ਕਹਾਣੀ : ਜਨਮ ਦਿਨ
ਬਹੁ ਵਿਕਲਪੀ ਪ੍ਰਸ਼ਨ ਉੱਤਰ
ਪ੍ਰਸ਼ਨ . ‘ਜਨਮ ਦਿਨ’ ਕਹਾਣੀ ਦਾ ਲੇਖਕ ਕੌਣ ਹੈ?
ਉੱਤਰ : ਪ੍ਰੋ. ਸਵਿੰਦਰ ਸਿੰਘ ਉੱਪਲ
ਪ੍ਰਸ਼ਨ 2. ਪ੍ਰੋ. ਸਵਿੰਦਰ ਸਿੰਘ ਉੱਪਲ ਦੇ ਕਹਾਣੀ ਸੰਗ੍ਰਹਿ ਦੇ ਨਾਂਅ ਦੱਸੋ।
ਉੱਤਰ: ਦੁੱਧ ਤੇ ਬੁੱਧ, ਆਪਣਾ ਦੇਸ ਪਰਾਇਆ ਦੇਸ, ਭਰਾ ਭਰਾਵਾਂ ਦੇ।
ਪ੍ਰਸ਼ਨ 3. ਪ੍ਰੋ. ਸਵਿੰਦਰ ਸਿੰਘ ਉੱਪਲ ਨੂੰ ਪੰਜਾਬੀ ਸਾਹਿਤ ਸਮੀਖਿਆ ਬੋਰਡ, ਜਲੰਧਰ ਵੱਲੋਂ ਕਿਹੜੀ ਪੁਸਤਕ ਤੇ ਪੁਰਸਕ੍ਰਿਤ ਕੀਤਾ ਗਿਆ?
ਉੱਤਰ : ਲਛਮਣ ਰੇਖਾ
ਪ੍ਰਸ਼ਨ 4. ਪ੍ਰੋ. ਸਵਿੰਦਰ ਸਿੰਘ ਉੱਪਲ ਦਾ ਜਨਮ ਕਿੱਥੇ ਹੋਇਆ?
ਉੱਤਰ : ਧਮਿਆਲ (ਰਾਵਲਪਿੰਡੀ)
ਪ੍ਰਸ਼ਨ 5. ‘ਜਨਮ ਦਿਨ’ ਕਹਾਣੀ ਦੇ ਪਾਤਰਾਂ ਦੇ ਨਾਂਅ ਦੱਸੋ।
ਉੱਤਰ : ਜੁਗਲ ਪ੍ਰਸ਼ਾਦ, ਜੋਤੀ ਅਤੇ ਦੇਵਕੀ
ਪ੍ਰਸ਼ਨ 6. ਜੁਗਲ ਪ੍ਰਸ਼ਾਦ ਦੀ ਕਿੰਨੀ ਤਨਖ਼ਾਹ ਵਧੀ ਸੀ?
ਉੱਤਰ : ਪੰਜ ਰੁਪਏ
ਪ੍ਰਸ਼ਨ 7. ਮੰਤਰੀ ਜਵਾਲਾ ਪ੍ਰਸ਼ਾਦ ਦਾ ਜਨਮ-ਦਿਨ ਕੌਣ ਮਨਾ ਰਿਹਾ ਸੀ?
ਉੱਤਰ : ਨਾਗਰਿਕ ਸਭਾ
ਪ੍ਰਸ਼ਨ 8. ‘ਜਨਮ ਦਿਨ’ ਕਹਾਣੀ ਦਾ ਅੰਤ ਕਿਹੋ ਜਿਹਾ ਸੀ?
ਉੱਤਰ : ਦੁੱਖ ਭਰਿਆ
ਪ੍ਰਸ਼ਨ 9. ਜੋਤੀ ਕਿਹੜੀ ਜਮਾਤ ਵਿੱਚ ਪੜ੍ਹਦਾ ਸੀ?
ਉੱਤਰ : ਕੇ. ਜੀ. ਵਿੱਚ
ਪ੍ਰਸ਼ਨ 10. ਜੋਤੀ ਕਿਸ ਕਾਰਨ ਮੰਤਰੀ ਦੇ ਗਲ ਹਾਰ ਪਾਉਣ ਲਈ ਚੁਣਿਆ ਗਿਆ ਸੀ?
ਉੱਤਰ : ਲਾਇਕ ਹੋਣ ਕਰਕੇ
ਪ੍ਰਸ਼ਨ 11. ਕਿਸ ਵਸਤ ਦੀ ਕਮੀ ਜੁਗਲ ਪ੍ਰਸ਼ਾਦ ਨੂੰ ਸਦਾ ਗੁੱਸਾ ਚੜ੍ਹਾ ਦਿੰਦੀ ਸੀ?
ਉੱਤਰ : ਪੈਸਿਆਂ ਦੀ
ਪ੍ਰਸ਼ਨ 12. ਦੇਵਕੀ ਨੇ ਜੋਤੀ ਲਈ ਚਿੱਟੀ ਕਮੀਜ਼ ਕਿਸ ਕੱਪੜੇ ਦੀ ਬਣਾਈ?
ਉੱਤਰ : ਪੁਰਾਣੀ ਚਿੱਟੀ ਚਾਦਰ ਦੀ
ਪ੍ਰਸ਼ਨ 13. ਜੋਤੀ ਵੱਲੋਂ ਮੰਤਰੀ ਨੂੰ ਹਾਰ ਪਾਉਣ ਵਾਲਾ ਸਮਾਗਮ ਕਿਹੜੇ ਦਿਨ ਸੀ?
ਉੱਤਰ : ਐਤਵਾਰ
ਪ੍ਰਸ਼ਨ 14. ਕਿਸ ਨੇ ਮੰਤਰੀ ਦੇ ਗਲ ਹਾਰ ਪਾਉਣ ਲਈ ਜੋਤੀ ਦੀ ਬਜਾਏ ਆਪਣੇ ਪੁੱਤਰ ਦਾ ਨਾਂ ਦਿੱਤਾ ਸੀ?
ਉੱਤਰ : ਸੇਠ ਲਖਪਤ ਰਾਏ ਨੇ
ਪ੍ਰਸ਼ਨ 15. ਜੋਤੀ ਘਰ ਕਿਸ ਨਾਲ ਵਾਪਸ ਆਇਆ ਸੀ?
ਉੱਤਰ : ਪ੍ਰਿੰਸੀਪਲ ਨਾਲ਼
ਪ੍ਰਸ਼ਨ 16. ਜੁਗਲ ਪ੍ਰਸ਼ਾਦ ਦੀ ਪਤਨੀ ਦਾ ਕੀ ਨਾਂ ਸੀ?
ਉੱਤਰ : ਦੇਵਕੀ
ਪ੍ਰਸ਼ਨ 17. ਜੋਤੀ ਹੋਰੀਂ ਕਿੰਨੇ ਭੈਣ-ਭਰਾ ਸਨ?
ਉੱਤਰ : ਪੰਜ
ਪ੍ਰਸ਼ਨ 18. ਜੁਗਲ ਕਿਸ਼ੋਰ ਨੇ ਮਿੱਤਰ ਕੋਲੋਂ ਕਿੰਨੇ ਰੁਪਏ ਲਏ ਸਨ?
ਉੱਤਰ : ਤਿੰਨ
ਪ੍ਰਸ਼ਨ 19. ਗੁੱਡੀ ਦੀ ਬੁਗਨੀ ਵਿੱਚੋਂ ਕਿੰਨੇ ਪੈਸੇ ਨਿਕਲੇ ਸਨ?
ਉੱਤਰ : ਸਾਢੇ ਸੱਤ ਆਨੇ
ਪ੍ਰਸ਼ਨ 20. ਜੋਤੀ ਦੀ ਬੁਗਨੀ ਵਿੱਚੋਂ ਕਿੰਨੇ ਪੈਸੇ ਨਿਕਲੇ ਸਨ?
ਉੱਤਰ : ਬਾਰਾਂ ਆਨੇ
ਪ੍ਰਸ਼ਨ 21. ਨਾਗਰਿਕ ਸਭਾ ਵੱਲੋਂ ਕਿਹੜੇ ਮੰਤਰੀ ਦਾ ਜਨਮ ਦਿਨ ਮਨਾਇਆ ਜਾ ਰਿਹਾ ਸੀ?
ਉੱਤਰ : ਜਵਾਲਾ ਪ੍ਰਸ਼ਾਦ ਜੀ ਦਾ
ਪ੍ਰਸ਼ਨ 22. ‘ਇਰਾਦਾ’ ਸ਼ਬਦ ਤੋਂ ਕੀ ਭਾਵ ਹੁੰਦਾ ਹੈ?
ਉੱਤਰ : ਇੱਛਾ
ਪ੍ਰਸ਼ਨ 23. ਨਾਗਰਿਕ ਸਭਾ ਵੱਲੋਂ ਮੰਤਰੀ ਜੀ ਦਾ ਜਨਮ ਦਿਨ ਕਿਸ ਵਾਰ/ਦਿਨ ਨੂੰ ਮਨਾਇਆ ਗਿਆ ਸੀ?
ਉੱਤਰ : ਐਤਵਾਰ
ਪ੍ਰਸ਼ਨ 24. ‘ਲਿਆਕਤ’ ਸ਼ਬਦ ਤੋਂ ਕੀ ਭਾਵ ਹੁੰਦਾ ਹੈ?
ਉੱਤਰ : ਕਾਬਲੀਅਤ
ਪ੍ਰਸ਼ਨ 25. ਜੁਗਲ ਪ੍ਰਸ਼ਾਦ ਨੇ ਦੇਵਕੀ ਨੂੰ ਕਿੱਥੇ ਬੈਠਣ ਲਈ ਕਿਹਾ ਸੀ?
ਉੱਤਰ : ਮੰਜੇ ‘ਤੇ
