ਕਾਵਿ – ਟੁਕੜੀ – ਇਸ ਅਦਾਲਤ ‘ਚ ਬੰਦੇ ਬਿਰਖ ਹੋ ਗਏ।

ਇਸ ਅਦਾਲਤ ‘ਚ ਬੰਦੇ ਬਿਰਖ ਹੋ ਗਏ,
ਫ਼ੈਸਲੇ ਸੁਣਦਿਆਂ – ਸੁਣਦਿਆਂ ਸੁੱਕ ਗਏ।
ਆਖੋ ਇਨ੍ਹਾਂ ਨੂੰ ਉਜੜੇ ਘਰੀਂ ਜਾਣ ਹੁਣ,
ਇਹ ਕਦੋਂ ਤੀਕ ਇੱਥੇ ਖੜ੍ਹੇ ਰਹਿਣਗੇ।

ਪ੍ਰਸ਼ਨ 1 . ਕਵੀ ਅਨੁਸਾਰ ਬੰਦੇ ਕਿੱਥੇ ਬਿਰਖ ਹੋ ਗਏ ਹਨ?

(ੳ) ਘਰ ਵਿੱਚ
(ਅ) ਅਦਾਲਤ ਵਿੱਚ
(ੲ) ਬਾਗ਼ ਵਿੱਚ
(ਸ) ਖੇਤਾਂ ਵਿੱਚ

ਪ੍ਰਸ਼ਨ 2 . ਲੋਕਾਂ ਨੂੰ ਉਜੜੇ ਘਰੀਂ ਜਾਣ ਨੂੰ ਕਿਉਂ ਕਿਹਾ ਗਿਆ ਹੈ?

(ੳ) ਕੋਈ ਨੁਕਸਾਨ ਨਹੀਂ ਹੋਵੇਗਾ
(ਅ) ਉਹਨਾਂ ਦੇ ਹੱਕ ਵਿੱਚ ਫ਼ੈਸਲਾ ਨਹੀਂ ਹੋਵੇਗਾ
(ੲ) ਥੱਕ ਜਾਣਗੇ
(ਸ) ਡਿੱਗ ਪੈਣਗੇ

ਪ੍ਰਸ਼ਨ 3 . ਕਵੀ ਅਨੁਸਾਰ ਬੰਦੇ ਕਿਉਂ ਬਿਰਖ ਹੋ ਗਏ ਹਨ?

(ੳ) ਨਿਆਂ ਦੀ ਉਡੀਕ ਵਿੱਚ
(ਅ) ਘਰ ਜਾਣ ਦੀ ਉਡੀਕ ਵਿੱਚ
(ੲ) ਜੇਲ੍ਹ ਜਾਣ ਕਰਕੇ
(ਸ) ਘਰ ਨਾ ਜਾਣ ਕਰਕੇ

ਪ੍ਰਸ਼ਨ 4 . ਇਨ੍ਹਾਂ ਸਤਰਾਂ ਵਿਚਲੀ ਭਾਵਨਾ ਕਿਹੋ ਜਿਹੀ ਹੈ?

(ੳ) ਤਰਸਯੋਗ
(ਅ) ਹਮਦਰਦੀ ਵਾਲੀ
(ੲ) ਗ਼ੈਰ – ਜਿੰਮੇਦਾਰ
(ਸ) ਬੇਕਦਰੀ ਵਾਲੀ

ਪ੍ਰਸ਼ਨ 5 . ‘ਬਿਰਖ’ ਸ਼ਬਦ ਦਾ ਭਾਵ – ਅਰਥ ਦੱਸੋ।

(ੳ) ਸੁੱਕੇ ਪੱਤੇ
(ਅ) ਰੁੱਖ
(ੲ) ਟਹਿਣੀਆਂ
(ਸ) ਦੁੱਖੀ