ਔਖੇ ਸ਼ਬਦਾਂ ਦੇ ਅਰਥ : ਦੇਖਿ ਪਰਾਈਆ ਚੰਗੀਆ
ਦੇਖਿ ਪਰਾਈਆ ਚੰਗੀਆ : ਭਾਈ ਗੁਰਦਾਸ ਜੀ
ਪਰਾਈਆ ਚੰਗੀਆ : ਪਰਾਈਆਂ ਸੁੰਦਰ ਇਸਤਰੀਆਂ।
ਉਸ ਸੂਅਰ : ਮੁਸਲਮਾਨ ਲਈ ਸੂਰ ਖਾਣ ਦੇ ਤੁਲ ਹੈ ।
ਉਸ ਗਾਇ ਹੈ : ਹਿੰਦੂ ਲਈ ਗਊ ਖਾਣ ਤੇ ਤੁਲ ਹੈ ।
ਪਰ ਧਨ : ਪਰਾਇਆ ਧਨ, ਦੂਸਰੇ ਦਾ ਹੱਕ ਖਾਣਾ ।
ਕਲਤ੍ਰ : ਇਸਤਰੀ ।
ਕੁਟੰਬੁ : ਪਰਿਵਾਰ, ਕੋੜਮਾ ।
ਧੋਹਿ : ਧ੍ਰੋਹ, ਫ਼ਰੇਬ ।
ਧਿਙਾਣੇ : ਜ਼ਬਰਦਸਤੀ, ਧੱਕੇ ਨਾਲ ।
ਉਸਤਿਤ : ਵਡਿਆਈ ।
ਵਡ ਪਰਤਾਪੁ : ਵੱਡੇ ਪ੍ਰਤਾਪ ਵਾਲਾ, ਵੱਡੇ ਤੇਜ ਵਾਲਾ ।
ਗਣਿ : ਮੰਨੇ, ਸਮਝੇ ।
ਅਹੰਮੇਉ : ਹਉਮੈਂ, ਹੰਕਾਰ ।
ਰਞਾਣੈ : ਦੁੱਖ ਦੇਵੇ ।
ਗੁਰਮੁਖਿ : ਗੁਰੂ ਦੀ ਸਿੱਖਿਆ ‘ਤੇ ਚੱਲਣ ਵਾਲਾ ਵਿਅਕਤੀ।
ਸੁਖ ਫਲੁ : ਸੁੱਖਾਂ ਦਾ ਫਲ ।
ਰਾਜੁ ਜੋਗੁ : ਸੰਸਾਰ ਵਿੱਚ ਵਿਚਰਦੇ ਹੋਏ ਜੋਗ ਕਮਾਉਣਾ।
ਰਸ : ਆਨੰਦ ।
ਰਲੀਆ : ਖ਼ੁਸ਼ੀਆਂ।
ਵਿਟਹੁ : ਉੱਤੋਂ ।
‘ਦੇਖਿ ਪਰਾਈਆ ਚੰਗੀਆ’ ਕਵਿਤਾ ਦਾ ਕੇਂਦਰੀ ਭਾਵ
ਪ੍ਰਸ਼ਨ. ‘ਦੇਖਿ ਪਰਾਈਆ ਚੰਗੀਆ’ ਕਵਿਤਾ ਦਾ ਕੇਂਦਰੀ (ਅੰਤ੍ਰੀਵ) ਭਾਵ ਜਾਂ ਸਾਰ ਲਗਪਗ 40 ਸ਼ਬਦਾਂ ਵਿੱਚ ਲਿਖੋ।
ਉੱਤਰ : ਉੱਚੇ ਨੈਤਿਕ ਗੁਣਾਂ ਦਾ ਮਾਲਕ ਗੁਰਸਿੱਖ, ਜਿਹੜਾ ਪਰਾਈਆਂ ਇਸਤਰੀਆਂ ਨੂੰ ਮਾਂਵਾਂ-ਧੀਆਂ ਅਤੇ ਭੈਣਾਂ ਸਮਝਦਾ ਹੈ ਅਤੇ ਪਰਾਏ ਹੱਕ, ਪਰਿਵਾਰਿਕ ਮੋਹ, ਹੰਕਾਰ ਤੇ ਉਸਤਤ-ਨਿੰਦਿਆ ਤੋਂ ਬਚਦਾ ਹੈ, ਉਹ ਸੁਖ-ਫਲ ਨੂੰ ਪ੍ਰਾਪਤ ਕਰਦਾ ਹੈ ਤੇ ਰਾਜ-ਜੋਗ ਦਾ ਰਸ ਮਾਣਦਾ ਹੈ। ਇਹ ਗੁਣ ਉਸ ਨੂੰ ਸਾਧ-ਸੰਗਤ ਤੋਂ ਪ੍ਰਾਪਤ ਹੁੰਦੇ ਹਨ।
