਸ ਦੇ ਬਾਵਜੂਦ ਸਾਡੇ ਕੰਮ ਵਿੱਚ ਕਿਸੇ ਕਿਸਮ ਦੀ ਕੋਈ ਸ਼ਿਕਾਇਤ ਨਹੀਂ ਹੋਵੇਗੀ।
• ਅਸੀਂ ਮੇਕਅਪ ਲਈ ਬਹੁਤ ਵਧੀਆ ਕੰਪਨੀਆਂ ਦਾ ਸਮਾਨ ਵਰਤਦੇ ਹਾਂ।
• ਸਾਡਾ ਉਦੇਸ਼ ਹਰ ਤਰ੍ਹਾਂ ਨਾਲ ਤੁਹਾਡੀ ਤਸੱਲੀ ਕਰਾਉਣਾ ਹੈ।
ਅਸੀਂ ਆਪ ਜੀ ਨੂੰ ਵਿਸ਼ਵਾਸ ਦਵਾਉਂਦੇ ਹਾਂ ਕਿ ਜੇਕਰ ਤੁਸੀਂ ਇੱਕ ਵਾਰ ਸਾਡੇ ਕੋਲ ਆਓਗੇ ਤਾਂ ਕਿਸੇ ਹੋਰ ਬਿਊਟੀ-ਪਾਰਲਰ ਦੇ ਜਾਣ ਬਾਰੇ ਸੋਚ ਵੀ ਨਹੀਂ ਸਕੋਗੇ।
ਇੱਕ ਵਾਰ ਸੇਵਾ ਦਾ ਮੌਕਾ ਜ਼ਰੂਰ ਦਿਓ ਅਤੇ ਸਾਡੀਆਂ ਸੇਵਾਵਾਂ ਦਾ ਲਾਭ ਉਠਾਓ।
ਪ੍ਰਾਰਥਕ :
ਗੁਰਬਰਿੰਦਰ ਚਾਹਲ
