ਔਖੇ ਸ਼ਬਦਾਂ ਦੇ ਅਰਥ
ਅ ਨਾਲ ਸ਼ੁਰੂ ਹੋਣ ਵਾਲੇ ਸ਼ਬਦ
ਅਹਿਨਿਸਿ : ਦਿਨ-ਰਾਤ, ਨਿਰੰਤਰ
ਅਹਿਮ : ਜ਼ਰੂਰੀ, ਖਾਸ, ਵਿਸ਼ੇਸ਼, ਕਠਨ, ਔਖਾ
ਅਹਿਮੀਅਤ : ਵਿਸ਼ੇਸ਼ਤਾ, ਖਾਸੀਅਤ, ਮਹੱਤਤਾ
ਅਹਿਰਨ : ਉਹ ਲੋਹਪਿੰਡ ਜਿਸ ਉੱਪਰ ਲੁਹਾਰ ਗਰਮ ਲੋਹਾ ਰੱਖ ਕੇ ਘੜਦਾ ਹੈ, ਆਹਨੀ, ਨਿਹਾਈ
ਅਹਿੱਲ : ਨਾ ਹਿੱਲਣ ਯੋਗ, ਕਾਇਮ, ਜੜ੍ਹ, ਸਥਿਰ
ਅਹਿਲਕਾਰ : ਕਰਮਚਾਰੀ, ਨੌਕਰ, ਅਹੁਦੇਦਾਰ
ਅਹਿਲਾਂ : ਦੁਰਲੱਭ, ਅਲੱਭ, ਬਿਨਾਂ ਲਾਭ
ਅਹਲੇਨਜ਼ਰ : ਅਕਲਮੰਦ, ਸਿਆਣਾ, ਬੁੱਧੀਮਾਨ, ਦਾਨਾ
ਅਹੀ ਤੇਹੀ : ਨਿਰਾਦਰੀ, ਬੇਇਜ਼ਤੀ
ਅਹੀ ਤੇਹੀ ਫੇਰਨੀ : ਬੇਇਜ਼ਤੀ ਕਰਨੀ, ਨੁਕਸਾਨ ਪੁਚਾਉਣਾ, ਹਾਲਤ ਖ਼ਰਾਬ ਕਰ ਦੇਣੀ
ਅਹੁਦਾ : ਪਦ, ਸਥਾਨ, ਸੀਟ, ਅਧਿਕਾਰ
ਅਹੁਦੇਦਾਰ : ਅਫਸਰ, ਕਰਮਚਾਰੀ, ਅਧਿਕਾਰੀ
ਅਹੂਤੀ : ਦੇਵਤਾ ਨੂੰ ਸੱਦਣ ਦੀ ਕ੍ਰਿਆ, ਦੇਵਤਾ ਨੂੰ ਬੁਲਾਉਣਾ, ਦੇਵਤਾ ਨੂੰ ਸੰਬੋਧਨ ਕਰਕੇ ਅਗਨੀ ਵਿਚ ਘਿਓ ਆਦਿਕ ਪਾਉਣ ਦੀ ਕ੍ਰਿਆ, ਹੋਮ, ਹਵਨ, ਹਵਨ ਦੀ ਸਮੱਗਰੀ
ਅਹੂਤੀ ਦੇਣੀ : ਦੇਵਤਾ ਨਮਿਤ ਅੱਗ ਵਿਚ ਸਮੱਗਰੀ ਪਾਉਣੀ, ਕੁਰਬਾਨੀ ਕਰਨੀ
ਅਹੋ : ਇਕ ਅਨੰਦ, ਸ਼ੋਕ ਅਤੇ ਅਸਚਰਜ ਬੋਧਕ ਸ਼ਬਦ
ਅਹੋਭਾਗ : ਚੰਗੇ ਭਾਗ
ਅਹੋਈ : ਸਾਂਝੀ ਦੇਵੀ, ਅਹਿਵੰਸ਼ ਵਿਚ ਹੋਣ ਵਾਲੀ ਇਕ ਦੇਵੀ ਜਿਸਦਾ ਕਿ ਕੁਆਰੀਆਂ ਕੁੜੀਆਂ ਵਰਤ ਰਖਦੀਆਂ ਹਨ।
ਅੰਕ : ਜਾਣਾ, ਟੇਢਾ ਜਾਣਾ, (ਨਾ) ਸੋਗ, ਰੰਜ, ਦੁੱਖ
ਅਕਸ : ਛਾਇਆ, ਪ੍ਰਤੀਬਿੰਬ, ਮੂਰਤੀ, ਪ੍ਰਤਿਮਾ
ਅਕਸਮਾਤ : ਅਚਾਨਕ, ਅਚਨਚੇਤ, ਦੇਵਨੇਤ ਨਾਲ
ਅਕਸਰ : ਆਮ ਕਰਕੇ, ਅਨੇਕ ਵਾਰ, ਵਿਸ਼ੇਸ਼ ਕਰਕੇ
ਅਕਸ਼ਾਂਸ਼ : ਅੰਸ਼, ਤਾਪਮਾਨ ਦਾ ਅੰਸ਼, ਸਥਿਤੀ ਵਿਸਤਾਰ,ਅਕਸ ਰੇਖਾ
ਅਕਸੀਰ : ਰਸਾਇਣ, ਉਹ ਦਵਾਈ ਜਿਸਦਾ ਅਸਰ ਵਿਅਰਥ ਨਾ ਜਾਵੇ।
ਅਕਹਿ : ਕਥਨ ਤੋਂ ਪਰੇ, ਅਕੱਥ, ਬੇਅੰਤ
ਅੰਕਗਣਿਤ : ਅੰਕ ਵਿਦਿਆ, ਅੰਕਾਂ ਨਾਲ ਸੰਬੰਧਿਤ ਗਿਆਨ, ਹਿਸਾਬ
ਅਕਤੂਬਰ : ਅੰਗਰੇਜ਼ੀ ਕੈਲੰਡਰ ਅਨੁਸਾਰ ਸਾਲ ਦਾ 10ਵਾਂ ਮਹੀਨਾ
ਅਕੱਥ : ਦੇਖੋ ਅਕਹਿ
ਅਕੱਥਕਥਾ : ਉਹ ਕਥਾ ਜੋ ਕਥਨ ਨਾ ਕੀਤੀ ਜਾ ਸਕੇ, ਕਹਿਣ ਤੋਂ ਪਰੇ, ਕਰਤਾਰ ਦੀ ਕਥਾ
ਅਕਰਮਕ : ਕਿਰਿਆ ਦਾ ਇਕ ਭੇਦ
ਅਕਬਰ : ਇਕ ਉਦਾਰਚਿੱਤ ਤੇ ਪ੍ਰਤਾਪੀ ਮੁਗਲ ਸਾਸ਼ਕ, ਬਹੁਤ ਵੱਡਾ, ਵੱਡਾ ਪ੍ਰਧਾਨ
ਅਕਰਖਣ : ਖਿੱਚਣ ਦੀ ਸ਼ਕਤੀ, ਖਿਚਾਓ, ਕਸ਼ਸ਼, ਖਿੱਚ
ਅਕਲ : ਬੁੱਧੀ, ਨਿਰਣਾ-ਸ਼ਕਤੀ, ਸਮਝ, ਵਿਵੇਕ, ਜਾਣਕਾਰੀ, ਸਿਆਣਪ
ਅਕਲ ਦਾ ਅੰਨ੍ਹਾ : ਮੂਰਖ, ਗਿਆਨਹੀਣ, ਬੁੱਧੂ
ਅਕਲ ਮਾਰੀ ਜਾਣੀ : ਦਿਮਾਗ ਦਾ ਕੰਮ ਨਾ ਕਰਨਾ, ਬੁੱਧੀ ਤੋਂ ਕੰਮ ਨਾ ਲੈ ਸਕਣਾ, ਸੋਚ ਸ਼ਕਤੀ ਗੁਆ ਬੈਠਣਾ
ਅਕਲਮੰਦ : ਅਕਲ ਵਾਲਾ, ਸਮਝਦਾਰ, ਸਿਆਣਾ, ਦਾਨਾ
ਅਕਲਮੰਦੀ : ਸਮਝਦਾਰੀ, ਸਿਆਣਪ, ਦਾਨਾਈ
ਅੰਕੜਾ : ਸੰਖਿਆ, ਹਿੰਦਸਾ, ਅੰਕ
